Ethupululo 12:3 - Emakhuwa Bible

³ Yaahooneya wiirimu eneneero ekina: edrakoni* etokotoko yooxeera yaarino nyuru mithannamiili ni manyaka muloko, ereeneno nyurusaya icireemba ithannapiili.

Ethupululo 12:3 Iomraidhean Croise

Yesaya 27:1

Nihuku nenenenno Yave onoottaruxa ni ekatanaawe, ekatanaawe yoowoopiha, etokotoko ni yooweraxa, Levitiyani*, enowa eniipurula, Levitiyani*, enowa yoowiipirikixa. Yave onimwiiva enowa yoowoopiha eyo ya mphareiya.

Yesaya 51:9

Ii! Moono wa Yave, mvenye! mvenye! mwiiwarihe ni ikuru, mvenye ntoko mmahukuni avinre ntoko mweehuhuni ya ikhapira sa khalayi. Ti nyuwo mwaamunyaannye Rahabi a mphareiya ni mwaathoronle enowa yoowoopihaxa ya mphareiyani.

Yesaya 9:15

Asitokweene ni asilopwana oottittimiheyaxa ti muru ni maprofeeti anxuttiha soowootha ti waametto.

Daniyeli 2:41

Ntoko moonnaanyu, inaawo ni ikatha saatakanseriwe eyuuma ni oloko. Eyo entaphulela weera omwene yoowo onuukhale wookawanyeya. Hata hiiho onookhalano ikuru sa eyuuma murimoonaru eyuuma yootakansereya ni oloko.

Daniyeli 2:42

Mooteene yoowo ikatha saatakanseriwaaya eyuuma ni oloko, hiihotho mpatta mukina wa omwene owo onoolipa ni mukinoowo woohilipa.

Daniyeli 7:20

Kaatthuna osuwelatho mwaha wa manyaka muloko a mmurumwawe ni sa nnyaka nikina naakhumelenle vanipuroni na manyaka mararu makina yaakomphongwe – nnyakanene nenne naarino maitho ni eyano yuuluma moota woowiikuxa.

Daniyeli 7:24

Manyaka muloko ti mamwene muloko eniikhumelele omweneene yoowo. Vahoolowaya mwene mukina onookhumelela – avirikanaxaka ni mamwene oopacera. Owo onimwaakuruxa mamwene mararu.

Ethupululo 12:1

Ni eneneero etokotoko ni yootikhiniheya yaahooneya wiirimu: muthiyana awanreene nsuwa, ni mweeri vathi wa inaawosawe ni ecireemba ya ithenyeeri muloko ni piili mmurumwawe.

Ethupululo 12:13

Yoonakaru edrakoni* weera yaavonyeriwa vathi, yaapacera omusoonda muthiyana ole aamuyanre mwaana mulopwana.

Ethupululo 12:17

Edrakoni* yaamunyoonyeriwa muthiyana ole ni yaavenya weera awane ni yaale a ekhapiraawe, yaawo aniiwelela malamulo a Muluku ni amvarexexa nnenesene onamoona wa Yeesu.

Ethupululo 12:4

Mwiilaaya waahiipurulela mpatta wanaararu wa ithenyeeri sa wiirimu. Edrakoni* yaaheemela ohoolo wa muthiyana aahanle vakhaani oyara weera emukhuure mwaana mulopwana ehuhu eeraawe ayariwe.

Ethupululo 12:7

Vano, yaakhala ekhotto wiirimu. Mikhayeli ni andyelowaawe yaawana ni edrakoni* ni edrakoni* vamoha ni andyelowaaya yaawanatho.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:1

Kaahoona enama ya mmunepani emoha yaakhumale mphareiyani. Yaarino manyaka muloko ni nyuru mithannamiili ni icireemba muloko mmanyakanimwaya, ni khula muru waarino nsina nooveiha.

Ethupululo 13:2

Enama ya mmunepani koonnaaka yaalikana ni havara, mene yaarino inaawo ntoko inaawo sa ursu* ni eyano ntoko eyano ya mwatto. Edrakoni* yaavaha enama ele ikurusaya, ehicaaya ni owerawaya otokotoko.

Ethupululo 13:4

Yaakokhorela edrakoni* yaavanghaaya ikuru wa enama ele ni yaakokhorelatho enama ele, yeeraka: “Taani onlikana ni enama ya mmunepani? Taani ongwera owanano yeela?”

Ethupululo 15:1

Kaahoona wiirimu eneneero ekina etokotoko yootikhiniheya: andyelo athanneeli yaarino soohooxa ithannapiili sookisera, niwoko ni iyo sinkwanihereya isara sa Muluku.

Ethupululo 16:13

Vano kaahoona sikumaka minepa soonanara miraru soolikana ni anaphulu mmwaanomwaya edrakoni*, enama ya mmunepani ni mprofeeti oolokottha.

Ethupululo 17:12

Manyaka muloko moonnaanyu ari mamwene muloko ahinaaye waakhela olamula, mene eniyaakhele wa ewoora emoha ikuru sa mwene vamoha ni enama ya mmunepani.

Ethupululo 17:16

Enama ele ni manyaka muloko moonnaanyu eniimuthanye puuta. Iyo nsimuronghe mmilepeni, nsimuhiye oohiwara, nsikhuure erutthwaawe ni nsimuhise ni mooro,

Ethupululo 17:7

Vano ndyelo aakeerela: “Heeni muntikhinaanyu nyuwo? Kinimoothaliherani ntikhinelo na muthiyana ola, ni na enama ya mmunepani erino nyuru mithannamiili ni manyaka muloko owo owenlaawe.

Ethupululo 19:12

Maithwaawe ari ntoko malumi a mooro, ni mmurumwawe sookhala icireemba sincipale. Owo ookhalano nsina, mwa nenno khaawo onsuwela, ahikhanle mwaneenaawe.

Ethupululo 20:2

Owo aatthuka edrakoni*, enowa ya khalayi eri Diyabu*, Satana, ni aamutthuka iyaakha macira muloko.