Epacerero 26:3 - Emakhuwa Bible

³ Mpwaherereke okhala elapweene yeela mahuku vakhaani. Miyo nkikhale ni nyuwo, nitho nkooreeliheni. Nkoovaheeni, nyuwo vamoha ni ekhapiraanyu yootheene elapo yootheene ela ni nkikwanihere nlipelo kaapakenlaaka atithinyu, Abrahaamu.

Epacerero 26:3 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 13:15

Elapo yootheene ela munoonaanyu, Miyo kinimoovahani nyuwo ni ekhapiraanyu yootheene wa mahuku ootheene.

Epacerero 13:17

Vano mweetteette elapo yootheene ela mipatta sootheene, niwoko kinimoovahani.”

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 17:19

Muluku aamwaakhula: “Vekhaikhai Sara onimooyarelani mwaana mulopwana ni nyuwo mmunttehe Isaki. Nkikhalihe wiiraanyihawaka ni yoowo ni ekhapiraawe ya muhoolo ntoko wiiraana woohimala.

Epacerero 17:8

Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

Epacerero 20:1

Vano Abrahaamu aavenya weiwe arowaka elapo ya oNegeba, anarowa omaka eriyari ya oKade ni oXuri. Vano, aakhala wa mahuku makina oGerari.

Epacerero 25:11

Vahoolo wa okhwa wa Abrahaamu, Muluku aamureeliha mwanawe Isaki. Vano, Isaki aamanke vakhiviru wa oBeher-Lahi-Royi.

Epacerero 26:12

Isaki, mweelapweene yeele, aahaala mmatta ni aahepha eyaakheene yeele miringosene ncira sa seiyo aanlaawe, niwoko Yave aamureeliha.

Epacerero 26:14

Aakhalano mihuwo sincipale ni arumeiyi ancipale, moota wooweera aFilisti yannamukhalela nrima.

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 28:13

Yave aari mukhwipimwaya, aneera: “Miyo ti Yave, Muluku a Abrahaamu apwiyaanyu ni Muluku a atithinyu Isaki. Elapweene yeela mukonnaanyu kinikoovaheeni, vamoha ni ekhapiraanyu yootheene.

Epacerero 28:15

Vano Miyo kiri ni nyuwo, ni nkookosoopeni mpaka weiwo muneeraanyu murowe, ni nkoohokoloxereni elapweene yeela, niwoko nkirwa koohiyaani mpaka eneeraaya epakeye yeeyo koororomelinghaakani.”

Epacerero 31:3

Yave aamweerela Yakobe: “Muhokoleele elapo ya anatithinyu ni wa amusaanyu, ni Miyo nkikhale ni nyuwo.”

Epacerero 35:12

Elapo kaamvanghaaka Abrahaamu ni Isaki, kinoovahanitho nyuwo, ni kinoovaha mooteene yoowo ekhapirwaanyu.”

Epacerero 39:2

Yave aari ni Yoseefe ni aamukhavihera weera sootheene simweettele nnenesene ni aakhala vaate wa apwiyaawe ngwExipitu.

Epacerero 39:21

Vawo Yave aari ni yoowo, amooniheraka oreerawawe murima ni amutatuxaka mutokweene a mukaliposo weera amureereliwe murima Yoseefe.

Epacerero 48:21

Woottharelana Yixrayeli aamweerela Yoseefe: “Miyo kihanle vakhaani okhwa, mene Muluku anaakhale ni nyuwo ni anoohokoloxereni elapo ya makholowaanyu.

Epacerero 50:24

Ahinaaye okhwa, Yoseefe aaweerela axunneiye: “Miyo kihanle vakhaani okhwa. Vekhaikhai, Muluku anookhavihereni ni anoovenxeni mweelaponi ela, ooronghakani elapo aamuroromelinghaawe ni nlipelo Abrahaamu, Isaki ni Yakobe.

1 Nyaha 16:16

sa wiiraana opankaawe ni Abrahaamu, sa nlipelo ompakenlaawe Isaaki.

Icipo 105:8

Owo onuupuwelela wiiraanawawe wa mahuku ootheene; masu olamulenlaawe wa ikhapira macira muloko,

Icipo 105:9

aani onuupuwelela wiiraana aapankaawe ni Abrahaamu; nlipelo aapankaawe ni Isaki.

Icipo 32:8

Kinoovahani miruku kooxuttihakani ephiro muneeraanyu mukuxere; kinimoolakani ni kinimookosoopani.

Icipo 39:12

Mwiiwe nivekelonaka Yave; mwiiweke okhuwelelawaka ekhavihero. Muhimaale miyo kiinlaka. Vano kiri ntoko namarwaanyu omvira – ntoko yaaraaya makholowaaka.

Okhuma 2:24

Vano Muluku aahiiwa wiikhupanyerawaya, anuupuwelela wiiraana aapankaawe ni Abrahamu, Isaki ni Yakobe.

Okhuma 3:12

Muluku aamwaakhula: “Miyo nkikhale ni nyuwo. Ni ela eri eneneero weera ti Miyo kinoorumihani: Mwaakhumihaka atthu mwExipitu, nyuwosa mmwinlape Muluku mwaakweene yoola.”

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Okhuma 6:7

Miyo kinimookhalihani mulokwaaka ni kinookhala Mulukwaanyusa. Vano nyuwosa mmwisuwele weera Miyo ti Yave Mulukwaanyu mwa Yoowo onootapuxani mmutekoni mumvarihiwaanyu ni awExipitu.

Okhuma 6:8

Miyo kinimooronghani mulaponi kaalipenlaaka keemexaka ntata weera kaarwa omvaha Abrahaamu, Isaki ni Yakobe. Kinimoovahani ntoko elapwaanyu. Miyo ti Yave!’”

Yesaya 43:2

Mwaalapuwaka, kinookhala ni nyuwo; mwaalapuwaka yooloko, seiyo khasoomireihani; mwaaviraka mmooroni, khamunza; malumi a mooro khaanoohisani.

Yesaya 43:5

Muhoove niwoko kiri ni nyuwo; kinimwaaruuha anamwaniinyu okhuma ninkhuma nsuwa ni kinimoothukumanyiherani ninkela nsuwa.

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Deuteronomiyo 1:8

Moone, kohoovahani elapo eyo. Mwavolowe ni mwakuxe elapo Yave aaroromelinghaawe ni nlipelo waavaha makholowaanyu Abrahaamu, Isaki Yakobe ni ekhapiraaya.”

Deuteronomiyo 34:4

Vano Yave aamweerela: “Ele ti elapo kaaroromenlinghaaka ni nlipelo omvaha Abrahaamu, Isaki ni Yakobe kaaweerenlaaka: ‘Kinoovaha ekhapiraanyu.’ Kohootthuniherani woona ni maithwaanyu, vaheera khamvolowamo.”

aFilipi 4:9

Sootheene seiyo nyuwo muxuttenraanyu, mwaakhenlaanyu, mwiiwalaanyu ni moonnaanyu wa miyo, mweereke seiyo. Ni Muluku a murettele anaakhale ni nyuwo.

aHeberi 11:9

Munroromeloni aakhala mweelaponi yoororomelihiwa ntoko areene mweelaponi ya anamarwa. Aakhala muheemani vamoha ni Isaaki ni Yakobe, mwa yaawo yaahaakhela yoororomelihiweene yeeyo.

aHeberi 6:17

Muluku aatthuna woonihera ni ekhaikhai ya nnenesene wa yaale yeera yaakhele yoororomelihiwa weera olakelawaya khoorwa onceendyeya. Tivawo, aalipihera yoororomelihiwa ele ni nlipelo.