Ethupululo 2:23 - Emakhuwa Bible

²³ Nkiwiive anamwane a muthiyana owo. Vano, ikerexa sootheene nsisuwele weera Miyo ti Yoole onsuwela nnenesene soowuupuwela ni mirima, ni khula mutthu nkimwaakhelihe ntoko mutekwaawe omphwanelaaya.

Ethupululo 2:23 Iomraidhean Croise

1 Nyaha 17:18

Davide khanono yoowooleelanitho woomuttittimiha murumeiyaanyu. Nyuwo moomusuwela murumeiyaanyu,

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

2 Nyaha 6:30

muri wiirimu, nipuro mmankaanyu mwiiwe. Mulevelele ni mumpakele khula mutthu yeeyo omphwanelaawe, mweenre musuwela murimaawe. Aani, ti Nyuwo paahi musuwenle murima wa mutthu.

Yobi 24:23

Owo aangwera waahiya yiitthuuwaka, yiixoonaka okhala oolipeene, vaheera onaawehaweha nnenesene ephiro amviraaya.

Icipo 139:1

Ii! Yave, Nyuwo mohoota murimaaka ni mookisuwela.

Icipo 26:2

Mukiringe Yave ni mukoote murima; ngwehawehaxe murimaaka ni soowuupuwelasaka,

Icipo 44:21

vekhaikhai Muluku aamoona yeeyo eenre asuwela ixiiri sa murima.

Icipo 62:12

Osivela woororomeleya ti wawinyu, Nyuwo, Yave. Vekhaikhai khula mutthu munoomutthuvela yeeyo omphwanelaawe.

Icipo 7:9

Ii! Yave a ekhaikhai, Nyuwo munoona soowuupuwela ni mirima sa atthu ootheene, mmalihe nipuhero na atakhali ni mwaalipihe oororomeleya.

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 20:12

Ii! Yave a ikuru sootheene, Nyuwo mungwehaweha murima wa oororomeleya ni munoota murima ni soowuupuwela, mukihiye koone owiinlelawanyu ikukuttula, niwoko kininnyerera mulattwaaka mwa Nyuwo.

Zefaniya 1:11

Mulalamike nyuwosa munkhala mmuttettheni wa nakoso a esidade; ananakoswaanyu ootheene anoophwatiwa woomalela. Anooheleya nthala ootheene anthumiha eparatha*.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Luuka 16:15

Owo aaweerela: “Nyuwo ti yaale aniitaphula asineenaaya vamaithoni wa atthu, mene Muluku oosuwela mirimasanyu. Yeeyo eri yoottittimiheyaxa wa atthu, ti yoothanyeya vamaithoni wa Muluku.

Yohaane 21:17

Emaara yanaararu Yeesu aamukoha: “Simeyoni, mwaana a Yohaane, munookisivela?” Pedru aathanana niwoko na omukoha Yeesu emaara yanaararu:‘nyuwo munookisivela?’ ni aamwaakhula: “Apwiya, moosuwela itthu sootheene ni moosuwela weera kinnoosivelani.” Yeesu aamweerela: “Muciheke ikhondoolosaka.

Yohaane 4:16

Owo aamweerela: “Murowe, mwawiitthane aiyinyu ni ngweke wenno.”

Miteko 1:24

Vahoolowaya yaavekela: “Apwiya nyuwo munsuwela mirima sa ootheene. Munoonihere taani a eeli ala munthanlalaanyu,

aRooma 14:12

Hiiho, khula mutthu a hiyo anaamuthalihere mikhalelosawe Muluku.

aRooma 8:27

Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

aGalata 6:5

Khula mutthu ateexeke yooleemelaawe.

Deuteronomiyo 13:11

Hiiho aYixrayeli ootheene anoosuwela yeeyo, animoova, ni khawowo a nyuwo anaapake yoonanara ntoko eyo.

Deuteronomiyo 17:13

Hiiho muloko wootheene onimwiiwa ni, woovaka, khoonghokoleelatho ovaanya.

Deuteronomiyo 19:20

Atthu akinaawo yasuwela yeeyo animoova, kheerwatho epakeya etthu siiyeela eriyaraanyu.

Deuteronomiyo 21:21

Vano asilopwana ootheene a esidadaawe emvonyeke maluku mpaka okhwa. Mmalihe yoonanara ela variyariwanyu. aYixrayeli ootheene anoosuwela yeeyo ni animoova.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

1 Pedru 1:17

Woonaka weera mungwiitthana Atiithi Yaawo anthoriha ehikhalaka nthalu miteko sa mutthu ti mutthu, mweetteke ni woova ehuhu ya mukwahaanyu wa vathi.

Ethupululo 2:11

Yaawo arino maaru, yiiwe yeeyo Munepa onleelaaya ikerexa! Namawina kharwa ahaawa naari vakhaani okhwa wanaaveeli.

Ethupululo 2:7

Yaawo arino maaru, yiiwe yeeyo Munepa onleelaaya ikerexa! Wa namawina nkimutthunihere oca sa mwiri wa okumi ori mParadisu* wa Muluku.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 20:13

Ephareiya yaahaavaherera akhwiiye yaari mwemmo, ni okhwa ni Hadesi* yaahaavaherera akhwiiye yaari mwemmo, ni khula mutthu aathorihiwa mwaha wa mitekosawe.

Ethupululo 22:12

“Moone kinrwa vaanaano vaava. Ntthuvelonaka nri ni Miyo ni nkimutthuvele khula mutthu mwaha wa yeeyo aapakaawe.

Ethupululo 6:8

Kaaweha, ni ohoolowaka yaakhala ekavalu* yootteelela. Yoole eettiha iitthaniwa Okhwa, ni Hadesi* aamutthara vakhiviruweene. Yaavahiwa ikuru wa mpatta wanaaxexe wa elapo ya vathi weera awiive ni ekatana, etala, ikwerere ni asinama oowoopiha a ntuphini.

1 Samuweli 16:7

Vano Yave aamweerela Samuweli: “Muhiwehexexe ekhalelowaawe naari orakamawawe, niwoko Miyo koomukhootta. Yave khangweha ekhove ntoko mutthu: Mutthu ongweha ekhove, vaheera Yave ongweha murima.