Epacerero 29:2 - Emakhuwa Bible

² Nihuku nimoha, awehaka mukhwipi, aahoona ehime ntuphini ni mihuwo miraru sa ikhondoolo siixaatalenleene mukerekheremwaya, hapo mihuwo iye saawura ehimeene yeele. Vano ehime ele yaakhuneeliwa ni nluku ntokotoko.

Epacerero 29:2 Iomraidhean Croise

Epacerero 24:10

Vanonto, murumeiyi ole aavenya ni ahaaci muloko a apwiyaawe, akuxakatho itthu sikina sooreeraxa sa apwiyaawe. Aavenya arowaka oMesopotamiya, mpatta wa esidade Nahori aamankaawe.

Epacerero 24:11

Vano, wiilaka, aahaakokhoriha aahaaci muxerexere wa ehime ya ottuttuwani yaari okhwipi wa esidade ele. Yaari ehuhu emoharu yeeyo asithiyana a esidade ele yaakhovolenlaaya orika maahi ohimeni.

Epacerero 24:13

Ntoko munoonaanyu, kiri va mukhwipi wa ehime ela ni asimwali a muloko wa esidade ela anrwa orika maahi.

Epacerero 29:3

Tivawo mihuwo sootheene saathukumanaayawo, akukhuli yannapirikixa nluku naawaleliwa ehime, enawuriha maahi ikhondoolo ni vahoolowaya yaamuhokoloxera nluku nne vahimeni.

Icipo 23:2

Onkiitthuuwiha munnyepuni eri yooca yooreeraxa ni onkiroiha wa maahi oomaaleleya.

Yesaya 49:10

Awosa kheevoliwa etala naari ntthona, hata oviha wa nsuwa na munikareni khanaahisa. Owo ongwoonihera ikharari onimwaahoolela ni onimwaaphiiha omaahini.

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 4:6

Yaakhala weiwo ehime ya Yakobe. Yeesu akhulumungweene ni mukwahaawe, aakilaathi mukerekhere wa ehime. Yeeyo yeereiye nsuwa vamuru.

Ethupululo 7:17

niwoko Eputtiputthi eri eriyari ya ehice eniikhale Mukukhulaaya. Eyo eniweettihe wa anaattuuttu a maahi makumi. Ni Muluku anaawuukutthe mmaithonimwaya maithori ootheene.”

Ahooleli 5:11

Mwiiwe okhuwelaxa wa anamamiinela a maahi moowureramo. Awosa aniipa owina wa ekhaikhai wa Yave ni wa asitokweene a aYixrayeli. Vahoolowaya muloko wa Yave waarowa vamulako wa esidade.