Ethupululo 1:15 - Emakhuwa Bible

¹⁵ Inaawosawe saari ntoko eyuuma yoowiitthwaxa vamooroni, ni nsunawe ntoko oruma wa maahi mancipale.

Ethupululo 1:15 Iomraidhean Croise

Icipo 93:4

Yave a Musulusulu ti a ikuruxa opwaha owali wa maahi; ti ooweraxa opwaha mitekuteku sa ephareiya.

Yesaya 17:13

Naari miloko sirumaka ntoko maahi oowuupa, Owo aahiihaka, iyo sinootthawela ottai, sivavihiwaka ni epheyo ntoko makamba mmattumuxani, ntoko ntthupi ninkuxiwa ni eyuupuru.

Ezekiyeli 1:24

Saaramaramaaya, kaahiiwa oruma wa mapuphaaya, waalikana ni oruma wa maahi mancipale, ntoko nsu na Muluku a ikuru sootheene. Waari oruma ntoko okhuwela wa anakhotto ancipalexa. Seemelaaya, saangwala mapuphaaya.

Ezekiyeli 1:7

Nyettosaya saari soowookowa; inaawosaya saari ntoko sa mwaamombe ni saacapeya ntoko ebronze* yoohaniwa.

Ezekiyeli 40:3

Owo aakironghawo, ni kaamoonawo mulopwana aalikana ni ebronze*; owo eemenle vamulako avarenleene mukhoyi wa eliinyu* ni ekopo yooringelano.

Ezekiyeli 43:2

kinoonawo ovuwa wa Muluku a oYixrayeli waarweela mpatta ninkhuma nsuwa. Nsunawe naalikana ni oruma wa maahi mancipale, ni elapo yaatutha ni ovuwawawe.

Daniyeli 10:6

Erutthwaawe yaalikana krisolito*, ekhovaawe yaalikana overinya ni maithwaawe yaalikana mithuko sivarelaka, nyoonosawe ni nyettosawe saalikana waara wa ebronze* yoohaniwa nnenesene, ni nsunawe ntoko onyakula wa atthu ancipale.

Ethupululo 10:1

Vano kaamoona ndyelo mukina oolipa akhuruwaka wiirimu, areene munihutteni ni muura vamuruwawe. Ekhovaawe yaari ntoko nsuwa, ni nyettosawe saari ntoko amarimbu a mooro.

Ethupululo 14:2

Kaahiiwa oruma wiirimu ntoko oruma wa maahi mancipale ni etari etokotoko. Oruma kiiwalaaka waari ntoko oruma wa anamakita ewiipaka amakitaaya.

Ethupululo 19:6

Kaahiiwa etthu yoolikana ni onyakula wa atthu ancipale, yoolikana ni oruma wa maahi mancipale ni itari sitokotoko, ekhuwelaka: “Haleluya*, niwoko Apwiya Mulukwaahu a ikuru sootheene anlamula.

Ethupululo 2:18

“Wa ndyelo a ekerexa eri oThiyatira, mulepe: Awo ti masu a Mwaana a Muluku, mwa Yoowo maithwaawe ari ntoko nlumi na mooro, ni inaawosawe ntoko eyuuma yoowiitthwaxa vamooroni.