Ethupululo 18:13 - Emakhuwa Bible

¹³ soothumiha sa kanela*, sooreerela sooreeraxa, erubani*, makhura oowunkhelaxa, eviinyu, makhura wa sooliveira*, ephepa, etrigu, imombe, ikhondoolo, ikavalu*, ikaaro sa ikavalu*, ni erutthu ni okumi wa atthu.

Ethupululo 18:13 Iomraidhean Croise

1 Mamwene 10:10

Owo aamvaha mwene ikiilu* macira miloko mixexe sa eyuuma yoorikaxa, itthu sooreerela sincipale ni maluku oowaaraxa. Khasinaruuhiwetho itthu sooreerela sincipale ntoko seiye pwiyamwene a oXeba aamvanghaawe mwene Salomoni.

1 Mamwene 10:15

ohiya misoko aakhelaawe wa ananakoso oohiyanahiyana sa mamwene a wArabiya ni maguvernadori a elapwaawe.

1 Mamwene 10:25

Eyaakha ti eyaakha khula mutthu aarwa omuxekura annamuruuhela soovaha– itthu sa eparatha*, eyuuma yoorikaxa, mikaandyo, ikapwitthi, itthu sooreerela, ikavalu* ni abuuru.

1 Nyaha 5:21

Vano yaakuxasa mihuwo sa aHagari, ikamelu* 50 000, ikhondoolo 250 000 ni abuuru macira miloko miili. Yaahaavaratho, enaatthuka atthu 100 000.

2 Nyaha 9:9

Owo aamvaha mwene ikiilu* 4 200 sa eyuuma yoorikaxa ni itthu sooreerela sincipale ni maluku oowaaraxa. Khasinooniweru soosivasiva sooreeraxa ntoko pwiyamwene a oXeba aamvanghaawe mwene Salomoni.

Nehemiya 5:8

Kaaheera: “Moota naaweraahu, nohaathuma axunna aYuda wa amalapo. Vano nyuwo munoovira mwaathumihaka moota wooweera hiyo naathumetho!” Awo yaari emaalelo, niwoko khayaarino yoowaakhula.

Okhuma 21:16

Yoowo ommwiiya mukina anamuthumiha hoye hoye anaphwanyaniwa, vekhaikhai iiviweke.

Masu a Miruku 7:17

Kohunkheliha wookonawaka ni emira*, alowe* ni ekanela*.

Ecipo Yooreeraxa 1:3

Wunkhela wa makhuraawe ti wooreera; nsinanawe ninlikana makhura oowunkhela ooyeehiwa. Kheehiyono yootikhiniha weera asimwali animoosivelani!

Ecipo Yooreeraxa 3:6

Taani yoowo onrwa aweelaka munikareni ntoko otthuwa wa mwiixi, wunkhelihiweene ni makhura a emira*, erubani* ni itthu sootakansiwa ni makhura ooreera sootheene sa anamathumiha?

Ecipo Yooreeraxa 5:5

Kaavenya weera kimuhulele nsele; matataaka yaavuuva emira*, ikathasaka saattonya emira* vakhatoni ya nampattika.

Yesaya 50:1

Yave oneera ha: “Eri woowi ekaratta ya omwalana ya amayinyu Miyo kaawoomolenlaaka? Mwa yeeyo, wa namakoongoriha taani koothumihaakani nyuwo? Muthumihiwe niwoko na sootthekasanyu; amayinyu yoomoleliwe niwoko na soonanarasanyu.

Ezekiyeli 27:13

oGresiya, oTubali ni oMeseke yaampakasa nakoso ni nyuwo; yaakuxa ipottha ni ikaruma sa ebronze* mwa sooreelasanyu.

Amosi 2:6

Yave oneera ha: “Niwoko na sootakhala sincipale seereiye oYixrayeli, nkirwa kihiya ottaruxa. Awosa animuthumiha ni eparatha* oororomeleya, nitho ikwakwaatta piili oohaawa .

Amosi 6:6

Nyuwosa mungwurera eviinyu mukoomixini sitokotoko, mwiixoottihaka makhura ooreeraxa, mene khamunthananela oheleya nthala wa Yoseefe.

Amosi 8:6

nimuthumaka oohaawa ni eparatha* ni oothoiwa ni ikwakwaatta piili, nithumihaka mpaka ikokhola ni etrigu.

Deuteronomiyo 24:7

Mukina aphwanyiwa amvaraka munneiye muYixrayeli weera angwinele amuthumihaka ntoko epottha, namavara owo iiviweke. Mmalihe yoonanara ela variyariwanyu.

Deuteronomiyo 28:68

Yave onimoohokoloxerani wExipitu mmakulani mphironi kaaweerenlaakani weera khamviratho. Iwo mmwathumihiwewo ntoko ipottha ilopwana ni ithiyana, mene khaawo eniyoothumeeni.’

1 Timootheyo 1:10

wa anamararuwa ni anraruxana alopwanaru; wa yaawo anaavara atthu weera yaathumihe; wa anamootha ni yaawo anlipela moota woolokottha; ni wa wakhalaru wiittana okina wa nihusiho na ekhaikhai.

2 Pedru 2:3

Mwa mililisaya atthweene yaawo eniiwiiyeeni ni andiisi oolokottha. Mene okhuma khalayi othorihiwawaya waakhala vamoha ni yaawo, ni ophwateyawaya khoonkona.

Ethupululo 18:14

Awo eniyeere: ‘Soopwaha soowiima seiyo waahaawelaawo. Mihakhusawo ni soowaarasawo sootheene soolakaseya. Khasirwa siphwanyiwatho.’

Ethupululo 18:15

Ananakoso a itthusene seiya yaapuhale ni mihakhusawe, eniikhale ottaiwene oowoopopiheya ni ottaruxiwawawe, ni eniyiinle ni eniilalamike,