Epacerero 9:2 - Emakhuwa Bible

² Inama sa ntuphini sootheene, ipalame, soowiipurula sootheene, ni ihopa sa mphareiya nseereke woothukumelani. Sootheene iyo moovahereriwa mmatatanimwanyu.

Epacerero 9:2 Iomraidhean Croise

Epacerero 1:21

Hiiho Muluku aapattuxa inama sitokotoko sa mphareiyani ni ikhalelo sootheene sinkhala mmaahini, nitho ikhalelo sootheene sa ipalame. Vamaithoni wa Muluku waari wooreera.

Epacerero 1:26

Vano Muluku aahiixeerela: “Nimpattuxeke mulopwana niilikanxaka moota wooweera akhalaneke ekhalelowaahu. Alamuleke ihopa sootheene siri mphareiyani; ipalame sootheene sa wiirimu; inama soohuwiwa sootheene ni seiye sootheene siniipurula.”

Epacerero 1:28

Muluku aahaareeliha ni aaweerela: “Mwaandyeereraneke. Musareyeke ni mulamuleke elapo ya vathi yootheene. Mulamuleke ihopa mphareiyani; ipalame sa wiirimu ni inama sootheene sa mweelaponi ya vathi.”

Epacerero 2:19

Oopiyeene vatthayani inama sootheene sa ntuphini ni ipalame sootheene sa wiirimu. Yave Muluku aamuruuhela mulopwana ole weera oone moota heeni eeraawe attehe masinaaya. Ni khula nsina eeraawe attehe ikhalelo sootheene sa okumi sootheene – nno naarowa okhala nsinanaya.

Epacerero 35:5

Awo ettimulakaru, Muluku aahaaruuhela amaki a isidade iye yaavinraaya woova vancipale, moota wooweera khaawo aatthimakenle anamwane a Yakobe.

Epacerero 9:1

Vano Muluku aamureeliha Nowe vamoha ni anamwanaawe aweerelaka: Muyaraneke ni mwaandyeereraneke weera musareyeke mweelaponi moothemwene.

Epacerero 9:3

Itthu sootheene sirino okumi nsikhale yoocaanyu. Hiiho ntoko koovanghaakani soowiima weera muce, hiihotho kinoovahani itthu sootheene.

Yobi 39:11

Nyuwo munoororomela yeeyo niwoko na olipaxawaya? Munoohiyera mutekwaanyu woovihaxa wa yeeyo?

Ezekiyeli 34:25

Kinookhaliha wiiraana wa murettele ni seiyo, kihiyeke elapo etapuxeiyeene ni axinama a mutuphini weera ikhondoolosaka siwere okhala soolipeene munikareni ni sikone moothakoni.

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Levitiku 26:22

Kinimoorumihelani axinama a ntuphini eneera ewiive anamwaniinyu, kimalamalihaka mihuwosanyu, koovukulakani mpaka iphirosanyu sinoowalana.

Levitiku 26:6

Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu.

Yakobe 3:7

Mikhalelo sootheene sa asinama, ipalame, sowiipurula ni soopattuxiwa sa mphareiya sinlamuliwa, aani sinlamuliwa ni mukhalelo wa atthu.