Ethupululo 21:27 - Emakhuwa Bible

²⁷ Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 21:27 Iomraidhean Croise

Icipo 101:8

Khula oxeexelo kinimwaamaaliha atakhali a mulaponi; kinoowoomola anamapaka soonanara ootheene musidadeni mwa Yave.

Okhuma 32:32

Vanonto, dyoontte, mulevelele yootthekaaya. Mwaahilevelela, mucipihe nsinanaka mulempaanyu mulivurinimwanyu.”

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Yesaya 60:21

Vanonto mulokwaanyu wootheene onookhala woororomeleya ni onookuxa elapo wa mahuku ootheene. Awosa ti niphuwa kiphatteiyaaka, muteko wa matataaka ntoko eyoonihero ya ovuwawaka.

Ezekiyeli 44:9

Yave onlamula sootheene, oneera ha: Ahikhaleru namarwa oohiineliwa mmurimani ni mweerutthuni aneera avolowe vaNipuronivaka Nootteela*, aani, hata vakhaani wa namarwa onkhala eriyari ya aYixrayeli.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Levitiku 13:46

Owo nlelo areeneno makokho, onookhala oohitteela. Owo akhaleke meekhaawe okhwipi wa okonelingwe.

Zakariya 14:21

Khula mwaapu wa oYerusaleemu ni oYuda onootteeliheriwa Yave a ikuru sootheene ni ootheene eneera erwe weera epake yooveleela anookuxa nyaapu sikina, yaapeyekemo. Vanonto okhuma nihuku nenenenno kheekhalatho ananakoso Mpaani mwa Yave a ikuru sootheene.

Nuumeru 12:15

Hiiho, Miriyami aakhala meekhaawe mahuku mathannameeli okerekhere wa waakonelingwe, ni muloko khawaattimunle owo ahihokoloxiwe.

Nuumeru 5:3

Mwaakhumihere okerekhere wa okonelingwe, okhuma asilopwana mpaka asithiyana, weera ehivalihe akonenlaayawo, mwa weiwo kinkhalaakawo eriyaraaya.

Matheyo 13:41

Mwaana a mutthu anaarumihe andyelowaawe, ni awo eniikhumihe sa omwenaawe sootheene sinaakwattula akina ni ootheene yaawo ampaka sootakhala.

Marku 7:2

Yaawoona oohuseraawe akina ecaaka ni matata oohitteela, eyo tiiyo woohinyawa.

Luuka 10:20

Wa soothesene, muhihakalale niwoko minepa soonanara sinoowiiwelelani, mene muhakalale niwoko masinaanyu aalempwa wiirimu.”

awEfeso 5:5

Vano nyuwo musuweleke nnenesene yeeyo: Khaawo namahuureya, hata oohitteela, naari namwiinlela mihakhu (eyo tiiyo olapa miluku sikina) anaakhele omwene wa Kristu ni Muluku.

aFilipi 4:3

Aani miyo kinoovekelani nyuwo mukhwaaka oororomeleya weera mwaakhavihere, niwoko awo aawana vamoha ni miyo niwoko na masu ooreeraxa vamohatho ni Klemente ni anamitekwaaka akina. Masinaaya ari mulivuruni ya okumi.

1 Timootheyo 1:10

wa anamararuwa ni anraruxana alopwanaru; wa yaawo anaavara atthu weera yaathumihe; wa anamootha ni yaawo anlipela moota woolokottha; ni wa wakhalaru wiittana okina wa nihusiho na ekhaikhai.

aHeberi 12:14

Mwiilipihe weera mukhale mmuretteleni ni atthu ootheene ni weera mukhale ootteela, niwoko ohikhanle ntteeliho, khaawo eniwoone Apwiya.

2 Pedru 3:13

Wa soothesene, ntoko yoororomelihiwa ya Apwiya, hiyo ningweherera wiirimu onyowani ni elapo enyowani enkhalaayawo ekhaikhai.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 3:5

Namawina anaawaretho ikuwo sootteela. Nkirwa kicipiha nsinanawe mulivuruni ya okumi, mene nkimwaakhulele vamaithoni wa Atithaka ni andyelowaaya.