Epacerero 48:15 - Emakhuwa Bible

¹⁵ Vano aamureeliha Yoseefe eeraka: “Muluku aareelihe anamwane ala. Makholowaaka Abrahaamu ni Isaki yaamurumeela Muluku Owo, ni Owo aari Mukukhulaaka mahuku ootheene mpaka olelo.

Epacerero 48:15 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 24:20

Woowaakuveya aahiittha maahi iitthelaka nipuro na owura, anatthimakela ohimeni weera ariketho maahi ookwana owuriha ikamelu* sootheene.

Epacerero 24:40

Awo yaakaakhula: ‘Yave Yoowo kinimurumeelaaka anoorumihele ndyelowaawe, nitho anoowerihe weera weyo weette nnenesene ni mukwaahaawo, weeratho omuruuhele mwanaka, muthiyana a nihimonaka, aani a emusi ya atithaka.

Epacerero 27:27

Aamwaattamela, anambeeca. Vano oonaka wunkhela wa soowara aamureeliha eeraka: “Ii! Wunkhela wa mwanaka ori ntoko wunkhela wa ntuphi Yave oreelihalaawe.

Epacerero 27:4

Vano, ohoolowaya okaapeele yooca yeele yookisivaxa, ni okiruuhele weera miyo kiceeke ni weera kooreelihe kihinaaye okhwa.”

Epacerero 28:20

Vano Yakobe aalipela muneenaawe eeraka: “Muluku akhala ni miyo, akikosoopa ni mukwaheene yoola kimpakaaka, akivaha epaawu weera kice ni soowara weera kiwareke

Epacerero 28:22

Nluku nna keemenxaaka olelo ntoko nrimbu nnikhale Empa ya Muluku, ni sootheene muneeraanyu mukivahe, miyo kinimoovahanitho yanaamuloko.”

Epacerero 28:3

Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 35:3

Nrowe nithaamele oBeteli. Kintthuna kamutekelewo altaari* Muluku okikhavihenre miyo kaaraaka moothananani, ni okihoonle mmapuroni moothemwene miyo keettaaka.”

Epacerero 48:16

Aani, ti Mulukweene Yoowo aari ndyelo okivulunxe wa soonanara sootheene. Ekhale oowiitthaniwa mwa nsinanaka ni masina a atithaka Abrahamu ni Isaki nitho ekhalaneke ekhapira etokotoko mweelaponimu.”

Epacerero 49:22

Yoseefe ti mwiri woowiimaxa; wusa wusa wusa mukerekhere naattuuttu. Iphandisaya sinrambela vasulu wa exiri.

Epacerero 49:24

Mene muupaawe waahaanya nnenesene ni nyoonosawe saari soohithukumela niwoko na ntata na Namawera a Yakobe ori Mukukhuli ni Mwala a Yixrayeli.

Epacerero 49:28

Ti seiya ipuumba muloko ni piili sa Yixrayeli ni ti seiya atithaya yaaleelansaaya yaareelihaka, emvahaka khula mutthu nreeliho naamwaattama.

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

1 Mamwene 3:6

Salomoni aamwaakhula: “Mwaamoonihera murima wooreeraxa murumeiyaanyu, atithaka Davide niwoko owo aari oororomeleyaanyu, a murima wooreera ni a ekhaikhai. Mwaapwaherera omoonihera murima wooreera mumvahaka mwaana mulopwana, mwa yoowo okilaathiye vahiceniwawe olelo.

1 Nyaha 5:1

Ala yaari anamwane asilopwana a Rubeni, ntthaara na Yixrayeli. Vanonto, owo ti aari ntthaara na Yixrayeli, vaheera eenre aakonano amwaaraya atithawe, soophwanelasawe sa ontthaara yaavahiwa anamwane asilopwana a Yoseefe, mwaana mulopwana a Yixrayeli, moota wooweera Rubeni khaalikeleliwe ntoko ntthaara munamalepelani a mukhapirani.

Icipo 16:8

Mahuku ootheene kiningweha Yave ohoolowaka. Ti Yoowo onkookolela – nkirwa kittikinyeya.

Icipo 23:1

Yave ti Mukukhulaaka – kheewo eniikihaleele.

Icipo 37:3

Munroromele Yave ni mpake yooreera – hiiho nyuwo munoomaka mweelaponi mukhalaka oolipeene.

Okhuma 3:16

Muroweke, mwaathukumanyihe asitokweene a aYixrayeli ni mwaaleele: ‘Yave, Muluku a atithinyu, Muluku a Abrahaamu, a Isaki ni a Yakobe ookikhumelela, anakeerela: ‘Miyo kohootthukuruwelasani, niwoko kohoona mumpakasiwaanyu wExipitu.

Okhuma 4:5

Yave aamweerela: “Eyo keerenle weera awo yaakhulele weera Muluku a atithaya, Muluku a Abrahaamu, a Isaki ni a Yakobe ohookhumelelani nyuwo.”

Namalaleiya 5:12

Ikhove sa namuteko ti soosiva, hata acaaka vaakhaani naari vancipale, vaheera osareya wa namapuha, onimuruuhela naawalaphile.

Namalaleiya 5:18

Hiiho, kohoonelela weera wa mutthu, yoomureerela ni yootthunaawe, ti oca, owura ni opuha yeeyo ophwannyaawe ngwiiminyaalelanimwawe wootheene mulaponi mmahukuni vakhaani a okumi Muluku onimvahaawe, niwoko eyo ti yoovaheriwaawe.

Namalaleiya 6:7

Wiiminyaalelawawe wootheene mutthu opakeliwe eyanowaawe; wa soothesene ohaawelawawe, khooninkwanaru.

Yesaya 30:21

Naari mwaahapuwelaka moono woolopwana hoye hoye woothiyana, maaruwaanyu animwiiwa nsu ottuliwanyu neeraka: “Ephiro ti ela, mutthare.”

Yesaya 33:16

Ti yoole mulopwana aneera akhale musulusulu ni wootthawelawawe onuukhale mwaako. Onookhalano yooca ni maahi kheemuthowa.

Yeremiya 8:2

Anookhala vanlakani yoopeliweke nsuwa, ni yaareliweke mweeri ni ithenyeri sa wiirimu mwa seiyo awosa yaasivelaaya ni yaarumeelaaya ni mwa seiyo yaattharaaya, yaakokhorelaaya ni yaattottopelaaya. Makhuveene yaawo kheethukumanyihiwa hata kheevithiwa, mene eniikhale ntoko ikokhola vatthayani.

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

1 aKorinto 10:31

Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

Deuteronomiyo 33:1

Ti yaala mareeliho aavanghaawe Moisesi, mulopwana a Muluku, aareelihaka aYixrayeli ahinaaye okhwa:

aKolosi 2:6

Tivawo hiiho ntoko nyuwo mmwaakhenlaanyu Kristu Yeesu ntoko Apwiya, mpwaherere okhala mwa Yoowo,

1 aTesalonika 2:12

nilipihaka murima, nipepesaka ni nikhalelaka onamoona weera nyuwo mweettele moota woophwanelela wa Muluku, mwa Yoowo owiitthanenleni wa omwenaawe ni ovuwa.

aHeberi 11:21

Munroromeloni Yakobe, ahanleene vakhaani okhwa, aahaareeliha anamwane ootheene a Yoseefe, ni aamulapa Muluku, uuramelaka vathokani ya ekopwaawe.