Epacerero 42:5 - Emakhuwa Bible

⁵ Anamwane a Yixrayeli yaarowa othuma etrigu yaatakansana vamoha ni akina yaarowelatho etthweene yeeyo, niwoko etala yaakwanela elapo yootheene ya oKanaani.

Epacerero 42:5 Iomraidhean Croise

Epacerero 12:10

Vanonto etala yaawirima oKanaani ni Abraamu aarowa wExipitu ni aakhala weiwo aarerihelaka vakhaani.

Epacerero 26:1

Vano yaakhala etala mweelaponi ele ntoko yaakhumelenlaaya mweehuhuni ya Abrahaamu. Tivawo Isaki aarongwaawe oGerari weiwo Abimeleki aaraawe mwene a aFilisti.

Epacerero 41:54

Vanonto saapacera iyaakha ithannapiili sa etala mooteene yoole Yoseefe aahimmaawe. Mweelaponi sootheene sikina yaakhala etala etokotoko, vaheera wExipitu yaakhalawo yooca.

Epacerero 41:57

Vano atthu a ilapo sootheene yannarowa wa Yoseefe weera ethume etrigu wExipitu, niwoko etaleene yeele yaatepaxa waatta mweelaponi yootheene.

2 Samuweli 21:1

Ehuhu ekina moolamulani wa Davide, yaakhala etala yaavonle iyaakha tthaaru. Tivawo Davide aamvekenlaawe Yave. Yave aamwaakhula: “Ti niwoko na Sawuli ni emusaawe yoosareya ephome; niwoko aawiiva aGibiyoni.”

Miteko 11:28

Mmoha a yaawo iitthaniwa Agabo, aaheemela ni aahima mwa Munepa weera eniikhale etala etokoko mweelaponi yootheene ya oRooma, ni eyo yaakhumelenle ehuhu ya olamula wa Klawudiyu.

Miteko 7:11

Vahoolowaya yaakhumelela etala wExipitu wootheene ni oKanaani, eruuhaka ohaawa otokotoko, ni makholowaahu khayaaphwanya yooca.