Epacerero 35:2 - Emakhuwa Bible

² Yakobe aaweerela yaawo a vaatewawe nitho yaawo aaraaweno: “Mwiitapuxe wa miluku sa anamarwa siri variyariwanyu. Mwiitteelihe ni muceendye ikuwo.

Epacerero 35:2 Iomraidhean Croise

Epacerero 18:19

Vano Miyo kimuthanlenle weera aweettihe anamwanaawe ootheene ni ikhapirasawe sootheene weera etthare ephiro ya Yave, epakaka yeeyo eri yoororomeleya ni yoowookowa. Hiiho Yave onoomukwaniherela Abrahaamu yeeyo aamuroromelinghaawe.”

Epacerero 31:19

Labani arongweene omettha muhuwaawe, Rakheli aawiiyera icaambulo sa miluku soolokottha sa nihimonawe.

Epacerero 31:30

Vanonto, weyo ottimulenle niwoko noowunkhela vaate wa atithawo, vano wiiyenreni milukusaka?”

Epacerero 31:34

Rakheli iiyaathiye miluku iye mmaahotthani yaari vasulu wa ekamelu*, anakilaathela. Labani aatholathola muheemani moothemwene, mene khaaphwannye etthu.

Epacerero 34:2

Vano, Xekhemi, mwaana a Hamori, muHivi, aalamula elapweene yeele, aamoona, anamvara ni ikuru, anamukoniha.

Epacerero 35:22

Amankeene nlelo elapweene yeele, Rubeni aamukonano Biliya, ekuxo ya atithawe. Yixrayelitho aasuwela yeeyo. Yakobe aakhalano anamwane muloko neeli.

2 Samuweli 7:23

Mulokwaanyu aYixrayeli ti woohilikanxereyatho. Ti muloko mmoharu Muluku ooponlaawe weera okhale mulokwaawe. Hiiho Muluku aatatuxa Nsinanawe na epili. Aapaka sootikhiniha sitokotoko oomoloka miloko ni milukusaya ohoolo wa muloko ola ooponlaawe wExipitu.

2 Mamwene 17:29

Waarookhalaru hiiho, khula muloko waahiipakela milukusaya mmittettheni yiitekinghaaya, oniikaathi mmattumuxani ootteeliheriwa miluku sikina aYixrayeli yaapankaaya yaaraaya oSamariya.

2 Mamwene 5:10

Elixa aamurumihela namutthenga wa yoowo amweerelaka: “Murowe mwarape imaara ithannapiili mmoolokoni Yordanu ni erutthwaanyu enoolama ecapeyeke.”

1 Nyaha 16:26

Miluku sootheene sa miloko ti soowootha, vaheera Yave oopaka irimu.

Yobi 1:5

Yaamalaaya ehuhu ya ifesta, Yobi aalamulela wiitthanasiwa ni aapakiha weera etteelihiwe. Annapeherera opaka sooveleela soohisa aweerelaka yaawosa, niwoko uupuwela: “Apaale anamwanaaka aampahula Muluku mpuwamwaya, emutthekelaka ni emulaphaka Yoowo.” Eyo yaari epakelo ya Yobi.

Icipo 51:2

Mukirapihe wa soonanarasaka sootheene ni mukitteelihe wa sootthekasaka.

Icipo 51:7

Mukitteelihe ni hisopo* ni kinootteeliheya; mukirapihe ni kinookhala ootteelaxa opwaha etthabwe.

Okhuma 19:10

Yave aamweerela Moisesi: “Murowe wa muloko ni mwatteelihe olelo ni omaalo. Awosa ecapeke soowarasaya

Okhuma 19:14

Moisesi akhuruwakaru vamwaako, aatteeliha muloko ni awo yaacapa soowarasaya.

Okhuma 23:13

Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.

Namalaleiya 5:1

Nyuwo mwaarowaka vaNipuroni Nootteela* na Muluku mwiipasoope ni mweettelowaanyu. Fataari yoowo onkhuveela weera iiwe ohikhanle alolo ampaka sooveleela ehisuwelaka weera khaampaka nnene.

Yesaya 1:16

Mwiirapihe ni mwiitteelihe. Mvenxeke mitekosanyu soohitteela vamaithoniwaka! Muhiyerere opaka yoonanara,

Yesaya 52:11

Mususe, mususe! Mvenye va! Muhitaveru etthu yoohitteela! Muhiyeke ni mukhaleke ootteela, nyuwosa munteexa ikaruma sa Yave.

