Ethupululo 13:1 - Emakhuwa Bible

¹ Kaahoona enama ya mmunepani emoha yaakhumale mphareiyani. Yaarino manyaka muloko ni nyuru mithannamiili ni icireemba muloko mmanyakanimwaya, ni khula muru waarino nsina nooveiha.

Ethupululo 13:1 Iomraidhean Croise

Yeremiya 5:22

Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Daniyeli 11:36

“Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Daniyeli 2:41

Ntoko moonnaanyu, inaawo ni ikatha saatakanseriwe eyuuma ni oloko. Eyo entaphulela weera omwene yoowo onuukhale wookawanyeya. Hata hiiho onookhalano ikuru sa eyuuma murimoonaru eyuuma yootakansereya ni oloko.

Ethupululo 11:7

Awo yaamalihaka onamoonaaya, enama ya mmunepani enrweela ngwiixerani eniyaawanane, eniyaawine ni eniiwiive.

Ethupululo 12:3

Yaahooneya wiirimu eneneero ekina: edrakoni* etokotoko yooxeera yaarino nyuru mithannamiili ni manyaka muloko, ereeneno nyurusaya icireemba ithannapiili.

Ethupululo 13:11

Vano kaahoona enama ya mmunepani ekina, evenyaka mweelaponi ni manyaka meeli ntoko eputtiputthi, mene yuulumale ntoko edrakoni*.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 13:15

Yaavahiwa ikuru weera evahe omumula ecaambulo ya enama yoopacera, moota wooweera eyo ewere wuuluma ni ewiive ootheene yaawo ankhootta olapa ecaambuloweene yeele.

Ethupululo 15:2

Kaahoona etthu ekina yoolikana ni ephareiya ya ningaraasi yootakanseriwa ni mooro, ni mukerekheremwaya yaawo yaawinne enama ya mmunepani ni ecaambulowaaya ni nuumuru na nsinanaya. Awo yaahaakuxa amakita yaavahiwaaya ni Muluku,

Ethupululo 16:13

Vano kaahoona sikumaka minepa soonanara miraru soolikana ni anaphulu mmwaanomwaya edrakoni*, enama ya mmunepani ni mprofeeti oolokottha.

Ethupululo 17:16

Enama ele ni manyaka muloko moonnaanyu eniimuthanye puuta. Iyo nsimuronghe mmilepeni, nsimuhiye oohiwara, nsikhuure erutthwaawe ni nsimuhise ni mooro,

Ethupululo 17:3

Vano ndyelo aakikuxa mMunepani akironghaka munikareni. Weiwo kaamoona muthiyana, awenleene enama yooxeera ya mmunepani, esareiyeene masina ooveiha ni yaarino nyuru mitannamiili ni manyaka muloko.

Ethupululo 17:5

Vayuuciwawe yaakhala yoolempwa ela: “NTIKHINELO: BABILONIYA MUTOKWEENE, MAAYI A MAPUUTA NI A SOOTAKHALA SA ELAPO.”

Ethupululo 19:19

Vano kaahoona enama ya mmunepani ni mamwene a elapo ya vathi ni anakhottwaaya, ethukumanneene weera engwanane Yoole aawenle ekavalu* ni anakhottwaawe.