Ethupululo 2:14 - Emakhuwa Bible

¹⁴ Wa soothesene, kookhalano soowoohimahimani sikina nyuwo: Nyuwo mookhalano iwo atthu antthara mahusiho a Balaami, mwa yoowo aamuxuttihale Balaki waareiya muraakho aYixrayeli weera ece sooca sooveleeleliwa miluku sikina, ni weera epake olavilavi.

Ethupululo 2:14 Iomraidhean Croise

Yesaya 57:14

Ni enimweeriwa: “Muthatawalihe, muthatawalihe, mureherere musewe, mvenxeke ikuttelelo mphironi mwa mulokwaaka.”

Yeremiya 6:21

Tivawo Yave oneeraawe ha: “Kinimwiikittha muloko ola. Asitiithi ni anamwanaayatho anookwakwathuliwa; aximwaattamana ni asinthamwene anooriheya.”

Ezekiyeli 3:20

Mooteene yoowo, oororomeleya ahiya ororomeleyawawe, anapaka yoonanara, ni Miyo kamwiikaathera nluku nookwattula ohoolowawe, owo anaakhwe. Vano mweenre nyuwo muhimooperera, owo anaakhwele soottheka opankaawe. Soopakasawe soororomeleya nsuupuweleliwa ni wa Miyo, nyuwo munookhalano nthowa na okhwawawe.

Ezekiyeli 44:12

Vaheera, yeenre erumeela vamaithoni wa milukusaya, ni emoroxela mootthekani muloko wa oYixrayeli, koolipela kitheteiyeene ntata weera awosa sinimwaahaawiha sootakhalasaya, onghima Yave onlamula sootheene.

Nuumeru 24:14

Vano kinoohokoleela mulokwaaka, mene mukihiye kooleeleni yeeyo muloko ola oneeraaya opakele mulokwaanyu mmahukuni a muhoolo.

Nuumeru 31:16

Ti yaawosa yeettenle ikano sa Biliyami, enaahapuxa aYixrayeli wa Yave mwa yeele yeereiye oPeyori, moota wooweera nihooxo nimoha naalaliha muloko wa Yave.

Nuumeru 31:8

Eriyari ya yaawo yaakhwiiye, yaari mamwene mathanu a oMidiyani ala: Evi, Rekemi, Zuri, Huri, ni Reba. Yaamwiivatho ni ekatana Biliyami, mwaana mulopwana a Peyori.

Matheyo 18:7

Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo!

Miteko 15:29

Muhikhuure inama sooveleeliwa wa miluku sikina; muhiwure ephomaaya; muhikhuure enama ya asinama oonyopotoliwa mmilo, ni muhiraruwe. Mwasemba itthusene seiya, munoopaka nnene. Weera sootheene siweetteleni nnene!”

Miteko 21:25

Mwaha wa amalapo arukunxale murima, nohaalepela yoolakelaahu weera ehiyeke inama sooveleeliwa wa miluku sikina, ehiwure ephome ya inama sinnyopotoliwa, ni ehiraruwe.”

aRooma 11:9

Ni Davide eenre: “Weera meesaaya ethatuwe ntthavi ni muraakho, nluku nookwattula ni noottaruxa.

aRooma 14:13

Tivawo, nihiyeke othorihana mukina ni mukhwaawe. Mulakele toko weera muhiikaathi nluku nookwattula, naari etthu enooceeliha mphironi ya munninyu.

aRooma 14:21

Fataari ohikhuura enama, naari ohiwura eviinyu, hata opaka yakhalaru etthu enimukwattuliha munninyu.

aRooma 9:32

Heeni yahaawenraaya? Niwoko khayaasaasa ni nroromelo, mene ni miteko. Awo yaakwattuliwa ni nluku nookwattula.

1 aKorinto 1:23

wa soothesene, hiyo ninimulaleiya Kristu oothomeiwa. Eyo ti nluku nookwattula wa aYuda ni ya anepa wa amalapo.

1 aKorinto 7:2

mene niwoko na oraruwa, ontthuneya weera khula mulopwana amutheleke mwaarawe, ni khula muthiyana ni iyawe.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

Yoxuwa 24:9

Balaki, mwaana mulopwana a Zipori, mwene a oMowabe, iireherenraawe waawanano aYixrayeli, aaruma oroweliwa Bileyami, mwaana mulopwana a Beyori, weera oolaphaseni.

1 Pedru 2:8

ni “Nluku nookwattula ni mwala woowuuwiha.” Yaawo ahinroromela, anookwattuliwa, niwoko khaaniiwelela mutthenga, ni awo athanleliwe yeeyo.

2 Pedru 2:15

Awo aahiya ephiro ya ekhaikhai ni aahapuwa, ettharaka ephiro ya Balaami, mwaana a Bosori, aasivenlaawe nlivo na otakhala,

Yuda 1:11

Ii! Anoohaawa! Niwoko yaatthara ephiro ya Kayini; ni yaasaka nlivo, yaatthara olokottha wa Balaami; ni yaaphwatiwa moonyakulihanani wa Kore.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.

Ethupululo 2:4

Wa soothesene, kookhalano yoowootherani ela nyuwo: moohiya osivelawanyu woopacera.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.