Yeremiya 13:27

Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yeremiya 16:20

Mutthu onkhwa onoowera opaka milukusawe? Aani, mene iyo khasinkhala miluku!”

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Ezekiyeli 20:7

Miyo kaaweerelasa: “Mwiivenxere ootheene nyuwo icaambulo soohiira mwa seiyo saari vamaithoniwanyu, ni muhiivalihe ni miluku sa wExipitu. Miyo ti Yave, Mulukwaanyu.”

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Daniyeli 5:4

Ewuraka eviinyu, yaattottopela miluku sa eyuuma yoorikaxa, eparatha*, ebronze*, eyuuma, nyiri ni maluku.

Levitiku 15:5

Yoowo aneera atave ekaamaawe akatthe soowarasawe ni arapeke ni onookhala oohitteela mpaka oxekuwa.

Levitiku 17:16

Vaheera owo aahikattha ikuwosawe naari aahirapa, owo onoohaawa mootakhalanimwawe.’”

Nuumeru 31:24

Vanihukuni nanaathannameeli mucapeke soowarasanyu, ni nyuwosa munookhala ootteela. Vahoolowaya, mvolowaseke okonelingwe.

Miteko 19:26

ni munoona ni muniiwa moota mulopwana owo Pawulo onaaviriyelaawe ni onaahapuxaawe atthu ancipale a wenno wEfeso nitho a elapo yootheene ya wAsiya. Owo oneera weera miluku soopakiwa ni matata a atthu khasihiyono miluku.

1 aKorinto 10:7

Muhikhale atthu oolapa miluku soolokottha ntoko akina a yaawo. Vano yoolempwa: “Muloko waakilaathi weera oce ni owure, ni waaheemela weera wiine.”

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

aGalata 4:8

Muhinaaye omusuwela Muluku, mwaari ipottha sa miluku seiyo, sihikhanle miluku sa ekhaikhai.

Deuteronomiyo 11:28

vaheera munoophwatiwa nyuwosa mwaahiiwelela malamulo a Yave Mulukwaanyu muhapuwaka mphironi kinoolamulelaakani olelo, mulapaka miluku sikina soohisuwanyeya.

Deuteronomiyo 32:16

Awosa yaatannya ehace ya Muluku niwoko na milukusaya sikina enamunyoonyiha ni icaambulosaya sa mwiikho.

Deuteronomiyo 5:7

Muhikhalane miluku sikina okihiya Miyo.

Deuteronomiyo 6:14

Muhitthare miluku sikina sa miloko sa mukhwipimwanyu,

Deuteronomiyo 7:25

Muhise mmooroni icaambulo sa milukusaya. Muhihaawele iparathasaya naari iyuumasaya soorikaxa sihuruweliwaayano niwoko eyo eniyookhaleleni ntapha. Itthu iyo ti sa mwiikho wa Yave Mulukwaanyu.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!

Yoxuwa 23:7

Muhiitakansere ni miloko iyo sihanle variyariwanyu; muhiitthane masina a milukusaya naari muhilipeleru seiyo. Muhilape naari muhikokhorele.

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

Yoxuwa 24:2

Yoxuwa aaweerela atthu ootheene: “Yave Mulukwaanyu oneera ha: ‘Khalayeene makholowaanyu – mpakatho Tera, tiithi a Abrahaamu, ni Nahori – yaakhala okhopela wEfrates elapaka miluku sikina.

Yoxuwa 24:20

Nyuwosa mwamuhiya Yave murumeelaka miluku sikina, Owo onimoorukunuwelani ni onimoottaruxani. Naari areene a nnene ni nyuwosa, owo onimoophwatasani.”

Yoxuwa 24:23

Yoxuwa aaweerela: “Vanonto, mvonyere okhwipi miluku sikina muraanyuno ni muhokoleele wa Yave, Muluku a aYixrayeli.”

Yuda 1:23

Mwaavuluxe akina ngwookholaka mmooroni; wa akinatho, mwaamorele ikharari ni woova, muthanyaka mpaka ikuwo sivalihiwe ni otakhala wa erutthu.

Ahooleli 10:16

Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.

Ruuti 1:15

Nawomi aamweerela: “Omoone, munnaakaawo onghokoleela omulokononiwawe ni wa milukusawe. Ohokoloweno.”

1 Samuweli 16:5

Samuweli aamwaakhula: “Aani, mmuretteleni. Kirweenle ompakela Yave yooveleela. Mwiitteelihase ni murwe wa miyo wuuveleelani.” Vano aamutteeliha Yixai ni anamwanaawe, anaalattula wuuveleelani.

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”