Ethupululo 18:2 - Emakhuwa Bible

² Vano aakhuwela ni nsu noowera, eeraka: “Oomora, oomora Babiloniya mutokweene! Owo oothatuwa nipuro sinkhalaaya minepa soonanara, ntthawelo wa minepa soonanara sootheene, ntthawelo wa ipalame sootheene soohitteela ni soothanyeya,

Ethupululo 18:2 Iomraidhean Croise

Yesaya 14:23

“Kinootatuxa oBabiloniya nipuro na isisi ni elapo ya mattapo; kinookwesa ni mvelo wa ophwata,” onghima Yave a ikuru sootheene.

Yeremiya 25:30

Vano, mwaathalihere yaawosa masu ootheene ala, mweeraka: ‘Yave ontturuma ari osulu; onkukutteela wookhalawawe wootteela; ontturumela mukuruni yawaweene. Owo onkhuwela ntoko anamavotta a iwuuva*; onaakhuwelela amaki ootheene a mulaponi.

Yeremiya 51:37

oBabiloniya onoohala ittuxoru, woomaka wa akhwatte, moopopihero ni yootthebwano; nipuro nihinkhaliwaru.

Yeremiya 51:8

Wootutuxereya oBabiloniya woomora, onaheleya nthala. Mulalamikele yeeyo! Mwaasere ebalsamu* nikhwattanaya; apaale nnoovola.

Yoweli 3:16

Yave anaatturume oSiyoni; nsunawe nniiwiwe oYerusaleemu. Erimu ni vathi eniitetereye, mene Yave anaakhale Wootthawelawo mulokwaawe; aani Nipuro Noolipaxa na aYixrayeli.”

Zefaniya 2:14

Sinimwiixaatalelawo mihuwo soohiyanahiyana ni moota wootheene wa axinama a ntuphini. Esiisi ya munikareni ni namame, sinimwiitthaala vasulu wa amarimbwaawe. Okhuwelawaya onimwiiwanyeela muxanelanimwawe. Sinookhala ittuxo mmilakoni, ni iviika sa esidari* sinimooneya.

Ethupululo 1:15

Inaawosawe saari ntoko eyuuma yoowiitthwaxa vamooroni, ni nsunawe ntoko oruma wa maahi mancipale.

Ethupululo 10:3

ni aakhuwela ni nsu ntokotoko naalikana murika wa mwatto. Akhuwelakaru, itari ithannapiili saaruma.

Ethupululo 11:8

Mittembosaya nsiriheliwe mmuseweni mutokweene wa esidade etokotoko, mwa yeeyo eniitthaniwa moota wa mmunepani Sodoma ni Exipitu, weiwo athomeiwaayatho Apwiyaaya.

Ethupululo 14:15

Vano ndyelo mukina aakhuma wa Empa ya Muluku aamukhuwelela ni nsu ntokotoko Yoole aakilaathiye munihutteni, eeraka: “Mukuxe ecikwaakhwaanyu ni muhephe, niwoko ehuhu ya ohepha yoophiya, ni soohepha sa mweelaponi sohiitthwa.

Ethupululo 14:8

Ndyelo anaaveeli aamutthara eeraka: “Oomora, oomora Babiloniya mutokweene, owurihale ilapo sootheene eviinyu ya soohaawela sa olavilavaaya!”

Ethupululo 16:13

Vano kaahoona sikumaka minepa soonanara miraru soolikana ni anaphulu mmwaanomwaya edrakoni*, enama ya mmunepani ni mprofeeti oolokottha.

Ethupululo 16:19

Esidade etokotoko yaakawanyiwa mipatta miraru, ni isidade sa ilapo saamora. Muluku aamuupuwelela Babiloniya mutokweene ni aamvaha ekoomixi ya eviinyu ya isara sa isikulasawe.

Ethupululo 17:18

Muthiyana mmoonnaanyu ti esidade etokweene enaalamula mamwene a elapo ya vathi.”

Ethupululo 17:5

Vayuuciwawe yaakhala yoolempwa ela: “NTIKHINELO: BABILONIYA MUTOKWEENE, MAAYI A MAPUUTA NI A SOOTAKHALA SA ELAPO.”

Ethupululo 18:10

Oowoopopihiwa niwoko na ottaruxiwawawe, eniikhale ottaiwene ni eniikhuwele yeeraka: “Ii! Ii! Enoohaawa, esidade etokweene, Babiloniya, esidade yoowera! Wa ewoora emoharu woophiya othorihiwawawo!

Ethupululo 18:21

Vano ndyelo oolipaxa mmoha aavenxa nluku ntokotoko naakhala ntoko wunnuwa wa nxilo ntokotoko, anavonyera mphareiyani, aneera: “Ni ikurusene seiya eniivonyeriwe vathi esidade etokweene Babiloniya, weera ehirwe ephwanyiwetho.

Ethupululo 5:2

Kaamoona ndyelo mmoha oolipa, akhuwelaka ni nsu ntokotoko: “Taani omphwanela ohula iwalelo ni ohula elivuru?”