Epacerero 28:14 - Emakhuwa Bible

¹⁴ Ekhapiraanyu eniikhale ntoko ntthupi na etthaya ni eniimake okhuma ninkhuma nsuwa mpaka ninkela nsuwa, nitho oottuttuwani mpaka ohitto wa elapo, ni mwa miloko sootheene sa mulaponi nsireelihiwe niwoko na nyuwo ni ekhapiraanyu.

Epacerero 28:14 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 13:14

Emwalamwanleene Loti ni Abraamu, Yave aamweerela Abraamu: “Vaavaawo nyuwo muraanyu, ngwehe mipatta sootheene.

Epacerero 13:15

Elapo yootheene ela munoonaanyu, Miyo kinimoovahani nyuwo ni ekhapiraanyu yootheene wa mahuku ootheene.

Epacerero 13:16

Nkaandyeerere ekhapiraanyu yootheene weera ekhale ntoko ntthupi na vathi. Khaawo ongwera waalikela mihaava sa ntthupi na etthaya. Mooteene yoowo khaawo aneera awere waalikela ekhapiraanyu.

Epacerero 18:18

Abrahaamu anaakhale tiithi a muloko mutokotoko ni woolipaxa, ni mwaha wa yoowo miloko sootheene sa mweelaponi nsireelihiwe.

Epacerero 22:17

vano vekhaikhai Miyo nkooreeliheni. Ekhapiraanyu eniikhale yoowaattaxa ntoko ithenyeeri sa wiirimu ni muhaava wa mukerekhere wa ephareiya. Aani, ekhapiraanyu eniiwine isidade seiyo sineera siittane ni yeeyo.

Epacerero 22:18

Vano mwaha wa yeeyo miloko sootheene sa elapo ya vathi nsireelihiwe niwoko nyuwo mookiiwelela.”

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 32:12

Nyuwo moororomeliha weera munookeettihera nnenesene sootheene, nitho ekhapiraaka enimwaandyeerereya, ntoko muhaava wa mphareiya, ohinaalikeleya.”

Epacerero 48:16

Aani, ti Mulukweene Yoowo aari ndyelo okivulunxe wa soonanara sootheene. Ekhale oowiitthaniwa mwa nsinanaka ni masina a atithaka Abrahamu ni Isaki nitho ekhalaneke ekhapira etokotoko mweelaponimu.”

Epacerero 48:19

Mene atithawe yaakhootta yeeraka: “Koosuwela, mwanaka. Miyo koosuwela. Owotho anaathatuwe muloko. Anaakhaletho mutokweene mmoha. Wa soothesene, munneiye mukhaani anaakhale mutokweene ompwaha yoowo ni ekhapiraawe eniithatuwe miloko sincipale.”

2 Nyaha 1:9

Vanonto Yave, Muluku, mukwanihere yeeyo mwaaroromelinghaanyu atithaka, niwoko mookikhaliha mwene a muloko woowaattaxa ntoko ntthupi.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Okhuma 32:13

Muupuwelele sa arumeiyaanyu Abrahaamu, Isaki ni Yakobe. Nyuwo mwaahiilipela: ‘Nkaandyeerere ekhapiraanyu ntoko ithenyeeri sa wiirimu ni kinoovaha elapo yootheene ela kaaroromelinghaaka. Eniikhale yoohiyeriwaaya wa mahuku ootheene.’”

Yesaya 54:3

Niwoko nyuwo munimwaandyeerera mipatta sootheene; ekhapiraanyu enookuxa miloko, eniitekiha mmasidadenimwaya moothaamiwa.

Nuumeru 23:10

Taani ongwera waalikela waatta wa Yakobe ori ntoko ntthupi, hata waatta wa mpatta wanaaxexe wa aYixrayeli? Fataari kikhwe okhwa wa oororomeleya ni ommaleloniwaka okhale ntoko wa muloko ola.”

Matheyo 8:11

Miyo kinooleelani weera animoowa atthu ancipale ninkhuma nsuwa ni ninkela nsuwa, ni anookilaathi vameesa vamoha ni Abrahaamu, Isaaki ni Yakobe moomweneni wa wiirimu.

Miteko 3:25

Ni nyuwo muri anamwane a maprofeeti ni a wiiraana Muluku aapankaawe ni makholowaanyu. Owo aamweerela Abrahaamu: ‘Niwoko na ekhapiraanyu miloko sootheene sa elapo ya vathi nsireelihiwe.’

aGalata 3:16

Hiihotho ni soororomelihiwa saapakeliwe Abrahaamu ni ekhapiraawe. Yoolempwa* kheeneera: ‘ni wa ikhapirasawe’ ntoko ancipale, mene ‘wa ekhapiraawe,’ weera enoonihere weera enuuluma sa mutthu mmoha paahi, eyo tiiyo Kristu.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

awEfeso 1:3

Oottottopeliwa akhale Muluku ni Atiithi a Apwiyaahu Yeesu Kristu! Vano, mwa Kristu, Owo oonireeliha ni mareeliho ootheene a Munepa ari wiirimu.

Deuteronomiyo 12:20

Yave Mulukwaanyu aandyeerenreene elapwaanyu ntoko oororomelinghaaweni ni mwaatthunaka okhuura enama mweeraka: “Ninghaawela okhuura enama vakhaanene,” vano mwakhuure muntthunelaanyu.

Deuteronomiyo 13:17

Muhiphwanyaniweru elakeliwe ophwatiwa weera Yave akurunuxe isarasawe. Owo onimoomoreliwani ikharari, anaawaandyeerereni ntoko aaroromelinghaawe ni nlipelo makholowaanyu,

Ethupululo 7:4

Vano kaahiiwa waatta wa yaale yiikaatheriwe: atthu 144 000 wa ipuumba sootheene sa aYixrayeli.

Ethupululo 7:9

Vahoolowaya kaaweha, ni ohoolowaka yaakhala atthu ancipalexa mwa yaawo khaawo aawera owaalikela. Yaakhala wa ilapo, ipuumba, miloko, ni muulumo ootheene. Yaarimweemela ohoolo wa ehice ni wa Eputtiputthi, ewanreene mikaandyo sootteela ni emvarenleene mmatatanimwaya kancesa.