Epacerero 26:4 - Emakhuwa Bible

⁴ Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 26:4 Iomraidhean Croise

Epacerero 13:16

Nkaandyeerere ekhapiraanyu yootheene weera ekhale ntoko ntthupi na vathi. Khaawo ongwera waalikela mihaava sa ntthupi na etthaya. Mooteene yoowo khaawo aneera awere waalikela ekhapiraanyu.

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 15:5

Muluku aamulamulela okhumela vaate, anamweerela: “Ngwehe wiirumu. Moone, mwawera, waalikela ithenyeeri. Niwoko hiiho oneeraaya okhale waatta wa atthu a ekhapiraanyu.”

Epacerero 18:18

Abrahaamu anaakhale tiithi a muloko mutokotoko ni woolipaxa, ni mwaha wa yoowo miloko sootheene sa mweelaponi nsireelihiwe.

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 28:14

Ekhapiraanyu eniikhale ntoko ntthupi na etthaya ni eniimake okhuma ninkhuma nsuwa mpaka ninkela nsuwa, nitho oottuttuwani mpaka ohitto wa elapo, ni mwa miloko sootheene sa mulaponi nsireelihiwe niwoko na nyuwo ni ekhapiraanyu.

Epacerero 28:3

Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 35:12

Elapo kaamvanghaaka Abrahaamu ni Isaki, kinoovahanitho nyuwo, ni kinoovaha mooteene yoowo ekhapirwaanyu.”

Epacerero 47:27

Vano aYixrayeli yaahiitekiha wExipitu mweelaponi ya oGoxeni. Weiwo yaaphwanya sawayasene, yaayarana, enaandyeererana.

1 Nyaha 27:23

Davide khaawaalikenle asilopwana oohikwaniha iyaakha miloko miili, niwoko Yave aaroromeliha weera aangwaattiha aYixrayeli ntoko ithenyeeri sa wiirimu.

Icipo 72:17

Nsinanawe nipwaherereke wa mahuku ootheene ni epilaawe elekele nsuwa noopaka. Miloko sootheene sinooreelihiwa mwa yoowo ni awosa anoomweerela ooreelihiwa.

Okhuma 32:13

Muupuwelele sa arumeiyaanyu Abrahaamu, Isaki ni Yakobe. Nyuwo mwaahiilipela: ‘Nkaandyeerere ekhapiraanyu ntoko ithenyeeri sa wiirimu ni kinoovaha elapo yootheene ela kaaroromelinghaaka. Eniikhale yoohiyeriwaaya wa mahuku ootheene.’”

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Miteko 3:25

Ni nyuwo muri anamwane a maprofeeti ni a wiiraana Muluku aapankaawe ni makholowaanyu. Owo aamweerela Abrahaamu: ‘Niwoko na ekhapiraanyu miloko sootheene sa elapo ya vathi nsireelihiwe.’

aGalata 3:16

Hiihotho ni soororomelihiwa saapakeliwe Abrahaamu ni ekhapiraawe. Yoolempwa* kheeneera: ‘ni wa ikhapirasawe’ ntoko ancipale, mene ‘wa ekhapiraawe,’ weera enoonihere weera enuuluma sa mutthu mmoha paahi, eyo tiiyo Kristu.

aGalata 3:8

Yoolempwa* ya khalayi, yoonaka ehinaaye weera Muluku onoowaakhulela amalapo niwoko na nroromelonaya mwa Kristu, yaalaleiya toko wa Abrahaamu masu ooreeraxa: “Niwoko na nyuwo miloko sootheene nsireelihiwe.”

Deuteronomiyo 13:17

Muhiphwanyaniweru elakeliwe ophwatiwa weera Yave akurunuxe isarasawe. Owo onimoomoreliwani ikharari, anaawaandyeerereni ntoko aaroromelinghaawe ni nlipelo makholowaanyu,

Deuteronomiyo 9:5

Khoohiyono niwoko na waakhuleliwawanyu ni Muluku naari oreerawanyu murima muneeraanyu mwakuxe elapwaaya, mene niwoko na otakhala wa miloko iyo. Yave Mulukwaanyu onimoomola ohoolowanyu weera akwanihere yeeyo aaroromelinghaawe ni nlipelo makholowaanyu Abrahaamu, Isaki ni Yakobe.

aHeberi 11:2

Vano, waari niwoko na nroromelo asitokweene a khalayi yaakhenlaaya onamoona wooreera.