Ethupululo 12:15 - Emakhuwa Bible

¹⁵ Vano enowa yaarapheela mmwaanomwaya maahi ntoko mooloko ottuli wa muthiyana weera akumburuliwe ni maahi a mooloko ole.

Ethupululo 12:15 Iomraidhean Croise

Epacerero 3:1

Vano enowa yaari ni miruku soolokottha opwaha inama sootheene sa ntuphini Yave Muluku aapankaawe. Enowa yaamukoha muthiyana: “Ti yeeyo Muluku eenraawe: ‘Muhice naari yoowiima emoha ya nyiri sa ematta’?”

Icipo 18:4

Mikhoyi sa okhwa sookitthuka; nyooloko sa ophwata sookoopopiha.

Icipo 65:7

Ti Nyuwo mummaaliha oruma wa iphareiya, oruma wa mitekutekusaya ni minyakunyaku sa miloko.

Yesaya 28:2

Moone, Yave onimurumiha mukina ori ooweraxa ni a ikuruxa. Owo onoovatarulela vathi ecireemba ntoko epheyo yoophwata ni ettheku ya maralala, ntoko epula etokotoko ni mirupi.

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Yesaya 8:7

Yave onimwaaruuhela maahi oowuupaxa a Efratesi – mwene a wAsiriya ni ikurusawe sootheene. Mooloko owo onoosareya mmiroranimwaya moothemwene okhopela ni okhopela

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

Ethupululo 12:16

Wa soothesene, etthaya yaamukhavihera muthiyana ole, ehulaka eyanowaaya ni emiraka mooloko yoowo edrakoni* yaarapheiyaaya mmwaanomwaya.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 17:15

Vano ndyelo aakeerela: “Maahi mancipale moonnaanyu okilaathiyaawe puuta, siri miloko, atthu ancipale, ilapo ni muulumo.

Ethupululo 20:2

Owo aatthuka edrakoni*, enowa ya khalayi eri Diyabu*, Satana, ni aamutthuka iyaakha macira muloko.