Epacerero 29:21 - Emakhuwa Bible

²¹ Vano Yakobe aamweerela Labani: “Mukivaheke mwaaraka niwoko iyaakha naavarihannaahu sookwanela. Kintthuna ovolowa ntheli”

Epacerero 29:21 Iomraidhean Croise

Epacerero 29:18

Hapo Yakobe aamusivelaxa Rakheli, aamwaakhula: “Kinimoovarelani muteko iyaakha itthannapiili mukiliveleke mwaninyu mukhaani ori Rakheli.”

Epacerero 29:20

Hiiho Yakobe aamvarela muteko iyaakha ithannapiili amweerelaka Rakheli. Wa soothesene, vamaithoniwawe yaari ehuhu ekhaani niwoko na omusivelaxawawe.

Epacerero 29:22

Labani aahaathukumanyiha atthu ootheene a nipuro nne, anapaka efesta.

Epacerero 31:41

Ti hiiho kikhanlaaka owannyinyu iyaakha miloko miili. Kohoovarelani muteko iyaakha muloko niixexe naakakhanyihaka ni anamwaniinyu eeli asithiyana ni iyaakha ithannamosa ni muhuwaanyu. Imaara muloko mwaaceendya nlivonaka.

Epacerero 38:16

Ahisuwelaka weera aari mwaara a mwanawe, aamurowela muxexere wa musewe, anamweerela: “Orwe va. Kintthuna wookonano.” Tamari aamwaakhula: “Mmukivahe eheeni weera mukikonane?”

Epacerero 4:1

Vano Adamu aamukonano Eva ni owo aarupala, anamuyara Kayini. Eva aaheera: “Ni ekhavihero ya Yave koomuyara mwaana mulopwana.”

Matheyo 1:18

Oyariwa wa Yeesu Kristu weereiye ha: Mariya, amayawe Yeesu, aatthomeriwe ni Yoseefe. Ahinaayetho otheliwa, aarupala ni ikuru sa Munepa Wootteela.

Deuteronomiyo 22:13

Mulopwana athela ni akonneene ni muthiyana aahimutthuna,

Ahooleli 15:1

Eviraleene ehuhu, mweehuhuni enghephiwa etrigu, Samesoni aakuxa epuri ekhaani ntoko yamahala, anarowa omuxekura mwaariye. Aaweerela atithaya amwaariye: “Kinkela okwartu wa amwaaraka.” Wa soothesene, atithawe muthiyana khayaamutthunihenre ovolowa.