Ethupululo 12:9 - Emakhuwa Bible

⁹ Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 12:9 Iomraidhean Croise

Epacerero 3:1

Vano enowa yaari ni miruku soolokottha opwaha inama sootheene sa ntuphini Yave Muluku aapankaawe. Enowa yaamukoha muthiyana: “Ti yeeyo Muluku eenraawe: ‘Muhice naari yoowiima emoha ya nyiri sa ematta’?”

Epacerero 3:13

Yave Muluku aamukoha muthiyana: “Eheeni nyuwo mpankaanyu?” Vano muthiyana aamwaakhula: “Enowa yookilokottha ni miyo kohooca.”

1 Nyaha 21:1

Satana aahaamorela aYixrayeli, anamutannyera Davide ompaka namalepela a muloko.

2 Nyaha 18:21

Owo waamwaakhula: ‘Kinoorowa kakhaleke munepa woowootha mmwaano mwa maprofeeti ootheene a mwene.’ Yave aaheera: ‘Nyuwo munoowera omulokottha; Murowe, mwapakewo.’

Icipo 109:6

Awosa aneera: “Munthanle mulopwana oonanara weera amoothere; namoothera eemeleke moonowaawe woolopwana.”

Yesaya 14:12

Ii! Ethenyeeri ya oxeexelo, mwaana a oxa! Moota mmonraanyu wiirimu! Moota mmoroxeliwaanyu vathi – nyuwo khalayi mwaaphwata miloko sincipalexa.

Yesaya 27:1

Nihuku nenenenno Yave onoottaruxa ni ekatanaawe, ekatanaawe yoowoopiha, etokotoko ni yooweraxa, Levitiyani*, enowa eniipurula, Levitiyani*, enowa yoowiipirikixa. Yave onimwiiva enowa yoowoopiha eyo ya mphareiya.

Yesaya 65:25

Mwiici ni eputtiputthi enimooca vamoha, ni mwatto onimooca malaxi ntoko emombe elopwana, vaheera ntthupi nnikhale yooca ya enowa. Iyo khasinanariha hata ophwata vamwaakowaaka wootteela wootheene,” onghima Yave.

Ezekiyeli 28:16

Mumvarexenxaanyu nakoswaanyu moosareya nipuhero, munattheka. Tivawo Miyo koovonyenraakani ooyeviheyeene ottai wa mwaako wa Muluku, kinawoomolani, ii! Kerubini* oolipelela eriyari ya maluku ooceremela.

Matheyo 13:39

Mwiittana aamwaanle nakhwali ti Diyabu* . Ohepha ti emalihero ya ehuhu, ni anamahepha ti andyelo.

Matheyo 24:24

Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Matheyo 4:1

Yeesu aakuxiwa ni Munepa aronghiwaka onikareni weera eereriwe ni Diyabu*.

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 4:5

Vano Diyabu* aamurongha Yoowo osidade yootteela, anamwiikaathi vanankatthani a Empa ya Muluku, anamweerela:

Matheyo 4:8

Diyabu* aamukuxatho Yeesu amurowanaka vamwaako woorakama vancipale, ni aamoonihera omwene wootheene wa elapo ya vathi ni ovuwawaya,

Luuka 10:18

Owo aahaakhula: “Miyo koomoona Satana amoraka wiirimu ntoko overinya.

Luuka 13:16

Vano, khoontthuneya weera muthiyana ola, mwaana a Abrahaamu, aatthukiwe ni Satana wa iyaakha muloko niithanatthaaru, otaphuliwa eSaabadu mwa yeeyo aatthukeliwaawe?”

Luuka 22:3

Vano, Satana aavolowa mwa Yudasi, iitthaniwa Iskariyoti, mmoha a oohusera muloko neeli.

Luuka 22:31

Simeyoni, Simeyoni, Satana onnavekelaxa weera ooveereni ntoko etrigu,

Luuka 8:12

Mmiso waamorenle mukerekhere wa ephiro ti yaawo aniiwa. Vano, ongwa Diyabu* ni omvenxa nsu mmirimanimwaya, weera ehiroromele, hata ehivuluxiwe.

Yohaane 12:31

Yoophiya ehuhu ya nthorihelo na elapo ya vathi ela. Vano mutokweene a elapo ya vathi anoomoliwe.

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 16:11

ni wa nthorihelo niwoko mutokweene a elapo ya vathi ela oothorihiwa.

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Miteko 5:3

Pedru aamukoha: “Ananiya, heeni Satana osareiyaawe mmurimanimwanyu weera mulokotthe Munepa Wootteela, mwiithokororelaka mpatta wa musurukhu mwaakhenlaanyu wa ematta?

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.

aRooma 16:20

Muluku a murettele anaamuttikitthe woowaakuveya Satana vathi wa inaawosanyu. Mahala a Apwiyaahu Yeesu ekhale ni nyuwo.

2 aKorinto 11:14

Ni kheehiyono yootikhiniha, niwoko Satana muneenaawe oniixeera ntoko ndyelo a waara.

