Epacerero 41:16 - Emakhuwa Bible

¹⁶ Yoseefe aamwaakhula: “Iwo khoohiyono owerawaka. Ti Muluku anaavahe aFarawu* yoowaakhula yooreerela.”

Epacerero 41:16 Iomraidhean Croise

Epacerero 37:14

Yakobe aapwaherera: “Orowe woone sootheene seettaka nnene ni axunneiyo nitho muhuwo, ni okiruuhele ihabari. Yakobe aamurumihale areene vareyareyani na oHeberoni. Vano Yoseefe aathweelela aattamelaka oXekhemi.

Epacerero 40:8

Vanonto, awo yaamwaakhula: “Niwoko hiyo ooweeli nooloha, mene khaawo ongwera onitaphulela soolohasahu.” Yoseefe aaweerela: “Ti Muluku paahi ongwera onitaphulela sooloha. Mukithalihere seiyo mulonghaanyu.”

Epacerero 41:17

Vanonto Farawu* aamuthalihera Yoseefe yoolohaawe: “Miyo kilonghe keemenleene mukerekhere mooloko Nilu,

Epacerero 41:25

Yoseefe aamweerela Farawu*: “Sooloha soopiili sa Farawu* vekahaikhai sintaphulela etthu emoharu paahi. Ti Muluku ontthuna owoonihera aFarawu* yeeyo Owo aneeraawe apake.

Epacerero 41:28

Ti yeeyoweene ntoko kooleenlaakani aFarawu: Muluku oowoonihera aFarawu* yeeyo aneeraawe apake.

2 Mamwene 6:27

Mwene aamwaakhula: “Yave aahookhaviherani, nkookhavihereni hai? Apaale yookhala etrigu vanipuroni nimveeriwaayamo hoye hoye iwuuva* sinaameliwaayamo?”

Daniyeli 2:47

Mwene aamweerela Daniyeli: “Vekhaikhai Mulukwaanyu ti Muluku a miluku ni Apwiya a mamwene ni Namathupulula a mitikhinelo, niwoko moowera woonihera ntikhinelo nna.”

Daniyeli 4:2

Enkisiveliha woothaliherani sa ineneero ni sootikhiniha sooweraxa Muluku a Osulusulu okipakenlaawe.

Zakariya 4:6

Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

Nuumeru 12:6

ni Owo aaweerela: “Mwiiwe maswaaka: Aakhalaka eriyaraanyu mprofeeti a Yave, kiniixoonihera mwa yoowo mmooneloni; kinuuluma ni yoowo moolohani.

Luuka 19:42

eeraka: “Weera weyotho olelo wiiwexexe yeeyo entthuneya oruuha murettele! Eyotho ti yoovitheya vamaithoniwawo.

Miteko 3:12

Oonaka yeeyo, Pedru aaweerela: “aYixrayeli, heeni ela enootikhinihaayani? Heeni nyuwo munniwehexexaanyu hiyo ntoko hiyo niwenre omweettiha mulopwana ola ni ikurusahu asineenaahu, naari ni murimaahu wa omuluku?

Miteko 3:7

Amvarelaka ni ntata na moono mulopwana, aamukhavihera weemela, ni woowaakuveya inaawo ni itthottopwasawe saalipa.

1 aKorinto 15:10

Vano, niwoko na mahala a Muluku miyo kiri yeeyo kiraaka, ni mahalaawe wa miyo khayaahiyono a siiyo. Mwa yeeyo koovara muteko waapwaha yaawo ootheene, wa soothesene nkihiyono miyo, mene mahala a Muluku yaari ni miyo.

2 aKorinto 3:5

Eyo kheenoonihera weera hiyo ningwera opaka etthu ni owerawahu asineenaahu, ohiyanawaya, owerawahu onrweela wa Muluku.

Deuteronomiyo 29:29

Itthu sa wiiphiini ti sa Yave Mulukwaahu, mene itthu soothupululeya ti sawihu ni anamwaniihu wa mahuku ootheene weera niiwelele masu ootheene a malamulo ala.