Epacerero 42:6 - Emakhuwa Bible

⁶ Yoseefe aari ti yoowo aahoolela elapo yootheene ya wExipitu nitho aari ti yoowo aathumihera etrigu miloko sootheene sa mweelaponi. Tivawo, ephiyakaru axunneiye Yoseefe, yaamukokhorenlaaya ohoolowawe.

Epacerero 42:6 Iomraidhean Croise

Epacerero 18:2

Abrahaamu aawoona asilopwana araru yeemenleene woorakamela vakhaani. Awoonakaru, aavenya vamulako wa eheemaawe, anaatthimakela weera aakumaneno, anuuramela vathi.

Epacerero 19:1

Wiilaka, andyelo eeli ale yaaphiya oSodoma, ni Loti eera akilaantheene vamulako wa esidade. Awoonakaru, aaheemela, anarowa owaakhelela, anuuramela vathi.

Epacerero 33:3

Owo muneenaawe aarowa ohoolo ni, awaattamelaka amunnawaawe, aahaakokhorela imaara ithannapiili.

Epacerero 41:43

Vahoolowaya, aangweliha mukaaroni yanaaveeli ya omwene, ni atthu yannakhuwela vahoolowawe: “Muhule ephiro!” Hiiho Yoseefe aavahereriwa ohoolela elapo yootheene ya wExipitu.

Epacerero 41:54

Vanonto saapacera iyaakha ithannapiili sa etala mooteene yoole Yoseefe aahimmaawe. Mweelaponi sootheene sikina yaakhala etala etokotoko, vaheera wExipitu yaakhalawo yooca.

Epacerero 41:57

Vano atthu a ilapo sootheene yannarowa wa Yoseefe weera ethume etrigu wExipitu, niwoko etaleene yeele yaatepaxa waatta mweelaponi yootheene.

Epacerero 44:14

Yuda ni axunneiye yaaphiyaaya vaate wa Yoseefe, owo nlelo aari weiwo. Vano awosa yaahiikuhera vathi ohoolowawe.

Epacerero 45:26

ni yaahaathalihera ihabari iya: “Yoseefe ori ni okumi! Mwa yeeyo: Ti mutokweene a wExipitu wootheene.” Yakobe owanoni waamuuma ni khaawaakhulela.

Epacerero 45:8

Khamuhiyono nyuwosa mukiruuhale nno, mene aani Muluku muneene. Owo ookikhaliha ntoko namalaka a Farawu* ni muhooleli a vaatewawe wootheene ni elapo yootheene ya wExipitu.

Epacerero 48:12

Vahoolowaya Yoseefe aahaavenxasa mmakuthanimwaya, ni aahuuramela vathi ohoolowawe.

Masu a Miruku 11:26

Muloko onimulapha yoole oniipithiha etrigu, vaheera mareeliho animurweela yoole ori oolikaneene othumiha.

Yesaya 60:14

Anamwane asilopwana a anamahasulaanyu animoowa ekokhorelaka vanaawoniwanyu; ootheene anoothanyani anookokhorela inaawosanyu ni anoowiitthanani Esidade ya Yave; oSiyoni wa Ootteela wa oYixrayeli.

Miteko 7:10

ni aamoopola wa soohooxasawe sootheene, amvahaka Yoseefe mahala ni miruku vamaithoni wa Farawu*, mwene a wExipitu. Hiiho owo aamukhaliha ntoko guvernadori a wExipitu ni a empaawe etokotoko yootheene ya mwene.

Ethupululo 3:9

Miyo kinimwaanyesereriha yaawo ari a eSinagoga* ya Satana, yaawo aniixeerela weera ari aYuda ehikhanle, ereene toko anamootha, weera erwe yookokhoreleni inaawosanyu ni esuwele weera kohoosivelani nyuwo.

1 Samuweli 20:41

Apwahakaru mmiravo, Davide aahiithupululela mpatta wa ohitto wa nluku, anamuuramela Yonatani imaara tthaaru, ekhovaawe attittihaka vathi. Vano yaalaxerana ni ebeecu, yiinlasaka – ootepaxa wiinla aari Davide.