Ethupululo 13:11 - Emakhuwa Bible

¹¹ Vano kaahoona enama ya mmunepani ekina, evenyaka mweelaponi ni manyaka meeli ntoko eputtiputthi, mene yuulumale ntoko edrakoni*.

Ethupululo 13:11 Iomraidhean Croise

Daniyeli 7:8

Miyo kiwehexexaka manyaka, kaahoona nnyaka nikhaani nikina, naakhuma eriyaraaya ni manyaka mararu a yaale oopacera yaakompholiwa weera nikhaani nne niphwanye nipuro. Nnyaka nne naakhalano maitho ntoko a atthu ni eyano yuuluma moota woowiikuxa.

Daniyeli 8:3

Kaaweha okhopela mooloko ni kaamoona napunci ni manyaka meeli, eemenleene mukerekhere mooloko ni manyakeene yaale yaarakamaxa. Vano nnyaka naamalihenre omela naari noorakamaxa opwaha nikina.

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

2 aTesalonika 2:4

Owo anaakhale mwiittana a sootheene seiyo siri sa Muluku, hoye hoye soolapiwa, ni aniivuwihe wa itthu iyo mpaka anaakilaathi vaNipuroni Nootteela* na Muluku, alaleiyaka weera owo muneenaawe ti Muluku.

Ethupululo 11:7

Awo yaamalihaka onamoonaaya, enama ya mmunepani enrweela ngwiixerani eniyaawanane, eniyaawine ni eniiwiive.

Ethupululo 12:17

Edrakoni* yaamunyoonyeriwa muthiyana ole ni yaavenya weera awane ni yaale a ekhapiraawe, yaawo aniiwelela malamulo a Muluku ni amvarexexa nnenesene onamoona wa Yeesu.

Ethupululo 13:1

Kaahoona enama ya mmunepani emoha yaakhumale mphareiyani. Yaarino manyaka muloko ni nyuru mithannamiili ni icireemba muloko mmanyakanimwaya, ni khula muru waarino nsina nooveiha.

Ethupululo 13:17

weera khaawo eera awere othuma, naari othumiha, ahikhanleno eneneero eri nsina na enama ya mmunepani, hoye hoye nuumuru na nsinanaya.

Ethupululo 13:4

Yaakokhorela edrakoni* yaavanghaaya ikuru wa enama ele ni yaakokhorelatho enama ele, yeeraka: “Taani onlikana ni enama ya mmunepani? Taani ongwera owanano yeela?”

Ethupululo 16:13

Vano kaahoona sikumaka minepa soonanara miraru soolikana ni anaphulu mmwaanomwaya edrakoni*, enama ya mmunepani ni mprofeeti oolokottha.

Ethupululo 17:6

Kaahoona weera muthiyana aahapaliwa ephome ya atthu ootteela, ephome ya anamoona a Yeesu. Kimoonakaru, kaatikhinaxa.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.