Epacerero 41:38 - Emakhuwa Bible

³⁸ Farawu* aahaakoha anamalakaawe: “Weeraka nnoomphwanya mukina ntoko mulopwana ola ookhalano Munepa wa oMuluku?”

Epacerero 41:38 Iomraidhean Croise

Epacerero 41:37

Yoovaanela ya Yoseefe yaamusiveliha Farawu* nitho anamalakaawe.

Ezera 7:25

Vano nyuwo, Ezera, ni miruku oovanghaaweni Mulukwaanyu, mwaakhalihe anamalamula ni aphuki weera ekwanihere ekhaikhai wa atthu ootheene a ilapo sa okhopela mooloko Efratesi – ootheene ansuwela malamulo a Mulukwaanyu. Ni mwaaxuttihe yaale ahisuwenle malamulo ale.

Yobi 32:8

Vaheera ti munepa onkhala mpuwa mwa mutthu onimvaha wiiwexexa – ngwiya wa Muluku a ikuru sootheene.

Masu a Miruku 14:35

Murumeiyi musuweli onimusiveliha mwene, vaheera yoowo oneetta ngwuuliheyani muru oniiruuhela isara sa mwene.

Masu a Miruku 22:29

Nyuwo mummoona mulopwana a ettottho mmutekonimwawe? Onooweliheriwa muteko wa emwene; khaavarela muteko atthu oohisuwanyeya.

Yesaya 19:11

Asitokweene a oZowaani ari alolo; anamalaka a miruku a Farawu* amvaha miruku soololo. Moota heeni mungweraanyu omweerela Farawu*: “Miyo namiruku, oohusera a mamwene a khalayi”?

Daniyeli 4:18

Ela yooloha miyo Nebukadenezari kaaraakano. Vano, Beltexazari, mukithalihere etaphulelowaaya niwoko khawowo a anamirukwaaka moomwenenimwaka ongwera okithalihera etaphulelowaaya. Vaheera nyuwo mungwera niwoko munepa wa miluku sootteela onkhala mwa nyuwo.”

Daniyeli 4:6

Vano kaalamula weera anamiruku ootheene a oBabiloniya eruuhiwe ohoolowaka weera ekitaphuleleke yoolohaaka.

Daniyeli 5:11

Ookhala mulopwana moomwenenimwanyu orino munepa wa miluku mwa yoowo. Mweehuhuni mwa atithinyu waahooneya weera aakhalano wiiwexexa ni miruku ntoko sa miluku. Mwene Nebukadenezari, atithinyu mwaarandenlaanyu, aamukhaliha mutokweene a anamacitta, akhwiri, anamawehaweha ithenyeeri ni anahako.

Daniyeli 5:14

Kohiiwa weera munepa wa miluku ori mwa nyuwo ni weera mookhalano wiiwexexa, soosuwela ni miruku sitokotoko.

Daniyeli 6:3

Vano Daniyeli aaweraxa moolamulanimwawe eriyari ya asitokweene eeli akina ni mapwattapwattha, moota wooweera mwene aahuupuwela omukhaliha mutokweene anaaveeli a omwene wootheene.

Daniyeli 6:4

Mwa yeeyo, maguvernadori eeli akina ni mapwattapwattha yannaasaasa moota woomoothera Daniyeli moolamulanimwawe, mene khayaawenre ophwanya. Khayaaphwanya etthu yookhoromana mwa yoowo niwoko aari oororomeleya ni khaankhanle a murima wookhoromana naari murima woohipwattha.

Nuumeru 27:18

Vano Yave aamwaakhula Moisesi: Mmwiitthane Yoxuwa, mwaana mulopwana a Nuni, mwa yoowo oraayamo Munepa ni mmwiikaathere matata.