Ethupululo 11:15 - Emakhuwa Bible

¹⁵ Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 11:15 Iomraidhean Croise

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 146:10

Yave onlamula wa mahuku ootheene; Mulukwaanyu, oSiyoni, wa ikhapira sootheene. Munttottopele Yave.

Icipo 2:2

Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

Icipo 72:11

Mamwene ootheene anoomukokhorela ni miloko sootheene sinoomurumeela.

Icipo 82:8

Ii! Muluku, mvenyeke; muthorihe elapo ya vathi, niwoko miloko sootheene ti sawinyu.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Okhuma 15:18

Nyuwo Yave munlamula wa mahuku ootheene.”

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 44:23

Mwiipe ni ohakalala erimu, niwoko Yave opanke yeeyo; mukhuwelaxe, nyuwo moowiixera mwa elapo. Mpacereke wiipa nyaako, nyuwosa othakho ni nyirisanyu sootheene, niwoko Yave oomoopola Yakobe, Owo onoonihera ovuwawawe oYixrayeli.

Yesaya 55:5

Vekhaikhai munimwiitthana miloko muhisuwenlaanyu ni miloko sihoosuwenleni sinoowaattamelani nyuwo niwoko na Yave Mulukwaanyu, Ootteela a oYixrayeli eenre Owo oovahakaani waara.”

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Ezekiyeli 47:5

Aaringatho imeetru* macira mathanu ni imeetru* miloko miraru, mene emaara ela waari mooloko kahaaweraaka olapuwa, niwoko maahi yaahaandyeerereya oniixaxa owereyaka paahi olapuwa oyavelaka. Waari mooloko wahaawereya olapuwa weettaka.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Daniyeli 7:22

mpaka Muluku a Musulusulu aaphiyalaawe, alaleiyaka nthorihelo aweerelaka ootteela a Muluku a Musulusulu. Yoophiya ehuhu awosa yookuxa omwene.

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Hoxeya 2:23

Miyo kinimwiiphatteela muloko mulaponi; kinoompwattha ni osivela yoole kaamwiitthanaaka ‘Oohisiveleya.’ Kinoomweerela yoole iitthaniwa ‘Khahiyono mulokwaaka,’ ‘Nyuwo ti mulokwaaka’; ni awosa eniyeere: ‘Nyuwo ti Mulukwaaka.’”

Obadiya 1:21

Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Matheyo 24:31

Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Luuka 1:33

Owo anaalamule empa ya Yakobe mahuku ootheene. Olamulawawe onuukhale woohimala.”

Luuka 15:10

Miyo kinooleelani weera mooteene yoowo wookhala ohakalala vamaithoni wa andyelo a Muluku niwoko na namattheka mmoha onrukunxa murima.”

Luuka 15:6

ni onoorowa owaani. Woophiyani, onimwaathukumanyiha asinthamwenaawe ni asikhwaawe ni onooweerela: ‘Muhakalale ni miyo, niwoko koophwanya ekhondoolowaaka yaariheiye.’

Miteko 4:26

Mamwene a elapo ya vathi animweemela, ni asitokweene anoothukumana weera yiittane ni Apwiya ni Kristwaaya.’

aHeberi 1:8

Mwahatho wa Mwaana, eenre: “Ehicaanyu ya olamula eri yoohimala, ni ekopo ya omwenaanyu eri ya ekhaikhai.

Ethupululo 10:7

Mahukutho ndyelo anaathanneeli aneeraawe iipe nipalapattanawe nnikwaniheriwe ntikhinelo na Muluku, ntoko Owo aaleenlaawe arumeiyaawe, maprofeeti.”

Ethupululo 12:10

Kaahiiwa nsu ntokotoko na wiirimu neera: “Vano woophiya ovuluwa, ikuru ni omwene wa Mulukwaahu, ni olamula wa Kristuwaawe, niwoko aavonyeriwa vaate namoothera a axunnihu, mwa yoowo ongwoothera axunnihu ohoolo wa Muluku othana ni ohiyu.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 16:17

Ndyelo anaathanneeli aarihela musulu ekoomixaawe, ni wa Empa ya Muluku naakhuma nsu ntokotoko naarweela vahiceni, neeraka: “Yoopakiwa.”

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:1

Vahoolowaya kaahiiwa wiirimu etthu yoolikana ni onyakula wa atthu ancipale, ekhuwelaka: “Haleluya!* Ovuluwa, ovuwa ni ikuru siri sa Mulukwaahu,

Ethupululo 19:6

Kaahiiwa etthu yoolikana ni onyakula wa atthu ancipale, yoolikana ni oruma wa maahi mancipale ni itari sitokotoko, ekhuwelaka: “Haleluya*, niwoko Apwiya Mulukwaahu a ikuru sootheene anlamula.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 8:12

Ndyelo anaaxexe aahiipa nipalapattanawe, ni mpatta wanaararu wa nsuwa, wa mweeri, ni wa ithenyeeri waamaniwa, moota wooweera mpatta wanaararuwaaya waariipa ni mpatta wanaararu wa othana ni wa ohiyu khawaanre.

Ethupululo 9:1

Ndyelo anaathanu aahiipa nipalapattanawe, ni kaahoona ethenyeeri yaamorenle vathi ekhumaka wiirimu. Ethenyeeri yaavahiwa exaavi ya ehime yoowiixera*.

Ethupululo 9:13

Ndyelo anaathannamosa aahiipa nipalapattanawe, ni kaahiiwa nsu nimoha naakhumelela munnyakani valtaarini* a eyuuma yoorikaxa nri ohoolo wa Muluku.