Ethupululo 14:14 - Emakhuwa Bible

¹⁴ Kaaweha, ni ohoolowaka naari nihutte nootteela, ni akilaathiyeene munihutteni Mukina oolikana ni Mwaana a mutthu, areeneno vamuruwawe ecireemba ya eyuuma yoorikaxa ni mmatatanimwawe ecikwaakhwa yoowiithaxa.

Ethupululo 14:14 Iomraidhean Croise

Icipo 21:3

Moomwaakhela nnene ni mareeliho oowaatta, munangwariha ecireemba ya eyuuma yoorikaxa.

Icipo 97:2

Mahutte ooriipihana ni wiilihana aamurica; ekhaikhai ni ororomeleya ti mathipelo a ehicaawe ya emwene.

Yesaya 19:1

Masu mwaha wa wExipitu ti ala: “Moone, Yave oneetta munihutteni noowaakuveya ninrowa wExipitu. Miluku soolokottha sa wExipitu sinthukumela ohoolowawe ni mirima sa awExipitu simporora.

Ezekiyeli 1:26

Vasulu wa erimu yaari mmurumwaya, yaakhala etthu yaalikana ni ehice ya safira* ni yoorakamelaxa, vahiceni, yaakhala ekhalelo yaalikana ni mutthu.

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Matheyo 13:30

Muhiye weera sunnuwe vamoha mpaka ehuhu ya ohepha. Vano, miyo nkiweerele anamahepha weera epacere omuukela nakhwali, emutthukaka irecesene weera sihisiwe. Vahoolowaya nkiweerele weera ethukumanye etrigu ni ethokorore vatathaniwaka.’”

Matheyo 17:5

Alokololaka, nihutte nootteelaxa nahaakhuneela, ni mwa nenno naakhuma nsu nimoha neeraka: “Ola ti Mwanaka oosiveleyaxa. Owo onkisiveliha vancipale. Mmwiiwe Yoowo.”

Marku 4:29

Yiitthwaru etrigu, mulopwana onoopacera waanyuula, niwoko yoophiya ehuhu ya ohepha.”

Luuka 21:27

Vano eniimoone Mwaana a mutthu awaaka munihutteni ni ikuru ni ovuwa otokotoko.

aHeberi 2:9

Mpatta mukina nimmoona Yoole, wa ehuhu vakhaani aayevihiwe vakhaani waapwaha andyelo, Yeesu aawarihiwe ni ovuwa ni nttittimiho niwoko na okhwa ohaangwaawe. Mmahalani a Muluku Yeesu aalawiha okhwa wa mpuha wa ootheene.

Ethupululo 1:13

ni variyari wa iyo Mukina oolikana ni Mwaana a mutthu, ni mukaandyo woorakama ni angwanreene vakakasani laamba a eyuuma yoorikaxa.

Ethupululo 1:7

Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*

Ethupululo 10:1

Vano kaamoona ndyelo mukina oolipa akhuruwaka wiirimu, areene munihutteni ni muura vamuruwawe. Ekhovaawe yaari ntoko nsuwa, ni nyettosawe saari ntoko amarimbu a mooro.

Ethupululo 11:17

yeeraka: “Nnootthapelani Nyuwo, Apwiya Muluku a ikuru sootheene muri ni mwaari, niwoko mookuxa ikurusanyu sitokotoko ni moopacera olamula.

Ethupululo 19:12

Maithwaawe ari ntoko malumi a mooro, ni mmurumwawe sookhala icireemba sincipale. Owo ookhalano nsina, mwa nenno khaawo onsuwela, ahikhanle mwaneenaawe.

Ethupululo 20:11

Vahoolowaya kaahoona ehice etokoko yootteela, ni Yoole aakilaathiye. Elapo ni erimu yaatthawa vahoolowawe, ni nipuronaya khaniphwanyiwetho.

Ethupululo 6:2

Kaaweha, ni ohoolowaka yaakhala ekavalu* emoha yootteela, ni yoole eettiha aakhalano muupa. Aavahiwa ecireemba ni owo aavenyawo, ntoko namawina oolikana owina.