Epacerero 47:4 - Emakhuwa Bible

⁴ Nlelo yaamweerelasa: “Nirwiiye omaka wenno mweehuhuni vakaani, niwoko mweelaponi ya oKanaani etala yoowirimaxa ni mihuwo sa arumeiyaanyu khasinono yooca. Vano, dyoontte, mutthunihere weera arumeiyaanyu ekhale mweelaponi ya oGoxeni.”

Epacerero 47:4 Iomraidhean Croise

Epacerero 12:10

Vanonto etala yaawirima oKanaani ni Abraamu aarowa wExipitu ni aakhala weiwo aarerihelaka vakhaani.

Epacerero 15:13

Vano Muluku aamweerela: “Musuwele weera anamwane a ekhapiraanyu eniikhale ntoko anamarwa mweelaponi yoohikhala yawaya ni eniyeereke opuheriwa ni ohasuliwa wookwana ehuhu ya iyaakha macira maxexe.

Epacerero 43:1

Etala yaawirima mulaponi.

Epacerero 45:10

Nyuwosa mmwakhale elapo ya oGoxeni, ni hiiho mmwikhale vakhiviruwaka, nyuwosa vamoha ni anamwaniinyu, nitho osuulwaanyu, ikhondoolosanyu ni imombesanyu, ni sooreelasanyu sootheene.

Epacerero 46:34

mwamwaakhule ha: ‘Arumeiyaanyu anghuwa muhuwo okhuma enamwanaaya ntokotho yaapakaaya makholowaaya.’ Hiiho munootthuniheriwa omaka mweelaponi ya oGoxeni, niwoko akukhuli ootheene ari oonyoosiwa ni awExipitu.”

Epacerero 47:5

Farawu* aamweerela Yoseefe: “Atithinyu ni axunninyu yoorweenleni nyuwo.

Icipo 105:23

Vano Yixrayeli aavolowa wExipitu; Yakobe aakhala ntoko namarwa mweelaponi ya oHami.

Yesaya 52:4

Vanonto Yave onlamula sootheene oneera ha: “Khalayi mulokwaaka waarowa wExipitu weera wamakewo, mene mweehuhuni yeela awAsiriya ti anamahooxaaya.”

Miteko 7:11

Vahoolowaya yaakhumelela etala wExipitu wootheene ni oKanaani, eruuhaka ohaawa otokotoko, ni makholowaahu khayaaphwanya yooca.

Miteko 7:6

Vano Muluku aamuleela moota ola: “Ekhapiraanyu eniikhale anamarwa mweelaponi mwa amalapo, ni eniikhalihiwe ipottha ni eniihooxiwe wa iyaakha miloko mixexe.

Deuteronomiyo 26:5

Vano mweeraseke vamaithoni wa Yave Mulukwaanyu: “Atithaka yaari ngwArami ooweetteetta, enarowa wExipitu ni atthu akina vakhaani, enamakawo ethatuwaka muloko mutokotoko, woolipaxa ni woowaattaxa.