Ethupululo 11:2 - Emakhuwa Bible

² Mwahiyeke nipuwa na vaate wa Empa ya Muluku, muhiphime, niwoko nno avahiwe amalapo. Awo eniinyikale esidade yootteela wa nyeeri miloko mixexe ni miili.

Ethupululo 11:2 Iomraidhean Croise

Icipo 79:1

Ii! Muluku, miloko soovoleela yoohiyeraanyu; soonyoowiha Empaanyu Yootteela ni soomuhela Yerusaleemu nthala.

Yesaya 48:2

Mwiiwe nyuwosa muneera weera muri amaki a esidade yootteela ni weera munimuroromela Muluku a oYixrayeli – Yave a ikuru sootheene ti Nsinanawe:

Yesaya 5:5

Vano kinimoothaliherani yeeyo kineeraaka kipakele emattaaka ya iwuuva*: Kinookurumula mukuswaaya weera eyo ethatuwe moocihamo; kinoophwata exiraaya weera enyikalasiwe.

Yesaya 52:1

Ii! oSiyoni, mvenye, mvenye, mwiiwarihe ikuru. Ii! oYerusaleemu, esidade yootteela, ngware mikaandyosanyu soovuwaxa. Oohiineliwa ni oohitteela kheevolowatho mmilakoni.

Icipo Soolalamika 1:10

Mwiittana onghuhula mihakhusanyu sootheene; owo ohoona miloko sa amalapo sivolowaka vaNipuroniwaya Nootteela* – yaawosa nyuwo mwaakhoottihalaanyu ovolowa mmuthukumanonimwanyu.

Ezekiyeli 4:6

Emanleene ehuhu eyo, mwiixaatalelele moonowaanyu woolopwana, ni mwathatele sootakhala sa muloko wa oYuda wa mahuku miloko mixexe – nihuku nimoha wa khula eyaakha ya sootakhala sa oYuda.

Ezekiyeli 42:20

Hiiho, owo aaringa ettima ya mipatta soomixexe. Mukhwipimwaya, yaakhala exiri yaarino imeetru* macira meeli ni miloko mithannamosa mweerakamalonimwaya mpakatho mweekhuveelonimwaya, amwalamwalihaka Nipuro Nootteela* ni piswa.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Daniyeli 7:19

Vanonto, kaatthuna osuwela etaphulelo ya ekhaikhai ya mwaamunama anaaxexe aavirikana ni akinaawo ni aari oowoopihaxa, aarino maino matokotoko a eyuuma ni mankharu a ebronze* – mwaamunameene yoole aakhuura ni aanyaanya seiyo aavaraawe ni aanyikalela sootheene saahala.

Daniyeli 7:25

Owo onimuuluma soomvirikanyihela Muluku a Musulusulu, aahasulaka ootteelaawe, eereraka oceendya ihuhu ni malamulo. Ootteela animwinnyereriwa mmatatanimwawe wa ehuhu, ihuhu ni eriyari ya ehuhu.

Daniyeli 8:10

Naahunnuwa mpaka waatava anakhotto a wiirimu, nnavonyera vathi sikina sa ithenyeeri sa wiirimu, nnanyikalela.

Daniyeli 8:13

Vano kaawiiwa andyelo etthekulaka ni mmoha a yaawo aamukoha mukhwaawe: “Sookhumelela iya nsimale yaakhani sihimmwale ni moonelo ola? Mpaka yaakhani ovaanya woophwata oneeraaya opwaherere wooceeliha sooveleela sa khula nihuku? Mpaka yaakhani Nipuro Nootteela* ni anakhotto eneeraaya evahereriwe mukuruni mwa nnyaka enyikaleliwaka?”

Daniyeli 8:14

Owo aakaakhula: “Sootheene iyo sinoomala oxeexelo ni ohiyu 2 300. Vahoolowaya Nipuro Nootteela* nnooraseliwa.”

Nuumeru 14:34

Mweehuhuni ya iyaakha miloko mixexe, nyuwosa munoohaawa sookacamiha sa sootthekesanyu ni munoosuwela etaphulelo ya okikhootta Miyo; khula eyaakha eniilikaneleke wa khula nihuku a miloko mixexe mwa yaawo mwaarongwaanyu ohottela elapo.

Matheyo 27:53

Yaakhuma mmahiyeni, ni Yeesu avenyerenreene, yaavolowa musidadeni yootteela ni yaahooniwa ni atthu ancipale.

Matheyo 4:5

Vano Diyabu* aamurongha Yoowo osidade yootteela, anamwiikaathi vanankatthani a Empa ya Muluku, anamweerela:

Matheyo 5:13

Nyuwo muri maakha a elapo ya vathi. Maakha yamala osivawaya, mmweelele hai weera esivetho? Khaamvareliwa etthu, ohikhanle ovonyeriwa vaate ni onyikaliwawo ni atthu.

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

Ethupululo 11:11

Evirakatho mahuku mararu ni eriyari emoha ya nihuku, wiiseelela wa okumi wa Muluku waahaavolowa ni awo yaaheemela, ni woova otokotoko waahaamorela yaale yaawoonne.

Ethupululo 11:3

Nkaavahe ikuru anamoonaaka eeli, ni awo eniithalihere otthunawaka wa mahuku 1 260, ewanreene esaakho ya olalamika.

Ethupululo 12:6

Muthiyana aatthawela munikareni, wa nipuro aareherereliwaawe ni Muluku weera weiwo acihiwe ni Muluku mahuku 1 260.

Ethupululo 21:10

Owo aakikuxa mMunepani, akironghaka omwaako mutokotoko woorakamela osulu ni aakoonihera esidade yootteela, Yerusaleemu yaakhuruwa wiirimu wa Muluku.

Ethupululo 21:2

Kaahoona esidade yootteela, Yerusaleemu munyowani, yaakhuruwa wiirimu wa Muluku, yoorehereriwa ntoko ootthomeriwa oophwaneliwa wa iyaya.

Ethupululo 22:19

Akhala mukina omvenxa hata nsu nimoha mwa elivuru ela ya ethalihero ya otthuna wa Muluku, Muluku anaavenxe mpattaawe wa mwiri wa okumi ni wa esidade yootteela, ntoko silempwalaaya mulivuruni mu.