Ethupululo 15:3 - Emakhuwa Bible

³ ni yaahiipa ecipo ya Moisesi, murumeiyi a Muluku, ni ecipo ya Eputtiputthi: “Sitokotoko ni sootikhiniheya siri mitekosanyu, Apwiya Muluku a ikuru sootheene. Soowookowa ni sa ekhaikhai siri iphirosanyu, Mwene a ilapo.

Ethupululo 15:3 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

1 Nyaha 6:49

Vaheera, aari Aharoni ni ekhapiraawe, yaaruuha sooveleela valtaarini* a sooveleela soohisa ni valtaarini* a erubani* ni yaakwanihera miteko sootheene sikina sa vaNipuroni Nootteelaxa*. Yaahaarehererelatho aYixrayeli wiiwanana ni Muluku, ettharihaka sootheene aalamuleliwaawe Moisesi, murumeiyi a Muluku.

2 Nyaha 24:6

Tivawo mwene aamwiitthannaawe Yehoyada, mutokweene a asaserdoti*, anamukoha: “Heeni muhaanyesereringhaanyu aLeevi weera eruuhe oYuda ni oYerusaleemu musoko waalamuleliwe ni Moisesi, murumeiyi a Yave wa muthukumano wa aYixrayeli, mwaha wa Eheema ya Arka* a wiiraana?”

Nehemiya 9:14

Mwaahaasuweliha nihukunanyu nootteela na eSaabadu ni mwaahaavaha miruku, ikano ni malamulo mwa murumeiyaanyu Moisesi.

Yobi 36:24

Muupuwelele wunnuwiha mitekosawe, mwa seiyo atthu aniipelaaya ni icipo soovuwiha.

Yobi 5:9

Owo ompaka sootikhiniha soohihimeya, aani sootikhiniha soohaalikeleya.

Icipo 100:5

Vano Yave ti ooreera ni osivelawawe woohihiyanyiheya ti woohimala. Ororomeleyawawe onkhala ni ikhapira sootheene.

Icipo 105:5

Muupuwelele sootikhiniha opankaawe – aani sootikhinihasawe ni soolakela ohimmaawe,

Icipo 111:2

Miteko sa Yave ti sitokotoko; ootheene ansivela seiyo anootthokelela.

Icipo 111:7

Miteko sa matataawe ti soororomeleya ni sa ekhaikhai; ikanosawe sootheene soophwanela ororomela.

Icipo 139:14

Miyo kinoottottopelani niwoko mookipaka moota wooreerela ni wootikhiniheya; mitekosanyu ti sootikhiniheyaxa – miyo kinsuwela yeeyo nnenesene.

Icipo 145:17

Yave ti oororomeleya mphironimwawe moothemwene, asivelaka sootheene ompakaawe.

Icipo 145:6

Iyo nsithalihere sa ikuru sa soopakasanyu soowooveya ni miyo kinoolaleiya mitekosanyu sitokotoko.

Icipo 18:30

Ephiro ya Muluku ti yookwanela; masu a Yave ti oophwanela ororomela. Owo ti yoowiixaakihera wa ootheene animuroromela.

Icipo 78:12

Owo aapaka sootikhiniha vamaithoni wa makholowaaya wExipitu, elapo ya oZowaani.

Icipo 92:5

Ii! Yave, sitokotoko ti mitekosanyu; sootikhiniheya ti soowuupuwelasanyu!

Icipo 99:4

Mwene ti a ikuru – Owo onsivela ekhaikhai. Mookhaliha meerelo a ekhaikhai; moopaka oYakobe yeeyo eri yoowookoleleya ni yoororomeleya.

Yesaya 33:22

Vano Yave ti Mphukaahu onnilamula. Yave ti Mwenaahu; ti Yoowo aneera anivuluxe.

Yesaya 45:21

Muhime yeeyo eneera yeereiye, moonihere yoowaakhuleleya. Awosa ethukumane elakane. Taani aahimale yeeyo khalayi? Taani aalaleiye mweehuhuni evinre? Kaari Miyo, Yave. Khoowowo muluku mukina kihikhanle Miyo, Muluku Oororomeleya ni Mvuluxa. Khoowowo muluku mukina kihikhanle Miyo.

