Epacerero 42:10 - Emakhuwa Bible

¹⁰ Awosa yaamweerela: “Hata vakhaani apwiya! Arumeiyaanyu ala arweenle paahi othuma yooca.

Epacerero 42:10 Iomraidhean Croise

Epacerero 27:29

Soorumeele miloko, ni amalapo yookokhorele. Okhale pwiiya a axunneiyo ni anamwane a amayawo yookokhorele. Oolaphiwa ekhale yaawo eneera yoolaphe, ni ooreelihiwa yaawo eneera yooreelihe.”

Epacerero 27:37

Isaki aamwaakhula Esawu: “Koomvaha ikuru soowoolamula weyo nitho asinaangolwaawo moota wooweera nyuwosa munoothatuwa arumeiyaawe, ni koomuroromeliha etrigu ni eviinyu. Nkoopakele eheeni mwanaka?”

Epacerero 37:8

Axunneiye yaaheera: “Weeraka weyo onookhala mwenaahu? Onghima weera weyo onrowa onilamula?” Vano yaatepaxa omuthanya mwaha wa olohawawe, ni yeeyo aahimmaawe.

Epacerero 42:11

Ootheene hiyo ti anamwane a tiithi mmoharu. Arumeiyaanyu ti atthu oororomeleya, khaahiyono anamahottela!”

Epacerero 44:9

Mmoha a hiyo aphwanyaniwa yeeyo, anaakhwe. Vano hiyo ootheene akina nnikhale ipottha sa Yoseefe.”

1 Mamwene 18:7

Obadiya eettaka hiihaale, Eliya aamukumanano ni Obadiya aamusuwela, anuuramela vathi amukohaka: “Ti nyeenyuweene pwiiyaaka Eliya?”

1 Samuweli 26:17

Sawuli aasuwela nsunawe Davide, anamukoha: “Mwanaka Davide, ti nsunawo?” Davide aamwaakhula: “Ti nawaka, pwiiyaaka mwene.”