Epacerero 48:21 - Emakhuwa Bible

²¹ Woottharelana Yixrayeli aamweerela Yoseefe: “Miyo kihanle vakhaani okhwa, mene Muluku anaakhale ni nyuwo ni anoohokoloxereni elapo ya makholowaanyu.

Epacerero 48:21 Iomraidhean Croise

Epacerero 12:5

Aamukuxa mwaariye Sarai ni musulwaawe Loti ni mihakhu sootheene aarinaawe ni arumeiyaawe aathummaawe oHarani, enarowa elapo ya oKanaani.

Epacerero 15:14

Miyo muneenaaka nkeereke waattaruxa yaawo eneera yoopuherekeni, ni vahoolowaya eniikhume ni mihakhu sincipale.

Epacerero 15:16

Mwa epuumba yanaaxexe, anamwane a ekhapiraanyu, eniihokoleele wenno, niwoko otakhala wa awAmori nlelo khoonaaye okwanela.”

Epacerero 26:3

Mpwaherereke okhala elapweene yeela mahuku vakhaani. Miyo nkikhale ni nyuwo, nitho nkooreeliheni. Nkoovaheeni, nyuwo vamoha ni ekhapiraanyu yootheene elapo yootheene ela ni nkikwanihere nlipelo kaapakenlaaka atithinyu, Abrahaamu.

Epacerero 28:15

Vano Miyo kiri ni nyuwo, ni nkookosoopeni mpaka weiwo muneeraanyu murowe, ni nkoohokoloxereni elapweene yeela, niwoko nkirwa koohiyaani mpaka eneeraaya epakeye yeeyo koororomelinghaakani.”

Epacerero 37:1

Yakobe aamaka elapo ya oKanaani, weiwo yaamankaayawo atithawe ntoko namarwa.

Epacerero 46:4

Miyo Yoomeene kinimoohoolani wExipitu ni vekhaikhai kinimoohokoloxani. Vano ntata na Yoseefe nniwale maithwaanyu.”

Epacerero 47:29

Ekhuveelaka ehuhu ya okhwawawe, Yakobe aamwiitthana mwanawe Yoseefe, anamweerela: “Watthuna okisiveliha, wiikaathiki ntatananawo wiithela etakhwaaka ni okiroromeliheke weera onookoonihere onnene ni ororomeleya: Ohikivitheke mwExipitu.

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

Epacerero 50:6

Farawu* aaheera: “Murowe, mwaavithe atithinyu ntoko yoolipelinghaayani.”

Icipo 18:46

Yave Mukumi! Atthapeliwe Mwalaaka. Avuwihiwe Muluku, Mvuluxaaka!

Luuka 2:29

“Muluku onlamula sootheene, ntoko mwaakiroromelinghaanyu, vano munoowera okilaxera mmuretteleni,

Miteko 13:36

Amalihaka waarumeela atthu a ekhapiraawe ntoko Muluku aatthunaawe, Davide aahookhwa. Owo aavithiwa ni makholowaawe ni erutthwaawe yaahuntta.

Deuteronomiyo 30:3

vano Yave Mulukwaanyu onimoohokoloxani wootthukiwani, oomorelakani ikharari ni oothukumanyihakanitho ni miloko sootheene mwa weiwo mwaamwareenlaanyuwo.

Deuteronomiyo 31:8

Yave muneenaawe onimoohoolelani ni onookhala ni nyuwo. Khoohiyani meekhiinyu. Muhoove hata muhiporore.”

2 Timootheyo 4:6

Wa miyo, kooyeehiwa ntoko yooveleela yoowura. Yookhuveela ehuhu ya opwahawaka.

aHeberi 7:3

Owo onkhala musaserdoti* mahuku ootheene, woohikhala atiithi, amaayi, ekhapira, epacerero, naari emalihero ya okumi, alikanxiweene Mwaana a Muluku.

aHeberi 7:8

Mpatta mmoha, yaale anaakhela yanaamuloko ari atthu ankhwa, mpatta mukina, yoole onaakhela ti yoowo oneereliwa weera onkhala ni okumi.

Yoxuwa 1:5

Khaawo eniiwere woowinani mmahukuni ootheene a okumaanyu. Kinookhala ni nyuwo ntoko kaaraaka ni Moisesi. Nkirwa koohiyaani meekhiinyu.

Yoxuwa 1:9

Kohoolamulelani: Mukhaleke ookhomaala ni oolipa murima. Muhoove hata muhiporore, niwoko Yave Mulukwaanyu onookhala ni nyuwo weiwo muneeraanyu mvire.”

Yoxuwa 23:14

Vano, kihanle vakhaani okhwa. Nyuwosa moosuwela ni murimaanyu ni okumaahu wootheene weera Yave Mulukwaanyu ookwanihera soororomeliha sootheene oopakenlaaweni. Sootheene sookwaniheriwa – kheewoworu ohiyanyihalaawe.

Yoxuwa 3:7

Vano Yave aamweerela Yoxuwa: “Olelo kinoopacera woovuwihani vamaithoni wa aYixrayeli ootheene weera esuwele weera Miyo kiri ni nyuwo ntoko kaaraaka ni Moisesi.

2 Pedru 1:14

niwoko koosuwela weera kihanle vakhaani ohiya eheema ela, ntoko Apwiyaahu Yeesu Kristu akithupululenlaaya.