Ethupululo 19:18 - Emakhuwa Bible

¹⁸ weera mukhuure enama ya mamwene, asitokweene a anakhotto, alipa a ikuru ni ya ikavalu* ni anamweettihaaya, enama ya ootheene: maneethi ni ipottha, asikhaani ni asitokweene.”

Ethupululo 19:18 Iomraidhean Croise

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 34:20

Aani, Miyo kinoowinnyerera yaawo mmatatani mwa amwiittanaaya anghaawela owiiva. Mittembosaya sinookhala yooca ya ipalame ni axinama.

Yeremiya 7:33

Vano mittembo sa atthweene yaawo sinoociwa ni ipalame sa wiirimu ni axinama a nthupini ni kheekhalaru oowoomolela.

Ezekiyeli 29:5

Kinimoohiyani munikareni vamoha ni ihopa sootheene sa maxaapwaanyu. Nyuwo mmwimorele vanlakani ni khamvenxiwa hata khamvithiwa. Kinimwaavaha erutthwaanyu axinama a ntuphini ni ipalame sa wiirimu.

Ezekiyeli 39:17

Mwaana a mutthu, Yave onlamula sootheene, oneera ha: Mwiitthane moota wootheene wa ipalame ni axinama ootheene a ntuphini: ‘Ekhumase mmapuroni moothemwene yaarukureenre ni ethukumanele yooveleela kinoorehererelasaakani, yooveleela etokotoko mmanyaakoni sa oYixrayeli. Wu, nyuwosa munookhuurawo enama ni munoowura ephome.

Matheyo 24:28

Weiwo onkhalaayawo muttembo, marepo eniithukumanewotho.

Luuka 17:37

Awo yaamukoha: “Woowi Apwiya?” Owo aamwaakhula: “Weiwo oraayawo muttembo, eniithukumanewo mattawo.”

Deuteronomiyo 28:26

Mittembosanyu nsikhale yooca ya apalame ootheene ni ya asinama ooluwa a ntuphini, ahikhalaka oowoomolela.

Ethupululo 11:18

Amalapo yaanyoonyiwa; ni isarasanyu soophiya. Yoophiya ehuhu yoowaathoriha akhwiiye ni yoowaatthuvela arumeiyaanyu, maprofeeti ni ootteelaanyu ni yaawo anoova Nsinananyu –asikhaani ni asitokweene – ni yoowaaphwata yaawo amphwata elapo.”

Ethupululo 13:16

Yaahaanyesereratho weera ootheene, asikhaani ni asitokweene, oopuha ni oohaawa, maneethi ni ipottha, yaakhele eneneero emoha muntatani na moono mulopwana, hoye hoye vayuucini

Ethupululo 17:16

Enama ele ni manyaka muloko moonnaanyu eniimuthanye puuta. Iyo nsimuronghe mmilepeni, nsimuhiye oohiwara, nsikhuure erutthwaawe ni nsimuhise ni mooro,

Ethupululo 19:5

Vano naarweela vahiceni nsu nimoha, nikhuwelaka: “Munttottopele Mulukwaahu, nyuwo arumeiyaawe ootheene, nyuwo asikhaani ni asitokweene, mummoova!”

Ethupululo 6:15

Vano, mamwene a elapo ya vathi, asitokweene, ahooleli a anakhotto, mathadyiri, alipa a ikuru – ootheene, hata ipottha, hata maneethi – yaahiipitha mmakhukuni ni nnyattani sa nnyaakoni.

1 Samuweli 17:44

Aaheeratho: “Orweeke wenno weera kivahe erutthwaawo ipalame sa wiirimu ni axinama a ntuphini!”

1 Samuweli 17:46

Olelo Yave onoowinnyerera mmatatanimwaka ni miyo kinimoohita. Olelo vaava kinoovaha mittembo sa anakhotto a aFilisit ipalame sa wiirimu ni axinama ooluwa a ntuphini ni elapo ya vathi yootheene enoosuwela weera ookhala Muluku oYixrayeli!