Epacerero 6:6 - Emakhuwa Bible

⁶ Yave aathananihiwa niwoko na ompakawawe mutthu mweelaponimu, ni eyo yaamvoreya vamurimaniwawe.

Epacerero 6:6 Iomraidhean Croise

Epacerero 6:7

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

2 Samuweli 24:16

Ndyelo aatheteyaawe ntata weera aphwate oYerusaleemu, Yave aathananaxa niwoko na nthorihelonawe, anamweerela ndyelo eera aaphwate atthu: “Paahi! Waatta!” Ehuhuweene yeele ndyelo a Yave aari vanipuroni nimveeriwa* etrigu na Arawuna, muYebusi.

1 Nyaha 21:15

Vano Muluku aamurumihenle ndyelo weera aphwate oYerusaleemu. Vaheera ndyelo arowaka opaka yeeyo, Yave aaweha, anakhurunuwa oruuha ehasara, anamweerela namaphwata ndyelo: “Wookwana! Paahi!” Ehuhuweene yeele, ndyelo a Yave aari vanipuroni nimveeriwa* etrigu na Arawuna, muYebusi.

Icipo 106:45

Aahuupuwelela owiiraananawawe ni niwoko na waasivelawawe otokotoko aahiya waattaruxa.

Icipo 110:4

Yave aalipela ni kharwa aceendya soowuupuwelasawe: “Nyuwo ti Mutokweenexa a asaserdoti* mahuku ootheene mmukhaleloni mwa Melkhisedeki.”

Icipo 119:158

Kaawoonaka oohiroromela kinnaaramusa, niwoko khaaniiwelela maswaanyu.

Icipo 78:40

Imaara sincipale yannamuvaanya munikareni, emuthananihaka mweelaponi ya meekhaaya!

Icipo 81:13

Mano mulokwaaka waakiiwale, aYixrayeli yeettenle ephirowaaka,

Icipo 95:10

Kaanyoonyeriwa ekhapira ele wa iyaakha miloko mixexe; keenre: ‘Awosa ti muloko woohapuwa ni khaaneetta mphironimwaka.’

Okhuma 32:14

Vano Yave aaceendya soowuupuwelasawe ahipakelaka mulokwaawe yoonanara oopopiheraawe.

Yesaya 48:18

Mwaakhulenle malamulowaaka, saano murettelaanyu olikanneene mooloko ni ororomeleyawanyu ntoko mitekuteku sa ephareiya.

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yeremiya 18:7

Mweehuhuni ekina Miyo kalamulela weera muloko hoye hoye omwene ophwatiwe, onyaanyiwe ni oheliwe nthala,

Yeremiya 26:19

Weeraka Hizekiya, mwene a oYuda, hoye hoye mukina a muloko wa oYuda woomwiiva? Hizekiya khamoomve Yave ni khamuroromenle Yoowo? Ni Yave khahingye waapakela erisa aalakelenlaawe? Nihanle vakhaani wiiruuhela erisa!”

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Yoweli 2:13

Muhaahule sowarasanyu, mene muhule mirimasanyu. Muhokoleele wa Yave Mulukwaanyu, niwoko Owo ti a ikharari ni murima wooreera; oovilela ni oosareya osivela. Ti oopisa oruuha nihooxo.

Yoonasi 3:10

Oonaka seiyo awo yaapankaaya ni moota yaahingyaaya iphirosaya soonanara, Muluku aaceendya soowuupuwelasawe ni khaaphwante ntoko aawoopopinghaawe.

Malekiya 3:6

“Mwa yeeyo, Miyo, Yave, nkinceendya. Tivawo nyuwosa, ekhapira ya Yakobe, muhiphwatiwaanyu.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

aRooma 11:29

Samahala ni wiitthana wa Muluku ti woohivirikanyiheya.

awEfeso 4:30

Muhithananihe Munepa Wootteela wa Muluku, mwa Yoowo nyuwo mohiiyaatheriwa eneneero wa nihuku na ovuluxiwa.

Deuteronomiyo 32:29

Eya! Yaari ooleeleya, yaamwiiwa; etthokelelaka emaliherowaaya ya muhoolo!

Deuteronomiyo 32:36

Yave onoothoriha mulokwaawe ni, oonaka weera khaakuru ni weera khaawo ohanle, akhalaka neethi naari epottha, Owo onimwaamorela ikharari arumeiyaawe.

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

aHeberi 3:10

Tivawo kaanyoonyeraxiwaaka ekhapireene yeele ni kaaheera: ‘mirimasaya singhapuwa mahuku ootheene, ni awo khaasuwenle iphirosaka.’

aHeberi 3:17

Wa taani Muluku aanyoonyeringwaawe siviraka iyaakha miloko mixexe? Khoohiyono ni yaale yaatthenke, mwa yaawo irutthusaya saamorenle munikareni?

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

1 Samuweli 15:11

“Koothanana omvarawaka omwene Sawuli niwoko ookihiya ahiiwelelaka soolamulasaka.” Samuweli aahitta, anamukhuwelela Yave ohiyu wootheene ole.

1 Samuweli 15:29

Yoole ori Ovuwa wa oYixrayeli khanootha hata khanceendya soowuupuwelasawe niwoko khahiyono mulopwana ooceendyaceendya.”

1 Samuweli 15:35

Mpaka okhwawawe Samuweli, owo khaarongwe omoonatho Sawuli aaroomuthananelaru. Vano Yave aathananaxa woomvara Sawuli omwene wa aYixrayeli.