Ethupululo 15:5 - Emakhuwa Bible

⁵ Vahoolowaya kaaweha, ni yaahuleiya wiirimu Empa ya Muluku, etabernaakulu* ya onamoona.

Ethupululo 15:5 Iomraidhean Croise

Okhuma 25:21

Ngwiikaathereke yookhuneelano Arka*, ni mpuwamwaya Namoona* kineeraaka koovaheeni.

Okhuma 38:21

Itthu iya saavareliwa muteko oteka etabernaakulu*, aani etabernaakulu* ya Wiiraana. Moisesi aahaalamula aLeevi weera elepe itthu iya, yaahooleliwa ni Ithamari, mwaana mulopwana a musaserdoti* Aharoni.

Nuumeru 1:50

Ohiya yeeyo, mwaakhalihe aLeevi ntoko ookhapelela etabernaakulu* enthokorora itthaabwa sa wiiraana, soovarelasaya muteko sootheene ni mwa sootheene sirimo. Awosa eteexeke etabernaakulu* ni soovarelasaya muteko sootheene; ekhapeleleke ni ekoneleleke mukhwipimwaya.

Nuumeru 1:53

Wa soothesene, aLeevi ekungeke iheemasaya muxerexere wa etabernaakulu* enthokorora itthaabwa sa wiiraana, weera isara sa Muluku sihimorele muloko wa aYixrayeli. Ti aLeevi eniikosoope etabernaakulu* enthokorora itthaabwa sa wiiraana.

Matheyo 27:51

Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya.

aHeberi 8:5

Awo anrumeela vaNipuroni Nootteela* nri etakiho ni munttuusi wa nenno nri wiirimu. Tivawo Moisesi oopereriwaawe eeraawe apake etabernaakulu*: “Mwiipasoope woopaka sootheene ntoko moota mooniheriwaanyu vamwaakoni.”

Ethupululo 11:19

Vano yoohuliwa Empa ya Muluku wiirimu, ni yaahooniwa mwemmwe Arka* a wiiraanawawe. Waakhala overunya, oruma, itari, otetereya wa elapo ni maralala matokotoko.

Ethupululo 13:6

Yaahula eyanowaaya weera emuveihe Muluku, ni weera eruwane Nsinanawe ni etabernaakulu* ni yaawo ankhala wiirimu.