Ethupululo 21:23 - Emakhuwa Bible

²³ Esidade kheenghaawela nsuwa, hata mweeri weera omwaleele, niwoko ovuwa wa Muluku onnamwaleela, ni Eputtiputthi ti onyaaraaya.

Ethupululo 21:23 Iomraidhean Croise

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Yesaya 2:10

Mvolowe munikhukuni; mwiipithe vatthayani mwa soowoopiha sa Yave ni waara wa otokweenaawe!

Yesaya 2:19

Atthu anootthawela munikhukuni vamwala ni munyattani niwoko na woopiha wa Yave ni waara wa otokweenaawe, Owo aavenyeraka otatha etthaya.

Yesaya 2:21

Atthu anootthawela munikhukuni vamwala ni munyattani niwoko na woopiha wa Yave ni waara wa otokweenaawe, Owo aavenyeraka otatha etthaya.

Yesaya 24:23

Mweeri onooyeviheya ni nsuwa nnimuulihiheya muru niwoko Yave a ikuru sootheene onoolamula vamwaako Siyoni ni oYerusaleemu – oovuwihiweene vamaithoni wa asitokweenaawe.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Habakuki 3:3

Yave orweenle oTemani; Ootteela orweenle wa mwaako Parani. Sela*. Ovuwawawe wookhuneela erimu ni ottottopeleyawawe woosareya elapo ya vathi.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Marku 8:38

Akhala mukina variyari wa ekhapira yooraruwa ni yoottheka ela onuuliwa muru niwoko na Miyo, naari na maswaaka, Mwaana a mutthu anuuliwetho muru wa yoowo aawaaka vamoha ni andyelowaawe ootteela moovuwani mwa Atithawe.”

Luuka 2:32

waara weera waamwaleele amalapo ni wa ovuwa wa atthwaanyu aYixrayeli.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:18

Khaawo omoonne Muluku, ahikhanle Mwanawe mmoharu ori vamoha ni Atiithi mwa Yoowo aasuwelihale.

Yohaane 1:4

Okumi waari mwa Nenno, ni Nno naari waara wa atthu.

Yohaane 1:9

Weera orwaaka mweelaponi Waara wa ekhaikhai, mwa Yoowo onaamwaleela atthu ootheene.

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

Yohaane 5:23

weera ootheene emuttittimihe Mwaana ntoko anaattittimihaaya Atiithi. Yoole ohinimuttittimiha Mwaana, khanaattittimihatho Atiithi yaamurumihale.

Miteko 22:11

Yaawo yaari vamoha ni miyo yaakeettiha ekivarenleene moono mpaka oDamasku, niwoko nkaawera woona mwaha wa otutha wa waara.

Ethupululo 14:4

Awo ti yaawo ahiivalihale ni asithiyana, niwoko khayaakonanne asithiyana, ni antthara Eputtiputthi weiwo entthunaaya orowa. Yaathummwale variyari wa atthu ni yaavahiwa wa Muluku ni Eputtiputthi ntoko mpatta woopacera wa yaale oororomela.

Ethupululo 18:1

Vahoolowaya kaamoona ndyelo mukina aakhuruwa wiirimu. Aarino ikuru sitokotoko, ni elapo yaamwaleeliwa ni waarawawe.

Ethupululo 21:11

Eyo yaara ni ovuwa wa Muluku, ni waarawaya waari ntoko waara wa nluku noottittimiheyaxa, ntoko nluku na yaspe* ni ekristalo*.

Ethupululo 21:25

Maselaaya kheerwa ewaleyatho othana, naari iwe khoorwa okhala ohiyu.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”