Epacerero 48:10 - Emakhuwa Bible

¹⁰ Yixrayeli maithwaawe yaari ookotakota niwoko na wuuluvala ni khaawera woona nnenesene. Tivawo Yoseefe aawaattamihenraawe anamwanaawe, ni atithawe yaahaabeca, enaakhubaara.

Epacerero 48:10 Iomraidhean Croise

Epacerero 27:1

Isaki uuluvanleene ni akhaliweene evaasi, aamwiitthana Esawu, ntthaaranawe, anamweerela: “Mwanaka.” Owo aamwaakhula: “Miyo kiri va.”

Epacerero 27:27

Aamwaattamela, anambeeca. Vano oonaka wunkhela wa soowara aamureeliha eeraka: “Ii! Wunkhela wa mwanaka ori ntoko wunkhela wa ntuphi Yave oreelihalaawe.

Epacerero 31:55

Oxaawaya, Labani aavenya, anaabeeca axisulwaawe ni anamwanaawe, anaareeliha ni vahoolowaya aahokoleela elapwaawe.

Epacerero 45:15

Woottharelana, Yoseefe aahaabeca axunneiye ootheene ni aahiinla ni yaawosa. Vahoolowaya paahi yaawenraaya ontthekulano.

Epacerero 48:11

Vano Yixrayeli aamweerela Yoseefe: “Nkuupuwelela weera nkoonetho ekhovaawo, ni vano Muluku ookitthunihera owoonatho anamwanaawo.”

Epacerero 48:8

Yakobe awoonakaru anamwane a Yoseefe, aakoha: “Alasa taani?”

1 Mamwene 19:20

Elixa aahiya imombe, anamutthimakela Eliya, amweerelaka: “Mukihiye kaalaxera atithaka ni amayaka ni ebeecu ni vano kinimoohoolani.” Eliya aamwaakhula: “Muroweke. Koopankeni eheeni?”

Namalaleiya 12:3

anamalipelela a empa yaathukumelaka ni asilopwana oolipa yeettaka khupakhupa; anamaxila yaahiyaka oxila mwaha wookhala vakhaani, ni yaale angwehera muxanelani yaahiweraka woona;

Yesaya 59:1

Vekhaikhai moono wa Yave khookhuveiye woohiwera woovuluxani hata maaruwaawe khaattiyeiye woohiwera wiiwa.

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Deuteronomiyo 34:7

Moisesi okhwiiye ni iyaakha ncira nimoha ni miloko miili, maithwaawe ni ikurusawe khasaammalenle.

1 Samuweli 3:2

Ohiyu omoha, maitho a Eli ekotakonteene ahoonaka nnenesene, owo aahiixaatalela aakonaawewo.

1 Samuweli 4:15

Owo aarino iyaakha miloko mithannamixexe ni ithannatthaaru sa oyariwawawe ni maithwaawe yaakotakota khoona.