Ethupululo 17:17 - Emakhuwa Bible

¹⁷ niwoko Muluku oohela mmurimanimwaya ohaawela opaka yeeyo ontthunaawe, aakhulelaka ovaha enama ele ikuru iyo sirinaaya weera elamule mpaka ekwaniheriwe masu a Muluku.

Ethupululo 17:17 Iomraidhean Croise

Ezera 7:27

Yave, Muluku a makholowaahu atthapeliwe, mwa Yoowo aamviriyenle mwene weera attittimihe moota ola Empa ya Yave oYerusaleemu.

Icipo 105:25

Vano aaceendya mirima sa amwiittanaaya weera ethanye mulokwaawe epaceraka ovaanelela yoowo.

Masu a Miruku 19:21

Vamurimani wa mutthu sookhala soovaanela sincipale, vaheera ompwaherera ti olakawawe Yave.

Masu a Miruku 21:1

Murima wa mwene onlikana ni mooloko ongwehawehiwa ni Yave; owo onimuhoolela weiwo ontthunaawewo.

Yesaya 45:17

Vaheera Yave onoovuluxa oYixrayeli ni ovuluxiwa woohimala; khookhalatho wuulihiheya muru hata oyeviheya wa mahuku ootheene

Yeremiya 32:40

Kinimwaakhalihera wiiraana woohimala: Nkirwa kihiya waapakela nnene, ni kinoopakiha weera ekoove ni murima, weera ehikihuluwetho.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Luuka 22:22

Mwaana a mutthu onoorowa ntoko olamuliwaawe, mene Ii! Onoohaawa yoole anaamvarihe.”

Luuka 22:3

Vano, Satana aavolowa mwa Yudasi, iitthaniwa Iskariyoti, mmoha a oohusera muloko neeli.

Luuka 22:37

Yoolempwa: ‘Aahaalikeleliwa vamoha ni atakhali.’ Miyo kinooleelani weera eyo entthuneya okwaniheriwa mwa Miyo. Aani, yeeyo elempwale mwaha wa Miyo ehanle vakhaani okhwaniheriwa.”

Yohaane 10:35

Hapo Muluku oowiitthana miluku yaale nnaarweela nsu na Muluku – ni Yoolempwa* kheenooceeleya –

Yohaane 13:18

Nkinoohimani nyuwo ootheene. Kohaasuwela yaawo kaathanlalaaka. Yeeyotho eneereiya weera ekwaniheriwe Yoolempwa*: ‘Yoole onca epaawaaka, ookivaha munyeethaawe.’

Yohaane 13:2

Yeera ereene vameesa ecaaka, ni Diyabu* aamusesera Yudasi Iskariyoti, mwaana a Simeyoni weera amvarihe Yeesu.

Yohaane 19:24

Awo yaaheerelana: “Nihaahule. Nrowe nipake macitta weera nimoone mutthu taani onrowa ovahiwa.” Eyo yeereenle weera ekwaniheriwe yoolempwa eneera: ‘Yaakawana ikuwosaka yaaworu ni yaapakela macitta wa soowarasaka.’ Eyo anakhotto ti yaapanke.

Yohaane 19:28

Vahoolowaya, asuwelaka weera sootheene saamaliheriwa ni weera ekwaniheriwe Yoolempwa*, Yeesu aaheera: “Okivola ntthona.”

2 aKorinto 8:16

Kinimutthapela Muluku, ohenle mmurimani mwa Titu opwatthawene weiwo miyo kookhalenlaakani nyuwo.

Ethupululo 10:7

Mahukutho ndyelo anaathanneeli aneeraawe iipe nipalapattanawe nnikwaniheriwe ntikhinelo na Muluku, ntoko Owo aaleenlaawe arumeiyaawe, maprofeeti.”

Ethupululo 15:1

Kaahoona wiirimu eneneero ekina etokotoko yootikhiniheya: andyelo athanneeli yaarino soohooxa ithannapiili sookisera, niwoko ni iyo sinkwanihereya isara sa Muluku.

Ethupululo 17:13

Awo arino ohaawela omoharu paahi ni eniivahe ikurusaya ni olamulawaya enama ya mmunepani.

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”

Ethupululo 6:11

Vano khula mutthu a yaale aahaakhela mukaandyo wootteela, ni yaaheereliwa weera ewehereretho vakhaani, mpaka okwanele waatta wa asikhwaaya ni axunnaya yeera ekhweeke ntoko yaawo.