Ethupululo 10:5 - Emakhuwa Bible

⁵ Vano, ndyelo kaamoonnaaka eemenleene mphareiyani ni vatthayani, aaheemexa ntatanawe na moono mulopwana

Ethupululo 10:5 Iomraidhean Croise

Epacerero 14:22

Abraamu aamwaakhula mwene a oSodoma: “Kinlipela ni ntata kimweemexeraka Yave, Muluku Musulusulu, opattunxe erimu ni elapo ya vathi,

Nehemiya 9:6

Nyuwo paahi ti Yave. Moopattuxa erimu ya osulusulu ni ithenyeerisaya; elapo ya vathi ni sootheene sirimo; iphareiya ni sootheene sirimo. Moovaha okumi wa itthu sootheene ni anakhotto a wiirimu annoolapani.

Icipo 146:5

Oreelihiwa ti yoole ekhaviherowaawe eri Muluku a Yakobe; yoole onimuroromela Yave Mulukwaawe.

Okhuma 20:11

Vano wa mahuku mathannamosa Yave aapattuxa erimu ni vathi, ephareiya ni sootheene siri mwemmo, mene nihuku nanaathannameeli aahiitthuuwa. Tivawo Yave oreelinghaawe nihuku nanaathannameeli atteelihaka.

Okhuma 6:8

Miyo kinimooronghani mulaponi kaalipenlaaka keemexaka ntata weera kaarwa omvaha Abrahaamu, Isaki ni Yakobe. Kinimoovahani ntoko elapwaanyu. Miyo ti Yave!’”

Ezekiyeli 20:15

Kitheteiyeene ntata, kaalipelatho wa yaawosa weera nkaarongha mulaponi kaavanghaaka, elapo yoosareyamo mukaka ni oravo; elapo yooreeraxa opwaha ilapo sootheene,

Ezekiyeli 20:23

Kitheteiyeene ntata, kaalipelatho wa yaawo munikareni weera kaamwaamwaraxela eriyari ya miloko ni kangwoomolela ilapo sikina,

Ezekiyeli 20:28

Kaaruuhaleene mulaponi mwa yeeyo kaalipenlaaka weera kaamwaavaha, yaamweera woonawene wakhalaru mwaako woorakamela hoye hoye mwiri woopombaxa, yaapakelawo sooveleelasaya, aani sooveleela saatannyale isarasaka. Yaaveleelawo erubanaaya yoowunkhelaxa ni yaapaka sooveleela soowura.

Ezekiyeli 20:42

Nyuwosa munoosuwela weera Miyo ti Yave, kooruuhasakani mulaponi mwa oYixrayeli, elapo mwa yeeyo kaalipelenlaaka kitheteiyeene ntata waavaha makholowaanyu.

Ezekiyeli 20:5

Vaheera, ‘Mwaaleelase weera mutokweene Yave, oneera ha: Vanihukuni kaathanlalaaka aYixrayeli, kaalipela kitheteenleene ntata ekhapira ya emusi ya Yakobe, kiniixoonihera wa yaawosa wExipitu. Kitheteiyeene ntata, Miyo kaaweerelasa: “Miyo ti Yave Mulukwaanyu.”

Ezekiyeli 36:7

Tivawo Yave onlamula sootheene, oneeraawe ha: Kinlipela kitheteiyeene ntata, weera miloko sa mukhwipimwanyu nsihaawetho otthebwiwa.

Ezekiyeli 47:14

Nyuwosa mukaweke nnenesene eriyaraaya. Keenre Miyo kilipela kitheteiyeene ntata weera kaamwaavaha makholowaanyu, elapo ela enoothatuwa yoohiyeriwaanyu.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Miteko 14:15

“Alopwana, heeni nyuwo mumpakaanyu yeeyo? Hiyotho nri atthu ntoko nyuwo. Ninooruuhelani masu ooreeraxa niweerelakani mususe mwa itthusene seiyo sa siiyo, ni muhokoleele wa Muluku mukumi opanke erimu, elapo ni ephareiya ni sootheene siri mwemmo.

Miteko 17:23

niwoko keettaka musidadenimwanyu kooweha nnenesene icaambulosanyu sa ediini, ni koophwanyatho nipuro na ecaambulo ekina ni yoolempwa ela: WA MULUKU OOHISUWANYEYA. Moone miyo kinoolaleerani Yoowo nyuwo munimulapaanyu muhimusuwelaka.

aRooma 1:20

Okhuma ephattuwelo ya elapo ya vathi, mikhalelo soohooneya sa Muluku, ntoko ikurusawe, soohimala, ni omulukwaawe, saahooniwa nnenesene. Iyo siiwexexiwa mwa itthu soopattuxiwa, moota wooweera atthweene yaawo ari oohileveleleya.

Deuteronomiyo 32:40

Kineemexera ntatanaka wiirimu keeraka: Kinlipela mwa Nsinanaka weera,

aHeberi 6:13

Hapo khaakhanle mukina mutokweenexa oomulipela, Muluku aamuroromelihalaawe Abrahaamu, aahiilipela mwaneenaawe,

Ethupululo 1:18

Miyo ti Yoole onkhala ni okumi; kaahookhwa, mene vano kinkhala ni okumi mahuku ootheene oohimala. Ni kookhalano ixaavi sa okhwa ni sa Hadesi*.

Ethupululo 10:2

Aavarela elivuru ekhaanene yoohuleya mmatatanimwawe. Aahiikaathi mphareiyani nnaawonawe na moono mulopwana ni nnaawonawe nikina vatthayani,

Ethupululo 14:7

Owo aaheera ni nsu ntokotoko: “Mmoove Muluku ni mumvuwihe, niwoko yoophiya ehuhu ya othorihawawe. Munlape Yoole opanke erimu, etthaya, ephareiya ni anaattuuttu a maahi.”

Ethupululo 16:17

Ndyelo anaathanneeli aarihela musulu ekoomixaawe, ni wa Empa ya Muluku naakhuma nsu ntokotoko naarweela vahiceni, neeraka: “Yoopakiwa.”

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”

Ethupululo 4:9

Imaara sootheene ikhalelo sa okumi simvahaaya ovuwa, nttittimiho ni sootthapela wa Yoole okilaathiye vahiceni ni onkhala ni okumi woohimala,