Epacerero 43:30 - Emakhuwa Bible

³⁰ Yoseefe waamuumaxa owanoni mwaha wa munneiye ole moota wooweera aatthuna wiinla. Tivawo aavennyaawe woowaakuveya, anavolowa mukwaartunimwawe, aniinla.

Epacerero 43:30 Iomraidhean Croise

Epacerero 42:24

Yoseefe aavenya vaavaale, anapacera wiinla ni, amalihakaru wiinla, aahokololeela wuuluma ni yaawo. Aamuthanla Simeyoni, analamulela otthukiwa ni onyooro vamaithoniwaya.

Epacerero 45:2

Yoseefe aakhuwela iinlaka moota wooweera mpaka awExipitu wiiwa, ni ihabari iye saaphiya vaate wa Farawu*.

Epacerero 46:29

Yoseefe aawela ekaaro, anarowa oGoxeni weera aakumaneno atithawe Yakobe. Akumanakaru ni atithawe, aatthimaka weera aakhubaare, ni aakhubaaraka yaawo, aahiinla vancipale apisaka omaala.

1 Mamwene 3:26

Amayawe mwaana mukumi emuthananelaxaka mwanaya yaamudyoonttelela mwene: “Dyoontte pwiiyaaka, mumvahe ola mwaana mukumi. Muhimwiive!” Wa soothesene, muthiyana mukina aaheera: “Hata nyuwo naari miyo nihimukuxe. Munkakatthanye eriyariru!”

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Miteko 20:19

Kaahaarumeela Apwiya ngwiiyevihani ni maithori, naamwi keereriwaka vancipale ni soovaanela sa aYuda.

Miteko 20:31

Tivawo, ngwehawehe. Muupuwelele weera wa iyaakha tthaaru nkinahiyerere omooperera ni maithori ohiyu ni othana khula mutthu a nyuwo.

Miteko 20:37

Ootheene yaahiinla vancipale, ni emukhubaaraka, yaamubeeca.

aFilipi 1:8

Muluku ti namoonaaka moota miyo kunkheliwaka ni nyuwo ootheene moosiveliwani vancipale mwa Kristu Yeesu.

aFilipi 2:1

Vano, Kristu oolipiha mirimasanyu; osivelawawe woowoovahani opepesa; nyuwo mookhalano wiiwanana ni Munepaawe, mookhalano osivela ni ikharari,

aKolosi 3:12

Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima.

2 Timootheyo 1:4

Kohuupuwelela maithoraawo, ni kinghaawela vancipale owoona weera ohakalalawaka okhale wookwanela.

1 Yohaane 3:17

Akhalano mukina mihakhusawe ni amoonaka munneiye ahaawelaka etthu aahimukhaviheratho, onuukhale hai osivela wa Muluku mwa yoowo?