Epacerero 42:13 - Emakhuwa Bible

¹³ Awo yaanyesereratho: “Arumeiyaanyu yaari axunna muloko neeli, ootheene anamwane a tiithi mmoharu onkhala elapo ya oKanaani. Vano neetthaako ohanle owaani ni atiithi ni mukina ohookhwa.”

Epacerero 42:13 Iomraidhean Croise

Epacerero 37:30

anahokoleelatho wa axunneiye, anaweerela: “Mmiravo khamomo! Vano miyo kikeleke woowi?”

Epacerero 42:11

Ootheene hiyo ti anamwane a tiithi mmoharu. Arumeiyaanyu ti atthu oororomeleya, khaahiyono anamahottela!”

Epacerero 42:12

Yoseefe aanyesera: “Hoye! Nyuwo murweenle paahi woona mipatta heeni sa elapo sihikhapeleleiyaayawo.”

Epacerero 42:14

Wa soothesene, Yoseefe aaheera: “Ti yeele miyo kooleenlaakani. Nyuwo anamahottela!

Epacerero 42:32

Noomuleelatho weera naari axunna muloko neeli, anamwane a tiithi mmoha, ni weera mmoha ohookhwa, ni neetthaako ohanle ni atiithi oKanaani.

Epacerero 42:36

Yakobe aaweerela: “Nyuwosa munoovira mukimaliheraka anamwanaaka. Yoseefe ohookhwa, Simeyoni khakhanle vaava, vano nlelo muntthuna okaakha Benyamini! Olatta wookikhuruwela.”

Epacerero 42:38

Yakobe aamwaakhula: “Mwanaka kharowa vamoha ni nyuwo, niwoko amunnawaawe ahookhwa, ni ohanle yoola paahi. Yamukhumelela erisa munkwahani muneeraanyu mweette, nthowa nnikhale nawinyu weera namuuluvala ola akhwe moothananani.”

Epacerero 43:29

Awehaka mukhwipimwawe, Yoseefe aamoona munneiye Benyamini aayariwe ni amayaya amoharu, anaakoha: “Ti yoola munninyu neetthaako mwaakileenlaanyu?” Vahoolowaya aamweerela: “Muluku oovahe mahala, mwanaka.”

Epacerero 43:7

Awo yaawaakhula: “Ti mulopwana owo aanikohakonghe sa emusaahu. Aanikoha: ‘Atithinyu nlelo akumi? Nyuwosa mookhalano munninyu mukina? Vano hiyo naakhunle paahi yeeyo owo aanikonghaawe. Naarowa osuwela hai weera ole aarowa oninyesereriha omukuxa munnihu?”

Epacerero 44:20

Hiyo naawaakhulani weera nlelo nookhalano atithihu oowuuluvaleene, mwanaya neetthaako amuyanre yuuluvanleene. Vano amunnawaawe a amayawe amoharu ahookhwa ni ola ohanle meekhaawe ni atithawe, annamusivela vancipale.

Epacerero 44:28

Mmoha a yaawo oottakaneela ni kaaheera: ‘Vekhaikhai oonyaanyiwa ni mpaka olelo nkimmoona.

Epacerero 45:26

ni yaahaathalihera ihabari iya: “Yoseefe ori ni okumi! Mwa yeeyo: Ti mutokweene a wExipitu wootheene.” Yakobe owanoni waamuuma ni khaawaakhulela.

Yeremiya 31:15

Yave oneera ha: “Nniiwanyeya nsu oRama, wiikhupanyera ni wiixiinlelaxa: ti Rakheli ongwiinlela anamwanaawe ni onkhootta opepesiwa, niwoko anamwanaawe aamala.”

Icipo Soolalamika 5:7

Asitithihu yaattheka ni khaawowotho ni hiyo ninttaruxeliwa sootthekasaya.

Matheyo 2:16

Aasuwenlaawe Herodi weera aalokotthiwa ni anamiruku, aanyoonyiwa vancipale ni, aalikelelaka ehuhu anamiruku yaahimalaaya, aalamula owiiva anamwane asilopwana ootheene a oBetelehemu ni mukhwipimwaya yaarino iyaakha piili mpaka ooyariwa vaanaano.

Matheyo 2:18

“Waahiiwanyeya okhuwela oRama – wiinla ni olalamika vancipale. Rakheli awiinlelaka anamwanaawe ni akhoottaka opepesiwa, niwoko khaawowo anamwane.”