Ethupululo 21:1 - Emakhuwa Bible

¹ Vano kaahoona erimu enyowani, ni elapo enyowani, niwoko erimu ni elapo yoopacera yaavira, ni ephareiya yaahiya okhala.

Ethupululo 21:1 Iomraidhean Croise

Yesaya 27:1

Nihuku nenenenno Yave onoottaruxa ni ekatanaawe, ekatanaawe yoowoopiha, etokotoko ni yooweraxa, Levitiyani*, enowa eniipurula, Levitiyani*, enowa yoowiipirikixa. Yave onimwiiva enowa yoowoopiha eyo ya mphareiya.

Yesaya 51:11

Oowoopoliwa a Yave anoohokolowa. Anoovolowa oSiyoni ni wiipa; ohakalala woohimala onookhala icireembasaya. Ohakalalaxa onimwaaphwanya ni ohitteela ni ohihimera onimwaatthawa.

Yesaya 57:20

Vaheera atakhali ari ntoko ephareiya yoowali, ehiweraka omaaleleya, ni mitekutekusaya sinkhumiha nipheru na ittoko.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Daniyeli 7:3

Axinama axexe atokotoko, ekhalelowaaya yoovirikana mukina ni mukhwaawe, yaakhuma mphareiyani.

aRooma 8:21

munroromeloni weera soopattuxiwasene iye nsivuluxiwe wa okaporo wa yunttelo, ni hiiho sinoowera waakhela oneethi woovuwaxa wa anamwane a Muluku.

2 Pedru 3:10

Wa soothesene, nihuku na Apwiya nniwe ntoko namwiiya. Wiirimu onuulakaseye ni oruma otokotoko; itthu sa vathi nsiphwatiwe ni mooro, ni elapo ya vathi ni mitekosaya nsiruliwe.

2 Pedru 3:13

Wa soothesene, ntoko yoororomelihiwa ya Apwiya, hiyo ningweherera wiirimu onyowani ni elapo enyowani enkhalaayawo ekhaikhai.

Ethupululo 13:1

Kaahoona enama ya mmunepani emoha yaakhumale mphareiyani. Yaarino manyaka muloko ni nyuru mithannamiili ni icireemba muloko mmanyakanimwaya, ni khula muru waarino nsina nooveiha.

Ethupululo 20:11

Vahoolowaya kaahoona ehice etokoko yootteela, ni Yoole aakilaathiye. Elapo ni erimu yaatthawa vahoolowawe, ni nipuronaya khaniphwanyiwetho.

Ethupululo 21:5

Yoole aakilaathiye vahiceni aaheera: “Kimpaka sinyowani itthu soothesene!” Nitho: “Mulepe yeeyo, niwoko masu ala ti a ekhaikhai ni oophwanela ororomeliwa.”

Ethupululo 6:14

Wiirimu waapindiwa ntoko elivuru yookhuniwa, ni nyaako ni icurumba sootheene saasusihiwa mmapuronimwaya.