Ethupululo 19:10 - Emakhuwa Bible

¹⁰ Kaamorela inaawosawe weera kimulape, mene owo aakeerela: “Muhipake yeeyo! Kiri murumeiyi ntoko nyuwo, ni ntoko axunninyu anlipihera moota woororomeleya onamoona wa Yeesu. Mmulape Muluku! Vano, okhalela onamoona mwaha wa Yeesu ti othalihera otthuna wa Muluku mmunepani.”

Ethupululo 19:10 Iomraidhean Croise

2 Mamwene 17:36

Vaheera munlape paahi Yave, mwa Yoowo ookhumihaleni wExipitu ni ikuruxa ni moono wooweraxa. Munkokhorele Yooworu ni mumpakele sooveleela.

Icipo 45:11

Mwene ootthukeya ni oreerawanyu. Munttittimihe niwoko ti pwiiyaanyu.

Okhuma 34:14

Muhilaperu miluku sikina, niwoko Yave, mwa yoowo Nsinanawe ti Ehace, Owo ti Muluku a ehace.

Daniyeli 2:46

Vano mwene Nebukadenezari aamukokhorela Daniyeli, anamuttittimiha, analamula weera apakeliwe soovaha ni sooveleela ni avahiwe erubani*.

Daniyeli 7:10

Mooloko wa mooro waakhuma ohoolowawe. Atthu ancipalexa yaamurumeela; atthu oohaalikeleya yaaheemela ohoolowawe. Nipuro nuulummwa milattu naapacera nthorihelo ni ilivuru saahuliwa.

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Marku 5:22

Vano aaphiya vaavaale muhooleli mmoha a eSinagoga* iitthaniwa Yairu. Amoonakaru Yeesu, aamukokhorela inaawosawe

Marku 7:25

Mwa yeeyo, iiwakaru wuulummwa sa Yoowo, muthiyana mmoha, mwanawe muthiyana aarino munepa woonanara, aahoowa ni aahuuwela vanaawoniwawe.

Luuka 1:19

Ndyelo aamwaakhula: “Miyo Gabriyeli, kinkhala ohoolo wa Muluku mahuku ootheene. Koorumihiwa weera kooleeleni ni koovaheeni masu ooreera ala.

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 13:27

muloko wa atthu a oYerusaleemu ni asitokweenaaya khayaamusuwenle Yeesu ntoko Mvuluxa, mene emuttaruxaka Yoowo, yaakwanihera masu a maprofeeti ansommwa iSaabadu sootheene.

2 aKorinto 8:7

Hiiho ntoko nyuwo munaattano mwa soothesene: mwa nroromelo, mwa masu, mwa osuwela, mwa nthiti nookwanela, ni mwa onisivelawanyu, hiihotho mwaatteno mwa muteko ola wa ovaha.

awEfeso 5:15

Mwiipasoope ni mweettelowaanyu – khaahiyono ntoko alolo, mene ntoko asuweli,

awEfeso 5:33

Wa soothesene, khula mulopwana a nyuwo amusiveleke mwaariye ntoko mwaneenaawe, ni mwaara amuttittimiheke iyawe.

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

1 aTesalonika 5:15

Mwiipasoope weera ahikhale mukina aneera amuhokoloxere isikula mukhwaawe, mene mahuku ootheene mukhale ooreera murima mukina ni mukhwaawe ni wa ootheene.

aHeberi 1:14

Vano, andyelo ari taani? Awo ari minepa soorumeela, sirumihiwe weera saarumeele yaawo eneera ephwanye ovuluwa.

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

1 Yohaane 5:10

Yoowo onimuroromela Mwaana a Muluku ookhalano onamoona ola mwaneenaaweru. Yoowo ohinroromela mwa Muluku, onimukhaliha Muluku Namootha, niwoko khanroromela onamoona Muluku onkhalelaawe mwaha wa Mwanawe.

1 Yohaane 5:21

Anamwane, mwiithokorore mwa miluku sikina.

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

Ethupululo 1:9

Miyo, Yohaane, munninyu ni mukhwiinyu moohaawani, moomweneni, ni moovilelani mwa Yeesu, kaari ocirumbani yiitthaniwa Patmo niwoko na masu a Muluku ni na onamoona wa Yeesu.

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.

Ethupululo 12:17

Edrakoni* yaamunyoonyeriwa muthiyana ole ni yaavenya weera awane ni yaale a ekhapiraawe, yaawo aniiwelela malamulo a Muluku ni amvarexexa nnenesene onamoona wa Yeesu.

Ethupululo 14:7

Owo aaheera ni nsu ntokotoko: “Mmoove Muluku ni mumvuwihe, niwoko yoophiya ehuhu ya othorihawawe. Munlape Yoole opanke erimu, etthaya, ephareiya ni anaattuuttu a maahi.”

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”

Ethupululo 4:10

asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka: