Epacerero 26:24 - Emakhuwa Bible

²⁴ Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 26:24 Iomraidhean Croise

Epacerero 13:16

Nkaandyeerere ekhapiraanyu yootheene weera ekhale ntoko ntthupi na vathi. Khaawo ongwera waalikela mihaava sa ntthupi na etthaya. Mooteene yoowo khaawo aneera awere waalikela ekhapiraanyu.

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

Epacerero 17:7

Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

Epacerero 17:8

Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

Epacerero 21:17

Vano Muluku aamwiiwa mwaana iinlaka, ni ndyelo a Yave aamwiitthana Hagari wiirimu eeraka: “Enoothananiha eheeni Hagari? Ohoove, niwoko Muluku ohiiwa nsu na mwaana weiwo weyo omuhiyalaawo.

Epacerero 22:17

vano vekhaikhai Miyo nkooreeliheni. Ekhapiraanyu eniikhale yoowaattaxa ntoko ithenyeeri sa wiirimu ni muhaava wa mukerekhere wa ephareiya. Aani, ekhapiraanyu eniiwine isidade seiyo sineera siittane ni yeeyo.

Epacerero 22:19

Abrahaamu aahokoleela wa arumeiyaawe, anarowa vamoha ni yaawo oBerxeba mwa weiwo aamankaawe.

Epacerero 24:12

Vano aavekela: “Yave, Muluku a apwiyaaka Abrahaamu, mukivahe nihuku nna etthu yooreeraxa, ni mukhale ni murima wooreera mwaakhalelaka apwiyaaka Abrahaamu.

Epacerero 28:13

Yave aari mukhwipimwaya, aneera: “Miyo ti Yave, Muluku a Abrahaamu apwiyaanyu ni Muluku a atithinyu Isaki. Elapweene yeela mukonnaanyu kinikoovaheeni, vamoha ni ekhapiraanyu yootheene.

Epacerero 28:15

Vano Miyo kiri ni nyuwo, ni nkookosoopeni mpaka weiwo muneeraanyu murowe, ni nkoohokoloxereni elapweene yeela, niwoko nkirwa koohiyaani mpaka eneeraaya epakeye yeeyo koororomelinghaakani.”

Epacerero 28:3

Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 30:27

Labani aamwaakhula: “Okoonihereke murima wooreera. Kohoonelela weera mwaha wa weyo Yave ookireeliha.”

Epacerero 31:5

Vano aaweerela: “Kinoona weera mweettelo wa atithinyu wa miyo khoohiyono yoole wa khalayi. Muluku a atithaka ori ni miyo.

Epacerero 39:2

Yave aari ni Yoseefe ni aamukhavihera weera sootheene simweettele nnenesene ni aakhala vaate wa apwiyaawe ngwExipitu.

Epacerero 39:3

Potifari, asuwelakaru weera Yave aari ni Yoseefe ni weera sootheene aavaraawe sannamweettela nnenesene,

Epacerero 46:1

Yixrayeli aattimula ni soorelasawe sootheene. Aaphiyaawe oBerxeba, aampakela yooveleela Muluku a atithawe Isaki.

1 Mamwene 17:13

Eliya aamweerela: “Muhoove. Murowe owaani ni mwapake yeeyo muhimmaanyu. Mukipakele toko eboolu ekhaanene sa seiyo murinaanyu ni mukiruuheleke. Vahoolowaya mpakeke yoocaanyu ni mwaninyu.

Okhuma 14:13

Moisesi aaweerela: “Muhoove, mminye murima ni moone olelo ovuluxa wa Yave. awExipitu mungwoonaanyu olelo khamurwa ngwoonatho.

Okhuma 3:6

Aapwaherera eeraka: “Miyo ti Muluku a atithinyu; Muluku a Abrahaamu, a Isaki ni a Yakobe.” Vano Moisesi aakhuneela ekhovaawe niwoko aahoova ongweha Muluku.

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Icipo Soolalamika 3:57

Nyuwo mwaakaattamela kookhuwelenlaakani, muneera: “Muhoove.”

Levitiku 26:42

Miyo kinimuupuwelela wiiraanawaka ni Yakobe ni wiiraanawaka ni Isaaki ni wiiraanawaka ni Abrahaamu ni kinimuupuwelela elapo.

Levitiku 26:45

Mwaha wa waasivelawaka kinimuupuwelela wiiraana ni makholowaaya kaakhumihalaaka wExipitu vamaithoni wa miloko weera kikhale Mulukwaaya. Miyo ti Yave.’”

Matheyo 22:32

‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!”

Luuka 12:32

Muhoove, muhuwo mukhaaneene, niwoko waahaasiveliha Atiithi woovahani omwene.

Miteko 7:32

‘Miyo ti Muluku a makholowaanyu, Muluku a Abrahaamu, Isaaki ni Yakobe.’ Moisesi, athukumelaka ni woova, kheerera oweha.

Deuteronomiyo 13:17

Muhiphwanyaniweru elakeliwe ophwatiwa weera Yave akurunuxe isarasawe. Owo onimoomoreliwani ikharari, anaawaandyeerereni ntoko aaroromelinghaawe ni nlipelo makholowaanyu,

Deuteronomiyo 31:6

Mukhaleke oolipa ni oominya murima. Muhoove hata muhitteenguwe seiyo, niwoko Yave Mulukwaanyu onookhala ni nyuwo. Khoohiyani meekhiinyu.”

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 13:6

Hiiho ninoowera ohima ni nroromelo: “Apwiya ti ekhaviherowaaka, nkinoova. Anaawere okeeriha eheeni mutthu?”

Ethupululo 1:17

Kimoonakaru, kaamorela vanaawoniwawe ntoko mutthu okhwiiye. Vano Owo aakiikaathera ntatanawe na moono mulopwana, anakeerela: “Muhoove, Miyo ti Oopacera ni Oomalihera.

Ruuti 3:11

Vano, mwanaka, ohoove, kinimoopakela sootheene okivekenlaawo. Asilopwana ootheene a esidadaaka aasuwela weera weyo muthiyana a mukhalelo wooreeraxa.