Ethupululo 17:1 - Emakhuwa Bible

¹ Mmoha a andyelo yaarino ikoomixi ithannapiili aakaattamela, anakeerela: “Ngweeke, kinoowooniherani othorihiwa wa puuta mutokotoko okilaathiye mmaahini mancipale,

Ethupululo 17:1 Iomraidhean Croise

Yesaya 1:21

Moone esidade yoororomeleya ethatungwaaya puuta. Khalayi yaasareya ekhaikhai emakiwaka ni wookoleleya, mene vano yoosareya anamwiiva!

Yesaya 57:3

“Vaheera nyuwosa, ngweeke va nyuwosa anamwane asilopwana a akhwiri, ekhapira ya anamararuwa ni mapuuta!

Yeremiya 2:20

Khalayi Miyo kaaphwata yoolemelaanyu, kinapasa onyooro wootthukani. Vaheera nyuwosa mweenre: Miyo nkoorumeelani! Ohiyanawaya, mwaako wootheene woorakamela ni vathi wa nyiri sootheene soopomba, nyuwo mwiixaatalela ntoko puuta.

Yeremiya 51:13

Nyuwo munkhala moohithowa maahi ni musareiye mihakhu – woophiyera ommaleloniwanyu, aani ehuhu ya omalamalihiwawanyu.

Ezekiyeli 31:4

Khayaahaleela epula yoowunnuwiha, hata oriirela wa etthaya weera opombihe. Maahi yaahelela nipuro wunnuwaayawo mwiri, ekhwalalelaka mmirini sootheene sa moothakoni.

Luuka 24:32

Awo yaakohana: “Mirimasahu khasivinghe olelo mphironi Owo uulumaka ni hiyo, anithaliheraka Yoolempwa*?”

Luuka 9:30

Atthu eeli, Moisesi ni Eliya, yaahiixoonihera ni yaapacera wuuluma ni Yeesu.

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

Ethupululo 15:1

Kaahoona wiirimu eneneero ekina etokotoko yootikhiniheya: andyelo athanneeli yaarino soohooxa ithannapiili sookisera, niwoko ni iyo sinkwanihereya isara sa Muluku.

Ethupululo 16:19

Esidade etokotoko yaakawanyiwa mipatta miraru, ni isidade sa ilapo saamora. Muluku aamuupuwelela Babiloniya mutokweene ni aamvaha ekoomixi ya eviinyu ya isara sa isikulasawe.

Ethupululo 18:1

Vahoolowaya kaamoona ndyelo mukina aakhuruwa wiirimu. Aarino ikuru sitokotoko, ni elapo yaamwaleeliwa ni waarawawe.

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”

Ethupululo 19:9

Ndyelo aakeerela: “Mulepe: Ooreelihiwa ti oowiitthaneliwa efesta ya othelana wa Eputtiputthi.” Aaheeratho: “Ala ti masu a ekhaikhai a Muluku.”

Ethupululo 21:15

Ndyelo uulumale ni miyo aarino ekopo yoopakeliwa eyuuma yoorikaxa weera aphime esidade, milakosaya ni exiraaya.

Ethupululo 21:9

Mmoha a andyelo athanneeli yaarino ikoomixi ithannapiili soosareya ni soohooxa ithannapiili sookisera aakaattamela, anakeerela: “Ngweeke, kinoowooniherani otthomeriwe, mwaara a Eputtiputthi.”

Ethupululo 4:1

Vahoolo wa itthusene seiya kaaweha, ni ohoolowaka waakhala mulako woohuleya wiirimu. Nsu kiiwalaaka woopacera nuulumaka ni miyo ntoko nipalapatta, naaheera: “Ngweleke va ni kinoowooniherani yeeyo eneera ekhumelele vahoolo wa itthusene seiya.”