Epacerero 28:3 - Emakhuwa Bible

³ Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 28:3 Iomraidhean Croise

Epacerero 1:28

Muluku aahaareeliha ni aaweerela: “Mwaandyeereraneke. Musareyeke ni mulamuleke elapo ya vathi yootheene. Mulamuleke ihopa mphareiyani; ipalame sa wiirimu ni inama sootheene sa mweelaponi ya vathi.”

Epacerero 13:16

Nkaandyeerere ekhapiraanyu yootheene weera ekhale ntoko ntthupi na vathi. Khaawo ongwera waalikela mihaava sa ntthupi na etthaya. Mooteene yoowo khaawo aneera awere waalikela ekhapiraanyu.

Epacerero 17:20

Vano mwaha wa Iximayeli, kohiiwa nivekolonanyu. Nkimureelihe ni nkimuvahe ekhapira etokotoko. Anaakhale tiithi a mahimo muloko ni meeli, ni mwa yoowo nkikhalihe muloko mutokotoko.

Epacerero 24:60

Yaamureeliha Rebeka emweerelaka: ”Wunnuwe murokorihu mpaka okhale maayi a atthu ancipalexa! Ekhapiraawo ewine isidade sa amwiittanaawo.”

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 27:33

Isaki aatuthuwa vancipale, aneera: “Vano taani yoole aakunxe enama, anakiruuhela? Miyo kookhuura weyo ohinaaye orwa ni koomureeliha. Vano, vekhaikhai owo ti ooreelihiwa.”

Epacerero 35:11

Aamweerelatho: “Miyo ti Muluku a ikuru sootheene. Muyaraneke ni mwaandyeereraneke. Vano muloko, aani mpaka miloko sincipale, nsikhumelele mwa nyuwo, ni eniikhale mamwene variyari wa ekhapiraanyu.

Epacerero 41:52

Wa mwaana anaaveeli, aamutteha Efrayimi, eeraka: “Muluku ookiweriha oyara mweelaponi kihaawiyaaka.”

Epacerero 43:14

Muluku a ikuru sootheene oomoreliweni ikharari vamaithoni wa mulopwaneene yoowo weera owo atthunihere omuhokoloxa munninyu ni Benyamini vamoha ni nyuwosa. Vano, kaahikhalano anamwane, kheewo yooweera.”

Epacerero 48:3

Yakobe aamweerela Yoseefe: “Muluku a ikuru sootheene aahiixoonihera oLuzi, mweelaponi ya oKanaani ni weiwe aakireeliha

Epacerero 48:4

akeerelaka: “Kinimoovahani ekhapira etokotoko ni mwa nyuwo nsikhumelele miloko sincipale. Nkivahe ekhapiraanyu elapo ela ntoko yawaya wa mahuku ootheene.

Epacerero 49:25

Aani ti Mulukweene Yoowo a atithawo onookhavihera; Muluku a ikuru sootheene onooreeliha ni mareeliho a wiirimu, a moowiixera, a mapele ni a oyara.

Epacerero 9:1

Vano Muluku aamureeliha Nowe vamoha ni anamwanaawe aweerelaka: Muyaraneke ni mwaandyeereraneke weera musareyeke mweelaponi moothemwene.

Icipo 127:1

Yave aahiteka empa, anamateka amvara muteko vasiiyoni. Yave aahikosoopa esidade, namalipelela onkosoopa vasiiyoni.

Icipo 127:3

Anamwane ti yoohiyera ya Yave ni ntthuvelo Owo omvaahaawe.

Okhuma 1:7

Wa soothesene, aYixrayeli yaayarana enaandyeererana vancipalexa mpaka osareya mweelaponi.

Okhuma 6:3

Kaahiixoonihera wa Abrahaamu, Isaki ni Yakobe ntoko Muluku a ikuru sootheene, mene mwa Nsinanaka, Yave, nkiixoonihenre wa yaawosa.

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

Ethupululo 21:22

Nkoonne Empa ya Muluku ekina musidadeni, niwoko Apwiya Muluku a ikuru sootheene ni Eputtiputthi ari empaaya yootteela.

Ruuti 2:4

Aavolowaawe mmatta mwa Bowazi, owo aathitanela awaaka oBeteleheemu anawuulumiha anamahepha eeraka: “Yave akhale ni nyuwosa,” ni awosa yaamwaakhula: “Yave ooreeliheni!”