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

2 aKorinto 12:7

Koovahiwa mwiiwa mweerutthunimwaka, aani murummwa a Satana, weera okihasule, nitho okooceelihe wiivuwihaxa niwoko na wunnuwa wa soothupulula iye.

2 aKorinto 2:11

weera Satana ahinihapuxe, niwoko noosuwela nnenesene soovaanelasawe.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

awEfeso 4:14

Hiiho hiyo khanikhalatho anamwane, nikuxiwe wa mpatta mukina ni mukhwaaya ni mitekuteku, hata khannoopeliwa wa nno ni iwe ni epheyo yootheene ya mahusiho makina, naari niwoko na soovaanela soolokottha soowootha sa atthu anaathweeleliha akina mphironi ya ekhaikhai.

2 aTesalonika 2:3

Ahikhale mutthu onoolokotthani hata vakhaani. Nihuku nno khaninrwa ophiya ohinaaye ohiiwelela otokotoko wookisera, ni wooniheriwa wa mutthu a yoottheka*, mwaana a oriheya.

1 Timootheyo 2:14

Ni Adamu khaalokotthiwe, mene aani, muthiyana, areene oolokotthiwa, aathatuwa namattheka.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

1 Pedru 5:8

Muhule maithwaanyu a mmunepani ni muwehawehe, niwoko mwiittanaanyu, Diyabu*, oneetta oorukureerakani, ntoko mwatto oniipa, amwaasaka taani aneeraawe angwere omukhuura.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Yuda 1:9

Wa soothesene, hata ndyelo mutokweene Mikhayeli, aavaanyihanaawe ni Diyabu* ewanelaka erutthu ya Moisesi, kheerenre omoothera, amveihaka ni moota wooveiha Diyabu*, mene eenre: “Apwiya yoohiiheyoomuhiihe!”

Ethupululo 12:12

Tivawo, wiirimu, muhakalale ni yaawotho ankhala mwemmo! Ii! Enoohaawa, elapo ni ephareiya, niwoko Diyabu* ohookhuruwelani nyuwo! Owo oonyoonyiwa vancipale, niwoko oosuwela weera erino ehuhu vakhaani.

Ethupululo 12:3

Yaahooneya wiirimu eneneero ekina: edrakoni* etokotoko yooxeera yaarino nyuru mithannamiili ni manyaka muloko, ereeneno nyurusaya icireemba ithannapiili.

Ethupululo 12:7

Vano, yaakhala ekhotto wiirimu. Mikhayeli ni andyelowaawe yaawana ni edrakoni* ni edrakoni* vamoha ni andyelowaaya yaawanatho.

Ethupululo 12:8

Khayaawenretho, ni hiiho yaayeleela nipuronaya wiirimu.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 16:14

Siri minepa soonanara simpaka ineneero sootikhiniheya. Iyo sinrowa wa mamwene ootheene a elapo ya vathi, weera saathukumanyihere ekhotto ya nihuku ntokweene na Muluku a ikuru sootheene.

Ethupululo 18:2

Vano aakhuwela ni nsu noowera, eeraka: “Oomora, oomora Babiloniya mutokweene! Owo oothatuwa nipuro sinkhalaaya minepa soonanara, ntthawelo wa minepa soonanara sootheene, ntthawelo wa ipalame sootheene soohitteela ni soothanyeya,

Ethupululo 18:23

Khoorwa waara mwa weyo waara wa onyaari mmoha. Khanirwa niiwiwa mwa weyo nsu na namatthomera, naari namatthomeriwa. Ananakoswaawo yaari asitokweene a elapo ya vathi. Ilapo sootheene saalokotthiwa ni okhwiraawo.

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.

Ethupululo 2:13

Koosuwela munkhalaanyu, weiwo eraayawo ehice ya Satana. Wa soothesene, nyuwo moopwaherera moota woororomeleya mwa Nsinanaka, ni khamukhoontte nroromelonanyu mwa Miyo, hata wa mahuku a Antipa, namoonaaka oororomeleya, mwa yoowo iiviwe mwa esidadeene yeeyo onkhalaawewo Satana.

Ethupululo 2:24

Wa nyuwo akina ari oThiyatira, nyuwo muhintthara mahusihowaawe ni muhisomme yeeyo awo aneeraaya ti ixiiri soowiixeraxa sa Satana, wa nyuwo kineera: nkooreyani murindi mukina,

Ethupululo 2:9

Koosuwela sohooxasanyu ni osiwaanyu, mene nyuwo muri ni mihakhu! Koosuwela oveiha wa yaawo aniixeerela aYuda ehikhanle, ereene toko eSinagoga* ya Satana.

Ethupululo 20:10

Diyabu* aalokottha aavonyeriwa vantthiyani na mooro omvarela ni enxofre*, weiwo yaavonyeriwaaya enama ya mmunepani ni mprofeeti oolokottha. Awo eniittaruxiwe othana ni ohiyu mahuku ootheene oohimala.

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.

Ethupululo 9:1

Ndyelo anaathanu aahiipa nipalapattanawe, ni kaahoona ethenyeeri yaamorenle vathi ekhumaka wiirimu. Ethenyeeri yaavahiwa exaavi ya ehime yoowiixera*.

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.