Epacerero 49:9 - Emakhuwa Bible

⁹ Yuda, weyo ti mwaaxaana a mwatto; aani mwanaka, ntoko mwatto ahokolowaka woolupatthani. Oniireherera otuphela ntoko mwatto; oniixaatalela ntoko mwatto muthiyana. Taani ongwera ongwanano?

Epacerero 49:9 Iomraidhean Croise

1 Mamwene 10:20

Ixikada ithannamosa iye saakhalamo icaambulo sa amwatto muloko ni piili mmoha wa khula mpatta wa khula exikada.

2 Nyaha 9:18

Ehice ele yaarino malipa mathannamosa, ni yoonyikalela elipiheriweeneno eyuuma yoorikaxa. Mmipattani miili sa ehice saakhalamo nyoono, khula moono oreeneno mwatto mmoha mukerekheremwaya.

Ezekiyeli 19:5

Amayawe yoonnaaya weera owehererawaya khawaakwanihereiye ni waalakaseya, awo yaamuraati enamuthanla mukina a axaanaaya, mwa yoowo yaamukhalinghaaya mwatto oolipa.

Hoxeya 5:14

Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

Hoxeya 5:4

Mitekosaya khasinaatthunihera ohokoleela wa Mulukwaaya. Munepa wa opuuta ori vamurimaniwaya; awosa khaanimusuwelaru Yave.

Mikeyasi 5:8

Oohalahala a Yakobe anookhala eriyari ya miloko, aani, eriyari ya miloko sincipale, ntoko mwatto eriyari ya axinama a ntuphini, ntoko mwatto oolipa eriyari ya mihuwo sa ikhondoolo, mwa yoowo omvara ni onnyaanya yoovara, ahikhalakaru ongwera otapuxa.

Nuumeru 23:24

Muloko oneemela ntoko mwatto muthiyana; oneemela ntoko mwatto mulopwana, ohiniixaatalelaru mpaka onyaanya yoovaraawe ni owura ephome ya seiyo iivalaawe.”

Nuumeru 24:9

Awosa aniipitha ni aniixaatalela ntoko mwatto mulopwana ni muthiyana, taani anaawere waavenxa? Ereelihiwe yaawo eniyaareelihe, ni elamphwe yaawo eniyaalaphe!”

1 aKorinto 15:24

Vano onuuphiye ommaleloni, Owo aavahereraka omwene wa Muluku Atiithi vahoolo wa ophwata elamulelo yootheene, otokweene wootheene, ni ikuru sootheene.

Deuteronomiyo 33:20

Wa Gadi aaheera: “Ooreelihiwa akhale Muluku omvanghe Gadi elapo etokotoko! Owo iixaatalenle ntoko mwatto akhuuraka nipita ni nikarakasa.

Ethupululo 5:5

Vano mmoha a asitokweene aakeerela: “Muhiinle, moone! Mwatto a epuumba ya Yuda, mukwankhwaari wa Davide, aawina weera ahule elivuru ni ahule iwalelo ithannapiili.”