Epacerero 42:21 - Emakhuwa Bible

²¹ Yaaheerelana: “Vekhaikhai ninttaruxeliwa yeeyo nimpankaahu munnihu, niwoko naamoona moota owo aakacamiheiyaawe aanidyoonttelelaawe mwa okumaawe, mene khanaamwiiwelenle. Tivawo aniweenlaaya makacamiho ala.”

Epacerero 42:21 Iomraidhean Croise

Epacerero 41:9

Mutokweene a anamarumeela a soowura aamweerela Farawu*: “Vekhaikhai olelo kinuupuwelelaaka ohiyanyihawaka.

Epacerero 44:16

Yuda aamwaakhula: “Nneereke hai wa apwiyaaka? Nnihimekeni? Moota heeni nneeraahu nooviriyeleni weera hiyo khaninono nthowa? Muluku oomwaleela nthowa na arumeiyaanyu. Vano noolikana weera nikhale ipotthasanyu vamoha ni yoowo ophwanyaningwe ekoomixaanyu.”

Epacerero 45:3

Yoseefe aaweerela axunneiye: “Miyo ti Yoseefe. Atithaka nlelo akumi?” Mene ale yaatteenguwa vamaithoniwawe woohiwera omwaakhula.

Epacerero 50:15

Vano, axunneiye Yoseefe yoonaka weera atithaya ahookhwa, yaaheerelana: “Ankha Yoseefe nlelo anithanya, uupuwelelaka ikukuttula mwa sootheene seiye naampankaahu?”

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

1 Mamwene 17:18

Vano naamukhweli ole aamukoha Eliya: “Kootthekenleni mulopwana a Muluku? Murweenle va okuupuxera sootthekasaka ni omwiiva mwanaka?”

Masu a Miruku 21:13

Yoowo onttiyela maaru mookhuwelani mwa oohaawa, vano aakhuwelaka khaakhuliwatho.

Masu a Miruku 28:17

Namwiiva onghooxiwa ni nthowa onookhala namatthawatthawa mpaka okhwa; woohikhala oomukhavihera.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Yeremiya 4:18

“Mweettelowaanyu ni mitekosanyu muneenaanyu sohooruuhelani ekhotto eyo. Moota noowaawenlaayani nttaruxonanyu ni nno noophiya vamurimaniwanyu.”

Hoxeya 5:15

Vahoolowaya, kinoohokoleela vanipuronivaka mpaka awosa eneeraaya yaakhulele nthowanaya. Ni awosa animwaasa ekhovaaka; moohaawanimwaya anookaasa ni murima wootheene.”

Nuumeru 32:23

Vaheera, nyuwosa mwaahipaka yeeyo, munoomutthekela Yave; ni musuwele weera nyuwosa khamoopowa wa yoottheka epakingwe.

Matheyo 7:2

Vano, mooteene yoowo munthorihaanyu, nyuwo munoothorihiwa, ni muringo mumvarelaanyu muteko, onoovareliwatho muteko wa nyuwo.

Marku 9:48

weiwo nyuungusaya sihinkhwaayawo ni mooro ohinciphaayawo.

Luuka 16:28

niwoko kookhalanowo axunna athanu. Munrume weera owo awooperere axunnaka, weera awo ehiwetho vanipuroni nna na ohaawaxa.’

Miteko 19:18

Ancipale a yaawo yaaroromenle, yaahoowa ni yaalapa ehimaka mwaatthuni mitekosaya soonanara.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.

Ahooleli 1:7

Adoni-Bezeki aaheera: “Mamwene miloko mithannamiili ethikiliweene ikathasaya itokweene sa mmatatani ni mmettoni yannakhupela inyenyeeri vathi wa meesaaka. Mooteene yoowo Mulukutho ookipaka.” Awosa yaamurongha oYerusaleemu, anakhwelawo.