Ethupululo 17:14 - Emakhuwa Bible

¹⁴ Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 17:14 Iomraidhean Croise

Icipo 110:5

Yave ori moonowaanyu woolopwana; Owo onimwaaphwata mamwene vanihukuni na isarasawe.

Yeremiya 1:15

Miyo kinlattula miloko sootheene sa imwene sa ottuttuwani,” onghima Yave. “Mamwene animoowa, yiikaathiki ihicesaya sa emwene vamilako sa oYerusaleemu. Anoowanano ixirisaya sootheene sirince ni mittetthe sootheene sa oYuda.

Yeremiya 1:19

Awosa animoowananani, mene khayoowinani, niwoko Miyo kiri ni nyuwo ni kinoowoopolani,” onghima Yave.

Yeremiya 50:44

Miyo kinoolupattha oBabiloniya wootutuxereya ntoko mwatto onkhuma mutuphini na oYordanu arowaka omunyepuni wooreerela, iirakamelihaka elapwaawe. Oothanliwa heeni kineeraaka kimurume yeeyo? Taani onlikana ni Miyo ongwera okipakela mpikisaano? Khawowo mukukhuli anaawere okiwanano.”

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 2:47

Mwene aamweerela Daniyeli: “Vekhaikhai Mulukwaanyu ti Muluku a miluku ni Apwiya a mamwene ni Namathupulula a mitikhinelo, niwoko moowera woonihera ntikhinelo nna.”

Daniyeli 7:21

Miyo kiwehexexaka, nnyaka nne naawanano ootteela, nnaawina,

Zakariya 2:8

Vano Yave a ikuru sootheene oneera ha: “Owo okirumihenle ohokoloxera ovuwawawe variyari wa miloko soohuhunleni, niwoko ootheene aneera ootannyeni onimweera wiitutha.

Matheyo 22:14

Vano, ancipale anniitthaniwa, mene vakhaani ti oothanliwa.”

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

aRooma 1:6

Ni nyuwotho muri a oowiitthaniwa weera mukhale a Yeesu Kristu.

aRooma 8:30

Yaawo Owo aathanlalaawe okhuma khalayi, oowiitthanatho, ni yaawo aawiitthannaawe, oowaakhulelatho, ni yaawo owaakhulenlaawe, oohaavuwihatho.

aRooma 8:37

Mwa itthu sootheene seiyatho, nri anamawina oopwahaxa niwoko na Yoole onisivenle.

1 aKorinto 15:24

Vano onuuphiye ommaleloni, Owo aavahereraka omwene wa Muluku Atiithi vahoolo wa ophwata elamulelo yootheene, otokweene wootheene, ni ikuru sootheene.

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

1 Timootheyo 6:15

Wooneya iwo Muluku anaakhumelelihe ehuhu yootthuneya, Muluku ooreelihiwa ni Namalamula mmoharu, Mwene a mamwene ni Pwiiya a asipwiiya,

2 Timootheyo 2:4

Yoowo ori nakhotto khampwattha miteko sikina sa okumi; owo onghaawela omusiveliha mutokweene a anakhotto paahi.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 11:7

Awo yaamalihaka onamoonaaya, enama ya mmunepani enrweela ngwiixerani eniyaawanane, eniyaawine ni eniiwiive.

Ethupululo 16:14

Siri minepa soonanara simpaka ineneero sootikhiniheya. Iyo sinrowa wa mamwene ootheene a elapo ya vathi, weera saathukumanyihere ekhotto ya nihuku ntokweene na Muluku a ikuru sootheene.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 2:13

Koosuwela munkhalaanyu, weiwo eraayawo ehice ya Satana. Wa soothesene, nyuwo moopwaherera moota woororomeleya mwa Nsinanaka, ni khamukhoontte nroromelonanyu mwa Miyo, hata wa mahuku a Antipa, namoonaaka oororomeleya, mwa yoowo iiviwe mwa esidadeene yeeyo onkhalaawewo Satana.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.