Daniyeli 6:20

Aakhuveelaawe vanlittini, aamwiitthana Daniyeli ni nsu noothananaxa: “Daniyeli, murumeiyi a Muluku Mukumi, weeraka Mulukwaanyu mwa Yoowo munimurumeelaanyu khula nihuku oowera oowoopolani?”

Daniyeli 9:11

aYixrayeli ootheene aahiya nlamulonanyu, enahapuwa, ekhoottaka owiiwelelani. Tivawo malapho ni mahooxo alempwale munlamuloni na Moisesi, murumeiyi a Muluku, animorenlaaya, niwoko nohootthekelani Nyuwo.

Hoxeya 14:9

Musuweli taani? Ti yoowo anoonelemo itthu iya. Taani orino akhili? Ti yoowo aniiwexexe. Iphiro sa Yave ti soororomeleya; oororomeleya amvira mwemmo, vaheera attiyamaaru anookwattuliwamo.

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Yohaane 1:17

Vano, nlamulo nivahiwe ni Moisesi, mahala ni ekhakhai erwiiye ni Yeesu Kristu.

Deuteronomiyo 31:30

Vanonto Moisesi aahuuluma masu a ecipo yootheene ela yiiwiwaka ni muthukumano wootheene wa aYixrayeli:

Deuteronomiyo 32:3

Nkilaleye Nsina na Yave. Otthapeliwe ovuwa wa Yave!

Deuteronomiyo 34:5

Vanonto, Moisesi, murumeiyi a Yave, aakhwenle vaavaale, oMowabe, ntoko Yave aahimalaawe.

1 Timootheyo 1:17

Wa Mwene oohimala, Muluku mmoharu oohikhwa ni oohooneya, nikhale nttittimiho ni ovuwa mahuku ootheene oohimala. Ame*.

aHeberi 3:5

Moisesi aari oororomeleya ntoko murumeiyi Mpaani mootheene mwa Muluku, akhalelaka onamoona yeeyo yaarwa ohimmwa vahoolo,

Yoxuwa 22:5

Wa soothesene, mwiipasoope weera mwiiwelele nnenesene Nlamulo ni ikano Moisesi, murumeiyi a Yave, oovanghaaweni: Munsivele Yave Mulukwaanyu, mweette mphironimwawe, mwiiwelele malamulowaawe ootheene, mumvarexexe Yoowo ni munrumeeleke ni murimaanyu ni okumaahu wootheene.”

Ethupululo 1:8

“Miyo ti Alfa* ni Omega*,” yeenre Apwiya Muluku, “Yaawo ari, yaari, ni eniirwe, a ikuru sootheene.”

Ethupululo 11:17

yeeraka: “Nnootthapelani Nyuwo, Apwiya Muluku a ikuru sootheene muri ni mwaari, niwoko mookuxa ikurusanyu sitokotoko ni moopacera olamula.

Ethupululo 14:3

Awo yaahiipa ecipo enyowani ohoolo wa ehice, ikhalelo ixexe ni asitokweene. Khaawo yaawera oxuttera ecipo ele, ehikhanle atthu 144 000, mwa yaawo yoopoliwe mweelaponi.

Ethupululo 14:8

Ndyelo anaaveeli aamutthara eeraka: “Oomora, oomora Babiloniya mutokweene, owurihale ilapo sootheene eviinyu ya soohaawela sa olavilavaaya!”

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:16

Mmukaandyonimwawe ni vatakhwiniwawe noolempwa nsina nna: MWENE A MAMWENE NI APWIYA A ASIPWIIYA.

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”

Ethupululo 4:8

Ekhalelo ti ekhalelo yaarino mapupha mathannamosa ni yaasareya maitho mapuro ootheene – mpaka mmapuphani. Ohiyu ni othana sihiitthuuwaka sineera: “Ootteela, Ootteela, Ootteela ti Apwiya Muluku a ikuru sootheene, yaari, ari, ni eniirwe.