Ethupululo 20:4 - Emakhuwa Bible

⁴ Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 20:4 Iomraidhean Croise

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Daniyeli 7:22

mpaka Muluku a Musulusulu aaphiyalaawe, alaleiyaka nthorihelo aweerelaka ootteela a Muluku a Musulusulu. Yoophiya ehuhu awosa yookuxa omwene.

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Daniyeli 7:9

Miyo kiwehaka, saahiikaathiwa ihice sa emwene ni Muluku Oohimala aakilaathela. Yoowaraawe yaari yootteela ntoko etthabwe ni mayihaawe etteenleene ntoko mapururu a eputtiputthi. Ehicaawe ya emwene yaariciwa ni mooro ni mareekwaaya yaavarelatho.

Malekiya 4:5

Moone, Miyo kinimoorumihelasani mprofeeti Eliya nihinaaye ophiyera nihuku ntokweene ni noowoopiha na Yave.

Matheyo 19:28

Yeesu aaweerela: "Miyo kinooleelani ekhaikhai: mweehuhuni enyowani engwa, Mwaana a mutthu akilaathiyeene vahiceni ya ovuwa, nyuwo mukitthanre mmwikilaathi vahiceni muloko ni piili weera muthorihe ipuumba* muloko ni piili sa oYixrayeli.

Matheyo 24:10

Ehuhuweene yeeyo, ancipale eniihapuwe munroromeloni, evarihanaka ni esoondanaka akina ni akhwaaya.

Marku 6:16

Iiwalaawetho Herodi itthu iye, aaheera: “Yohaane – mulopwana kaamuhitalaaka – oovenyerera mookhwaani.”

Marku 6:27

Hiiho aamurumiha nakhotto oowiiva weera amuruuhele muru wa Yohaane. Mulopwana aarowa, anamuhita Yohaane mukaliposo,

Marku 9:11

Awo yaamukoha: “Heeni anamawera a nlamulo* aneeraaya weera ontthuneya toko Eliya orwa?”

Luuka 1:17

Anaahoole Apwiya mmunepani ni mukuruni sa Eliya. Anaahokoloxe mirima sa asitiithi wa asinamwanaaya, ni mirima sa oohiiwelela wa miruku sa atthu a ekhaikhai. Owo anaahiyere Apwiya muloko wooreherereiya.”

Luuka 14:14

Nyuwo mmwikhale ooreelihiwa, niwoko awo khaanono moota woowootthuvelani. Ntthuvelonanyu nniwe moovenyererani wa oowaakhuleliwa ni Muluku.”

Luuka 22:30

weera muceeke ni muwureke vameesaniwaka mureene moomwenenimwaka ni weera mukilaathi muhiceni, muthorihaka ipuumba* muloko ni piili sa aYixrayeli.

Yohaane 14:19

Vahoolo vakhaani amalapo kheerwa ekoonatho; vano nyuwo mmwikoone. Keenre Miyo kikhalaka ni okumi, nyuwotho mmwikhale ni okumi.

aRooma 11:15

Vano, okhoottawaya waawenre wiiraanyiha wa elapo ya vathi, eniikhumelele eheeni awo yaakhuleliwa veeli? Onuutaphulele okumi wa yaawo akhwiiye.

aRooma 8:17

Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

2 Timootheyo 2:12

Hiyo navilela ni Yoowo, nnilamuletho ni Yoowo; namukhootta Yoowo, Owo anaanikhoottetho.

Ethupululo 1:2

mwa yoowo onkhalela onamoona wa masu a Muluku ni wa onamoona wa Yeesu Kristu, aani wa soothesene oonnaawe.

Ethupululo 1:9

Miyo, Yohaane, munninyu ni mukhwiinyu moohaawani, moomweneni, ni moovilelani mwa Yeesu, kaari ocirumbani yiitthaniwa Patmo niwoko na masu a Muluku ni na onamoona wa Yeesu.

Ethupululo 11:11

Evirakatho mahuku mararu ni eriyari emoha ya nihuku, wiiseelela wa okumi wa Muluku waahaavolowa ni awo yaaheemela, ni woova otokotoko waahaamorela yaale yaawoonne.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 11:3

Nkaavahe ikuru anamoonaaka eeli, ni awo eniithalihere otthunawaka wa mahuku 1 260, ewanreene esaakho ya olalamika.

Ethupululo 11:7

Awo yaamalihaka onamoonaaya, enama ya mmunepani enrweela ngwiixerani eniyaawanane, eniyaawine ni eniiwiive.

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.

Ethupululo 14:11

Mwiixi wa ottaruxiwa wa atthweene yaawo onuutthuwe mahuku ootheene oohimala. Wa ootheene yaawo anlapa enama ya mmunepani ni ecaambulowaaya, ni wa yaale anaakhela eneneero ya nsinanaya, khoowowo wiitthuuwa othana ni ohiyu.

Ethupululo 15:2

Kaahoona etthu ekina yoolikana ni ephareiya ya ningaraasi yootakanseriwa ni mooro, ni mukerekheremwaya yaawo yaawinne enama ya mmunepani ni ecaambulowaaya ni nuumuru na nsinanaya. Awo yaahaakuxa amakita yaavahiwaaya ni Muluku,

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.

Ethupululo 2:26

Wa yoole ongwina ni onkwanihera mitekosaka mpaka ommaleloni, kinoomvaha ikuru sa olamula miloko:

Ethupululo 20:6

Ooreelihiwa ni ootteela yaawo eniikhale a ovenyerera woopacera. Okhwa wanaaveeli khoonaawera yaawo; awo eniikhale asaserdoti* a Muluku ni a Kristu, ni eniilamule vamoha ni Yoowo wa iyaakha macira muloko.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.

Ethupululo 4:4

Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

Ethupululo 6:9

Ehulakaru ewalelo* yanaathanu, kaahoona vathi valtaarini* minepa sa yaale yaakhwiiye niwoko na masu a Muluku, ni na onamoona yaakhalenlaaya.

Ethupululo 7:3

“Muhinanarihe hata elapo, hata ephareiya, naari nyiri mpaka hiyo nneeraahu niwiikaathere iwalelo vayuuci sa arumeiyi a Mulukwaahu.”