Epacerero 5:22 - Emakhuwa Bible

²² Amuyanreene Metusalemu, Enokhi anneetta ni Muluku iyaakha macira mararu ni aahaayara anamwane asilopwana ni asithiyana akina.

Epacerero 5:22 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 24:40

Awo yaakaakhula: ‘Yave Yoowo kinimurumeelaaka anoorumihele ndyelowaawe, nitho anoowerihe weera weyo weette nnenesene ni mukwaahaawo, weeratho omuruuhele mwanaka, muthiyana a nihimonaka, aani a emusi ya atithaka.

Epacerero 48:15

Vano aamureeliha Yoseefe eeraka: “Muluku aareelihe anamwane ala. Makholowaaka Abrahaamu ni Isaki yaamurumeela Muluku Owo, ni Owo aari Mukukhulaaka mahuku ootheene mpaka olelo.

Epacerero 5:21

Mwa iyaakha miloko mithannamosa ni piili, Henoki aamuyara Metusalemu.

Epacerero 5:23

Iyaakhasawe sootheene sa okumaawe saari macira mararu ni iyaakha miloko mithannamosa niithanu.

Epacerero 5:24

Henoki aaheetta ni Muluku ni aalakaseya vamaithoni wa atthu, niwoko Muluku aamucophola.

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

1 Mamwene 2:4

Mwapaka yeeyo, Yave onookwanihera yeeyo aakiroromelinghaawe eeraka: ‘Ekhapiraanyu yeetta mootthunanimwaka ni yakhala oororomeleya vamaithoniwaka ni murima ni okumi wootheene, nyuwo munoomukhalano namarandela vahiceni ya emwene oYixrayeli wa mahuku ootheene.’

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Icipo 116:9

weera keette vamaithoni wa Yave mweelaponi ya akumi.

Icipo 128:1

Ooreelihiwa yaale ammoova Yave ni aneettela iphirosawe.

Icipo 16:8

Mahuku ootheene kiningweha Yave ohoolowaka. Ti Yoowo onkookolela – nkirwa kittikinyeya.

Icipo 26:11

Vaheera miyo kinkhala moota wookwanela; mukoopole ni mukimorele ikharari.

Icipo 56:13

Nyuwo mookoopola mookhwaani ni inaawosaka weera sihikwakwathuwe keette vamaithoni wa Muluku ngwaarani wa okumi.

Icipo 86:11

Ii! Yave, mukixuttihe iphirosanyu weera keette mweekhaikhaiyinimwaanyu; mukivahe murima woororomeleyaxa weera koove Nsinananyu.

Okhuma 16:4

Wa soothesene, Yave aamweerela Moisesi: “Miyo kinoowiitthelelasani sooca sa wiirimu. Khula nihuku muloko onoovenyera ottottaka yookwana oca wa nihukuni. Mwa yeeyo kinoowoota murima weera kiwoone yaattharaka hoye hoye yaahittharaka ikanosaka.

Ecipo Yooreeraxa 1:4

Mukikuxe! Nrowe naakuveke! Amwene ekironghe mmapuronimwaya! Ninghakalala ni otteeliwa mwaha wa nyuwo; nnootthapela osivelawanyu opwaha eviinyu. Vekhaikhai, nyuwo ti oolapeya!

Hoxeya 14:9

Musuweli taani? Ti yoowo anoonelemo itthu iya. Taani orino akhili? Ti yoowo aniiwexexe. Iphiro sa Yave ti soororomeleya; oororomeleya amvira mwemmo, vaheera attiyamaaru anookwattuliwamo.

Levitiku 26:12

Kinimweetta variyariwanyu ni kinookhala Mulukwaanyu ni nyuwosa munookhala mulokwaaka.

Amosi 3:3

Atthu eeli ehiiwananaka, animweetta vamoha?

Mikeyasi 4:5

Miloko sootheene seetteleke mwa nsina na milukusaya, vaheera hiyo nnimweetta mwa Nsina na Yave, Mulukwaahu, wa mahuku ootheene.

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Malekiya 2:6

Soolaka sa ekhaikhai saari mmwaanomwawe, ni mmo khayaaphwanyaneyaru yoowootha. Owo aaheetta ni Miyo mmuretteleni ni wookoleleya, anaahapuxa ancipale mwa soottheka.

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

aRooma 8:1

Tivawo, khaniwowo nttaruxo wa yaawo ari mwa Kristu Yeesu.

1 aKorinto 7:17

Vanonto, khula mutthu apwaherere okhala moota Muluku onithoonyenraawe ntoko Owo onniitthanaawe. Nna ti nlamulonaka wa ikerexa sootheene.

2 aKorinto 6:16

Wiiwanana heeni eraayano Empa ya Muluku ni sa miluku soolokottha? Vano hiyo nri Empa ya Muluku mukumi. Ntoko Muluku eenraawe: “Nkikhale vamoha ni yaawo, ni nkeette variyariwaya. Nkikhale Mulukwaaya, ni awosa eniikhale mulokwaaka.”

awEfeso 5:15

Mwiipasoope ni mweettelowaanyu – khaahiyono ntoko alolo, mene ntoko asuweli,

Deuteronomiyo 13:4

Muntthare ni munttittimihe Yave Mulukwaanyu paahi. Mweettele malamulowaawe mmwiiwelelaka. Munrumeele ni mumvarexexe Yoowo.

Deuteronomiyo 28:9

Yave onimookhalihani mulokwaawe wootteela, ntoko oororomelinghaaweni ni nlipelo, nyuwosa mwiiwelela malamulowaawe ni mwatthara ephirowaawe.

Deuteronomiyo 5:33

Mweetteke mahuku ootheene mphironi Yave Mulukwaanyu oolamulenlaaweni weera mukhale ni okumi, sootheene siweetteleni nnene, ni mahukwaanyu yaandyeerereye mweelaponi muneeraanyu mukuxe.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 4:5

Mweetteke ni miruku variyari wa atthu oomokoni, muvarelaka muteko ihuhu sootheene.

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

1 aTesalonika 4:1

Woomaliha, axunna, noohooxuttihani moota wooweetta weera munsivelihe Muluku, ni mwa Yoowo nyuwo munimweera weetta. Vano, ninoovekelani ni ninoodyoonttelelani mwa Apwiya Yeesu weera mupwahereraxe mwa mweetteloweene yoowo.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.