Epacerero 38:24 - Emakhuwa Bible

²⁴ Siviraleene nyeeri miraru, yaamweerela Yuda: “Mwaara a mwaninyu Tamari, ooraruwa, ni mooraruwanimwawe oorupala.” Vano Yuda aawaakhula: “Munkhumihere vaate weera ahisiwe mukumi!”

Epacerero 38:24 Iomraidhean Croise

Epacerero 20:3

Wa soothesene, Muluku aahoowa wa Abimeleki moolohani, anamweerela: “Weyo onimookhwa! Muthiyana omukuxalaawo ootheliwa.”

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

Epacerero 20:9

Vahoolowaya Abimeleki aamwiitthana Abrahaamu, anamweerela: “Onipankeni? Kootthekenle eheeni okiruuhelaka nthowa ntokotoko miyo vamoha ni omwenaaka? Yeeyo okipankaawo kheehiyono etthu yooreera omupaka mukhwaawo.”

Epacerero 34:31

Awo yaamwaakhula: “Wookhala nnene murokorihu omukhaliha ntoko puuta?”

Epacerero 38:23

Yuda aamwaakhula: “Omuhiyekeno, weera nihitheiwe. Ekhaikhai ti weera koomurumihela epuri, mene weyo khoomphwannye.”

2 Samuweli 12:5

Davide aamunyoonyeraxiwa namapuha ole, anamweerela Natani: “Kinlipela mwa Nsina na Yave, mulopwana opanke yeeyo omphwanela wiiviwa!

2 Samuweli 12:7

Vano Natani aamweerela Davide: “Mutthweene yoowo ti nyuwo! Yave Muluku a aYixrayeli oneera ha: ‘Kohoottikitthelani omwene wa aYixrayeli ni kohoovuluxani mmatatani mwa Sawuli.

Namalaleiya 7:26

Kohoonelela weera yootepaxa owaawa opwaha okhwa ti muthiyaya ori muraakho, mwa yoowo murimaawe ti ntapha ni matataawe ti onyooro. Vano mulopwana onimusiveliha Muluku, onimoopowa mwa yoowo, vaheera namattheka onoovariwa ni yoowo.

Yeremiya 2:20

Khalayi Miyo kaaphwata yoolemelaanyu, kinapasa onyooro wootthukani. Vaheera nyuwosa mweenre: Miyo nkoorumeelani! Ohiyanawaya, mwaako wootheene woorakamela ni vathi wa nyiri sootheene soopomba, nyuwo mwiixaatalela ntoko puuta.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 3:6

Moolamulani wa mwene Yosiya, Yave aakeerela: “Nyuwo mohoona yoohiroromeleya apankaaya aYixrayeli? Aawela mwaako wootheene woorakamela, enarowa vathi wa nyiri sootheene soopombaxa weera eraruwe.

Yeremiya 3:8

aYuda ahoonatho weera kohaavaha nlaxi na omwalana wa aYixrayeli oohiroromeleya niwoko na oraruwawaya wootheene. Hata hiiho kohoona weera axunnaya, aYuda, anamavariha, aararuwatho ehoovaka.

Ezekiyeli 16:15

‘Vaheera nyuwo muroromenle ophwaneliwawanyu ni epilaanyu, muniikhaliha puuta. Mohaavaha sooreelasanyu yaawo avinre mukhwipimwanyu, ni ophwaneliwawanyu woothatuwa wawayasa.

Ezekiyeli 16:25

Opacenraayaru khula musewe nyuwo mohiitekela mapurowaanyu oolapa oorakama, muveihaka ophwaneliwawanyu ni mwaasaka oveleela erutthwaanyu wa khula omviraru.

Ezekiyeli 16:26

Nyuwo mooraruwa ni awExipitu, aximwaattamanaanyu oohaawelaxa, ni munaandyeerera opuutaanyu weera mutannye isarasaka.

Ezekiyeli 16:28

Nyuwo mooraruwatho ni awAsiriya, niwoko mwaari oohikwaneya ni naari eviraleene yeeyo, khamukwaneiye.

Ezekiyeli 16:41

Awosa anoohisa impasanyu, yoottaruxekeni vamaithoni wa asithiyana ancipale. Kinoomaliha opuutaanyu ni nyuwo khamwaalivarutho yaawo nyuwo munaakonanaanyu.

Ezekiyeli 23:19

Wa soothesene, owo annatepaxa onyoowa, uupuwelelaka mahuku a emwalaawe aararuwaawe wExipitu.

Ezekiyeli 23:44

Vahoolowaya alesa yaamukonano. Yaahaakonanosa asithiyana ale ootakhala – Ohola ni Oholiba mooteene yoole onkonaneliwaawe puuta.

Ezekiyeli 23:5

Ohola aavarexexa opuuta areene nlelo awaka; owo aasareya waahaawelaxa yaawo aakonanaawe – anakhotto a awAsiriya,

Hoxeya 2:5

Amayaya khayaaroromeleiye, yaarupalaka yaawosa ngwuulihiheyani muru. Vano awo yeenre: ‘Kinimwaatthara yaawo kinaakonanaaka ankivaha yooca, maahi, soowara sa mapururu a ikhondoolo, eliinyu*, makhura ni yoowura.’

Hoxeya 3:3

Miyo kaamweerela: “Nyuwo mukhaleke ni miyo mmahukuni mancipale; khamukhalatho puuta hata muhimukoneno mulopwana mukina, ni miyo kinookhala ni nyuwo.”

Hoxeya 4:15

Ii! Yixrayeli, naari nyuwo muraruwaka, Yuda ahikhaleno nthowa. Muhirowetho oGiligali; muhiwele oBet-Aveni, ni muheere: ‘Kinlipela mwa okumi wa Yave.’

Levitiku 20:10

Mulopwana araruwa ni mwaara a mukina – mwaara a mukhwaawe – ooweeli awosa yiiviweke.

Levitiku 21:9

Mwaana muthiyana a musaserdoti* iiveiha athatuwaka puuta, owo onaaveiha atithawe; ahisiweke mpaka okhwa.

aRooma 14:22

Yeeyo munroromelaanyu mwaha wa itthusene seiya, eyo ekhaleke variyari wa nyuwo ni Muluku paahi. Ooreelihiwa yoowo ohiniithoriha mwaneenaawe ni yeeyo owo onaakhulelaawe.

Deuteronomiyo 24:16

Muhiwiive asitiithi niwoko na soottheka sa anamwanaaya naari anamwane niwoko na soottheka sa atithaya. Khula mutthu iiviweke niwoko na sootthekasawe muneenaawe.

Ahooleli 19:2

Wa soothesene, ekuxo ele khayaaroromeleya. Yaamuthaama ehokoleelaka vaate wa atithaya oBeteleheemu, oYuda. Siviraleene nyeeri mixexe,